Mose IV, 3:15 - BAIBLO ALOO NGMAMI KLƆUKLƆU Ɔ

¹⁵ “Moo kane Levi bi ɔmɛ weku nya weku nya, kɛ we puɔ nya we puɔ nya, nɛ o ngma nyumu tsuaa nyumu nɛ ye kɛ je nyɔhiɔ kake kɛ yaa a e biɛ.”

Mose IV, 3:15 ပူးပေါင်းရင်းမြစ်များ

Mose IV, 26:62

Nyumuhi nɛ ngɛ Levi wɛtso ɔ mi, nɛ a ye kɛ je nyɔhiɔ kake kɛ yaa, nɛ a ngma a biɛ ɔ, a hiɛmi ji 23,000. A kane we mɛ kɛ piɛ we Israel bi kpa amɛ a he; ejakaa mɛɛ lɛɛ a ha we mɛ weto ní ko ngɛ Israel bi ɔmɛ a kpɛti.

2 Timoteo 3:15

O kai kaa kɛ je o jokuɛ mi tɔɔ o le ngmami klɔuklɔu ɔ. Ngmami klɔuklɔu ɔ ma ha nɛ o maa le ní, nɛ Kristo Yesu nɛ o heɔ yeɔ ɔ ma he o yi wami.

Marko 10:14

Benɛ Yesu na a, e tsui fia, nɛ e de e kaseli ɔmɛ ke, “Nyɛ ha jokuɛwi ɔmɛ nɛ a ba ye ngɔ; nyɛ ko tsi mɛ blɔ, ejakaa nihi nɛ ngɛ kaa ni nɛ ɔmɛ a nɔ ji Mawu matsɛ yemi ɔ nɛ.

Yeremia 31:3

i je ye he kpo ngɔ tsɔɔ mɛ ngɛ tsitsaa lokoo. Israel ma, kɛ je blema lɛ i je suɔmi nɛ nya wa kpo kɛ tsɔɔ nyɛ. Nɛ kɛ ba si piɔ hu jamɛ a suɔmi ɔ ngɛ; e se pui.

Yeremia 2:2

ma fiɛ ha nɔ tsuaa nɔ ngɛ Yerusalem ke, “I kai kaa be nɛ nyɛ ngɛ nihe mi ɔ, nyɛ ye mi anɔkuale, nɛ nyɛ je nyɛ suɔmi kpo kɛ tsɔɔ mi kaa bɔ nɛ ayɛflo suɔ e huno ɔ; nyɛ nyɛɛ ye se kɛ ya gu nga kplanaa nɔ ngɛ zugba nɛ a du we ní ngɛ nɔ ɔ nɔ.

Abɛ Womi 8:17

Nihi nɛ suɔ mi ɔ, imi hu i suɔ mɛ; nɔ tsuaa nɔ nɛ hlaa ye se blɔ ɔ, e maa na mi.

Mose IV, 3:43

Benɛ a ngma bitɛtehi nɛ ye kɛ je nyɔhiɔ kake kɛ yaa a a biɛ ɔ, mɛ tsuo pɛpɛɛpɛ a hiɛmi ji nimli akpe nyingmi enyɔ kɛ enyɔ kɛ e nya lafa enyɔ kɛ nyingmi kpaago kɛ etɛ.

Mose IV, 3:34

Nyumuhi nɛ a ngma a biɛ, kɛ je ni nɛmɛ nɛ ye nyɔhiɔ kake kɛ yaa a, mɛ tsuo pɛpɛɛpɛ a hiɛmi ji nimli akpe ekpa kɛ e nya lafa enyɔ.

Mose IV, 3:28

Nyumuhi nɛ a ngma a biɛ, kɛ je ni nɛmɛ nɛ ye hlami kake kɛ yaa a, mɛ tsuo pɛpɛɛpɛ a hiɛmi ji nimli akpe kpaanyɔ kɛ e nya lafa ekpa; mɛ ji nimli nɛ tsuɔ ní ngɛ he klɔuklɔu ɔ.

Mose IV, 3:22

Nyumuhi nɛ a ngma a biɛ, kɛ je ni nɛmɛ nɛ ye nyɔhiɔ kake kɛ yaa a, mɛ tsuo pɛpɛɛpɛ a hiɛmi ji nimli akpe kpaago kɛ e nya lafa enuɔ.

Mose IV, 1:47

Se Levi bi ɔmɛ lɛɛ a kane we mɛ ngɔ piɛ we a bi ɔmɛ a he kaa bɔ nɛ a kane wɛtso kpa amɛ ɔ,

Mose IV, 3:16

Mose pee kaa bɔ nɛ Yawɛ fa lɛ ɔ.

Mose IV, 1:3

Nyumu tsuaa nyumu nɛ ye kɛ je jeha nyingmi enyɔ kɛ yaa, nɛ e ma nyɛ maa ya ta a, nyɛɛ ngma e biɛ, nɛ nyɛ gba mɛ tabo nya tabo nya.

Mose IV, 26:57

Levi wɛtso ɔ, wekuhi nɛ ngɛ mi ji Gershon weku ɔ, kɛ a nyatsɛ Gershon; Kohat weku ɔ, kɛ a nyatsɛ Kohat; Merari weku ɔ, kɛ a nyatsɛ Merari.

Kronika II, 31:17

A dla ní tsumi ɔ ha osɔfo ɔmɛ weku nya weku nya. Se Levi bi nɛ a ye jeha nyingmi enyɔɔnyɔ, loo nihi nɛ a ye pe ja a, mɛɛ lɛɛ a dla ní tsumi ɔ ha mɛ ngɛ a ní tsumi kuuhi a nya.