Mose IV, 29:12 - BAIBLO ALOO NGMAMI KLƆUKLƆU Ɔ

¹² “Nyɔhiɔ nɛ ji kpaago ɔ we ligbi nɛ ji nyɔngma kɛ enuɔ ɔ, nyɛ bua nyɛ he nya nɛ nyɛ ja Mawu; nyɛ ko tsu ní tsumi ko nɛ he wa, se mohu nyɛɛ ye nyami be nɛ ɔ ligbi kpaago nɛ nyɛ kɛ wo Yawɛ hɛ mi nyami.

Mose IV, 29:12 ပူးပေါင်းရင်းမြစ်များ

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Ezekiel 45:25

“A je Gbasisihimi nyami be ɔ yemi sisi kɛ je nyɔhiɔ kpaago ɔ we ligbi nyɔngma kɛ enuɔne ɔ. Ke be ɔ su ɔ, ganɔ ɔ nɛ ngɛ ma a nɔ yee ɔ maa sã jamɛ a bɔ ɔmɛ nɔuu daa ligbi otsi ɔ mi tsuo. A maa sã lohwe ɔ tsuo kɛ ha yayami pami; nɛ a kɛ blɛfo, kɛ oliv nu maa piɛ he.”

Nehemia 8:18

Kɛ je kekleekle ligbi ɔ nɔ kɛ ya si be nɛ a gbe nyami be ɔ nya a, a kaneɔ Mawu mlaa a fa ko daa ligbi. A ye Gbasisihimi nyami be nɛ ɔ ligbi kpaago, nɛ ligbi kpaanyɔne ɔ, a pee nyagbe kpe kaa bɔ nɛ mlaa a tsɔɔ ɔ.

Nehemia 8:14

A na kaa mlaa a nɛ Yawɛ wo kɛ gu Mose nɔ kɛ ha Israel bi ɔmɛ ɔ tsɔɔ kaa a hi gbahi a sisi kɛ ye nyami be nɛ ɔ.

Mose II, 34:22

“Moo ye Ngmakpami be ɔ be mi nɛ a ngɛ kpokploku kpɔe; nɛ o ye Gbasisihimi nyami be ɔ jeha a nyagbe.

Mose II, 23:16

“Nyami be enyɔne ɔ ji Ngmakpami nyami be. Ngɔɔ níhi nɛ o du ngɛ o ngmɔ mi ɔ kekleekle yiblii kɛ ba sã bɔ kɛ ye Ngmakpami nyami be. “Nyami be etɛne nɛ ɔ ji Gbasisihimi nyami be. O maa ye nyami be nɛ ɔ jeha a nyagbe, benɛ o ngɛ o ngmɔ nɔ ní ɔmɛ a nya buae.

Mose IV, 29:1

Nyɔhiɔ nɛ ji kpaago ɔ we kekleekle ligbi ɔ, nyɛ bua nyɛ he nya nɛ nyɛ ja Mawu; nyɛ ko tsu ní tsumi ko nɛ he wa. Jamɛ a ligbi ɔ, nyɛ kpa titimati ɔmɛ,

Mose IV, 29:13

Kekleekle ligbi ɔ, nyɛɛ ngɔ lohwe nɛ ɔmɛ kɛ sã sami bɔ nɛ a kɛ la sãã nɛ jee via saminya, nɛ saa Yawɛ hɛ mi: na ku nyɔngma kɛ etɛ, agbosu enyɔ, jijɔ ku nyɔngma kɛ eywiɛ nɛ a ye jeha kakaaka, nɛ kpa ko kpa ko be a he.

Matsɛmɛ I, 12:32

Jehanɛ, Yeroboam ngɔ nyɔhiɔ kpaanyɔne ɔ we ligbi nɛ ji nyɔngma kɛ enuɔ ɔ ngɔ pee nyami ligbi kaa bɔ nɛ e ngɛ ngɛ Yuda a. E ya sãã bɔ ngɛ bɔ sami la tɛ ɔ nɔ ngɛ Betel kɛ haa sika tsu na bi ɔmɛ nɛ e puɛ ɔ. E ngɔ osɔfo ɔmɛ hu ya to jami he ɔmɛ nɛ e ma ngɛ Betel ɔ.

Ezra 3:4

A ye Gbasisihimi nyami ɔ pɛpɛɛpɛ. Daa ligbi ɔ, a sãã sami bɔhi nɛ a to kɛ ha jamɛ a ligbi ɔ kaa bɔ nɛ mlaa tsɔɔ ɔ.

Mose III, 23:7

Nyɛ bua nyɛ he nya nɛ nyɛ ja Mawu nyɔhiɔ ɔ we kekleekle ligbi ɔ. Nyɛ ko tsu ní tsumi kpakpataa ko.

Mose IV, 29:35

“Ligbi nɛ ji kpaanyɔ ɔ, nyɛ bua nyɛ he nya nɛ nyɛ ja Mawu; nyɛ ko tsu ní tsumi ko nɛ he wa.