Mose IV, 3:25 - BAIBLO ALOO NGMAMI KLƆUKLƆU Ɔ

²⁵ Kpe he bo tsu ɔ he níhi nɛ a tu kɛ wo a dɛ mi ji: kpe he ɔ, bo tsu ɔ kɛ e nɔ hami nɔ́ ɔ, bo tsu ɔ sinya a nya bo ɔ,

Mose IV, 3:25 ပူးပေါင်းရင်းမြစ်များ

Kronika I, 23:32

A ní tsumi hu ji kaa a hyɛ kpe he bo tsu ɔ, kɛ Yawɛ we ɔ a nɔ, nɛ a piɛ a nyɛmimɛ osɔfo ɔmɛ, nɛ ji Aaron bimɛ ɔmɛ a he kɛ sɔmɔ ngɛ Yawɛ we ɔ.

Kronika II, 31:2

Matsɛ Hezekia kpale dla ní tsumi kɛ ha osɔfo ɔmɛ, kɛ Levi bi ɔmɛ, nɔ tsuaa nɔ kɛ e ní tsumi pɔtɛɛ. Ní tsumi slɔɔto ɔmɛ ji nɛ ɔmɛ nɛ: sami bɔ sami, tue mi jɔmi bɔ sami, sɔmɔmi ngɛ Yawɛ we ɔ, kɛ Yawɛ yi jemi kɛ si nami.

Mose II, 25:9

A pee sihi he nɛ ɔ kɛ e mi dlami ní ɔmɛ ngɛ henɔhi a nya pɛpɛɛpɛ kaa bɔ nɛ ma tsɔɔ mo ɔ.

Mose II, 40:19

E ma bo tsu ɔ si, nɛ e ngɔ kpe he bo tsu ɔ heha nɔ́ ɔ ngɔ ha he kaa bɔ nɛ Yawɛ fa lɛ ɔ.

Mose II, 40:28

Mose kɛ bo ɔ ha kpe he bo tsu ɔ sinya a nya.

Mose IV, 1:50

Levi bi ɔmɛ lɛɛ ngɔɔ kpe he bo tsu ɔ, kɛ e he ní ɔmɛ, kɛ e mi ní ɔmɛ tsuo a nɔ hyɛmi ní tsumi ɔ kɛ wo a dɛ. Mɛ nɛ a maa hɛɛ kpe he bo tsu ɔ kɛ e he ní ɔmɛ. Mɛ nɛ a maa hyɛ nɔ; nɛ bo tsu ɔ he ji he nɛ a maa hi.

Mose IV, 10:17

Kɛkɛ nɛ a gbɛ bo tsu ɔ; nɛ Gershon bi ɔmɛ, kɛ Merari bi ɔmɛ nɛ tloo bo tsu ɔ hia nyɛɛmi.

Mose IV, 3:24

A nyatsɛ ji Lael bi Eliasaf.

Mose IV, 3:7

A ma sɔmɔ ngɛ kpe he bo tsu ɔ he, nɛ a ma tsu Aaron, kɛ ma a tsuo a ní tsumi ngɛ lejɛ ɔ.

Mose IV, 7:7

E ha Gershon bi ɔmɛ tlɔɔke enyɔ, kɛ na eywiɛ ngɛ a ní tsumi nya,

Marko 13:34

E ngɛ kaa nyumu ko nɛ benɛ e maa doma a, e si e we ngɔ ha e tsɔli. E ha a ti nɔ tsuaa nɔ ní tsumi pɔtɛɛ nɛ e ma tsu. E de bulɔ ɔ ke e hyɛ we ɔ nɔ saminya.

Kolosebi 4:17

Jehanɛ ɔ, nyɛ de Arkipo ke, “Ní tsumi ɔ nɛ a tu ngɔ wo o dɛ ke o tsu ha Nyɔmtsɛ ɔ, hyɛ nɛ o tsu kɛ gbe nya.”

1 Timoteo 1:18

Ye bi Timoteo, munyuhi nɛ gbali ɔmɛ tu blema ngɛ o he ɔ, lɔ ɔmɛ imi hu i ngɛ mo fae ke o pee. Ha munyu nɛ ɔmɛ nɛ a pee kaa ta hwumi níhi ngɛ o dɛ nɛ o kɛ tsu ní saminya.