Mose IV, 29:7 - BAIBLO ALOO NGMAMI KLƆUKLƆU Ɔ

⁷ “Nyɔhiɔ nɛ ji kpaago ɔ we ligbi nɛ ji nyɔngma a, nyɛ bua nyɛ he nya nɛ nyɛ ja Mawu. Nyɛɛ ha hwɔ, nɛ nyɛ ko tsu ní tsumi ko.

Mose IV, 29:7 ပူးပေါင်းရင်းမြစ်များ

Romabi 6:6

Wa le enɛ ɔ, kaa a sɛu wa nɔmlɔ tso momo ɔ ngɔ piɛ Kristo he, konɛ nɔmlɔ tso su nɛ haa nɔ peeɔ yayami ɔ hɛ mi nɛ kpata, nɛ wa ko ye nyɔguɛ ha yayami hu.

Mateo 5:4

“A gbaa ni nɛmɛ nɛ yeɔ kɔmɔ, ejakaa Mawu maa jɔɔ a bua.

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Yesaya 22:12

Jamɛ a ligbi ɔ, Nyɔmtsɛ Yawɛ Tabohiatsɛ ɔ tsɛ ke nyɛ fo ya nɛ nyɛɛ ye kɔmɔ; nyɛɛ sɛ nyɛ yi kpalokpalo, nɛ nyɛɛ ha kpekpe ya bo,

Ezra 8:21

Benɛ wa ngɛ Ahava pa a nya a, i fa ke nɔ tsuaa nɔ nɛ ha hwɔ, nɛ́ wɔ tsuo waa ba wa he si ngɛ wa Mawu ɔ hɛ mi, konɛ waa fa kue ha lɛ ke e fia blɔ mi tso ha wɔ, nɛ́ e baa wɔ, wa bimɛ, kɛ wa weto ní tsuo yi.

1 Korintobi 9:27

Se mohu ɔ, i waa ye nɔmlɔ tso ɔ yi mi, nɛ i haa nɛ e peeɔ ye suɔmi nya ní. I peeɔ jã, bɔ nɛ pee nɛ ke i fiɛ ha ni kpahi se ɔ, imi nitsɛ lɛɛ Mawu ko sake mi ngɔ fɔ he.

Luka 13:5

Dɛbi! I ngɛ nyɛ dee ke, ke nyɛ tsakee we nyɛ tsui ɔ, nyɛ tsuo nyɛ ma gbo ja nɔuu.”

Luka 13:3

Dɛbi! I ngɛ nyɛ dee ke, ke nyɛ tsakee we nyɛ tsui ɔ, nyɛ tsuo nyɛ ma gbo ja nɔuu.

La 35:13

Se imi lɛɛ benɛ a be he wami ɔ, i bu kpekpe ya bo. I ha hwɔ nɛ i kɛ wa ye nɔmlɔ tso ɔ yi mi. I fa kue wawɛɛ ngɛ ye yi mi

Ni Tsumi 27:9

Wa puɛ be babauu ngɛ lejɛ ɔ kɛ ya si wa na kaa ke wa ke wa ma tsa blɔ hiami ɔ nɔ ɔ, e maa pee haomi sɔuu. Jehanɛ ɔ Kpatami ligbi ɔ hu be momo. Lɔ ɔ he ɔ, Paulo wo mɛ ga ke,

Zakaria 7:3

Jehanɛ, á bi osɔfo ɔmɛ, kɛ gbali ɔmɛ munyu ke, “Jeha babauu nɛ be ɔ, kɔmɔ nɛ wa yeɔ nɛ wa haa hwɔ nyɔhiɔ enuɔne ɔ, anɛ waa ya nɔ waa hi pee kpamisa lo?”