Mose IV, 28:9 - BAIBLO ALOO NGMAMI KLƆUKLƆU Ɔ

⁹ “Hejɔɔmi ligbi ɔ, nyɛɛ ngɔ jijɔ ku enyɔ nɛ a ye jeha kakaaka, nɛ kpa ko kpa ko be a he kɛ sã bɔ. Nyɛɛ ngɔ ngma mamu bukɔbukɔ kilo enyɔ nɛ a kɛ nu futu mi kɛ pee ngma bɔ, kɛ e he wai bɔ, nɛ nyɛ kɛ piɛ lohwe ɔ he.

Mose IV, 28:9 ပူးပေါင်းရင်းမြစ်များ

Yesaya 58:13

Bɔ nɛ Yawɛ ngɛ dee ji nɛ ɔ nɛ: “Ke nyɛ maa ye Hejɔɔmi ligbi ɔ kaa ligbi klɔuklɔu, nɛ nyɛ be nyɛ nitsɛmɛ nyɛ suɔmi nya ní pee jamɛ a ligbi ɔ, ke nyɛ maa bu ye ligbi klɔuklɔu ɔ, nɛ nyɛ be blɔ hiae, nyɛ be ní tsue, nɛ nyɛ be yakayaka munyu tue ligbi nɛ ɔ,

Kpojemi 1:10

Nyɔmtsɛ ɔ ligbi ɔ, mumi ɔ ba ye nɔ, nɛ i nu gbi ko nɛ ngɛ pɛe wawɛɛ kaa titimati ngɛ ye se.

Ezekiel 20:12

Lɔ ɔ se hu, i ngɔ ye Hejɔɔmi ligbi ɔmɛ ngɔ ha mɛ nɛ a ye mɛ klɔuklɔu, konɛ e pee somi nɛ ngɛ i kɛ mɛ wa kpɛti ɔ he okadi; nɛ a le kaa imi ji Yawɛ nɛ peeɔ mɛ klɔuklɔu ɔ nɛ.

Mose IV, 28:8

Jijɔ ku kake ɔ hu nɛ a kɛ maa sã bɔ gbɔkuɛ ɔ, lɛ hu a ngɔ ngma bɔ, kɛ wai bɔ kɛ piɛ he kaa mɔtu nɔ́ ɔ kɛ̃, konɛ e pee bɔ nɛ a kɛ la sãã, nɛ jeɔ via ha Yawɛ.

Mose IV, 28:10

Daa Hejɔɔmi ligbi ɔ, a sã sami bɔ nɛ ɔ; slo daa sami bɔ ɔ, kɛ e he wai bɔ ɔ.

Kronika II, 2:4

I yaa po we kɛ wo Yawɛ, ye Mawu ɔ hɛ mi nyami. We nɛ ɔ maa pee he klɔuklɔu nɛ a hla kɛ to ha Yawɛ. Lejɛ ɔ i kɛ ye ma a ma sɔmɔ Yawɛ ngɛ. Wa maa sã tsopa kɛ e he via, nɛ waa kɛ abolo klɔuklɔu ɔ maa ma Yawɛ hɛ mi daa ngɛ lejɛ ɔ. Daa mɔtu kɛ gbɔkuɛ ɔ, wa maa sã sami bɔhi ngɛ lejɛ ɔ. Wa maa sã sami bɔhi Hejɔɔmi ligbi, Nyɔhiɔhe nyami be, kɛ nyami be kpahi hu ngɛ lejɛ ɔ kɛ wo Yawɛ, wa Mawu ɔ hɛ mi nyami. Blɔ nya nɛ Yawɛ to kɛ ha Israel kɛ yaa neneene ji nɛ ɔ nɛ.

Kronika II, 8:13

E sã sami bɔhi, kaa bɔ nɛ Mose mlaa a tsɔɔ kaa a pee nyami be ɔmɛ, Hejɔɔmi ligbihi, Nyɔhiɔhe nyami behi, kɛ nyami be etɛ ɔmɛ nɛ a yeɔ ngɛ jeha mi ɔ. Mɛ ji Abolokplolo nyami be, Ngmakpami nyami be, kɛ Gbasisihimi nyami be.

Ezekiel 46:4

“Ganɔ nɛ ngɛ ma a nɔ yee ɔ nɛ ngɔ jijɔ ekpa, kɛ agbosu kake nɛ kpa be a he kɛ ba sã sami bɔ ha Yawɛ Hejɔɔmi ligbi ɔ.

Matsɛmɛ II, 4:23

E huno ɔ bi lɛ ke, “Mɛni he je o yaa Mawu nɔmlɔ ɔ ngɔ mwɔnɛ ɔ? Tsa pi Nyɔhiɔhe nyami be, aloo Hejɔɔmi ligbi ji mwɔnɛ ɔ.” E he nɔ ke, “E pee we nɔ́ ko!”

Kronika II, 2:3

Salomo tsɔ nɛ a kɛ sɛ gbi ya ha Tiro matsɛ, Hiram ke, “Kaa bɔ nɛ o kɛ tsaatsɛ David hi si, nɛ o ha lɛ seda tsohi nɛ e kɛ po we nɛ e hi mi ɔ, o kɛ mi nɛ hi si ja nɔuu.