Mose IV, 28:8 - BAIBLO ALOO NGMAMI KLƆUKLƆU Ɔ

⁸ Jijɔ ku kake ɔ hu nɛ a kɛ maa sã bɔ gbɔkuɛ ɔ, lɛ hu a ngɔ ngma bɔ, kɛ wai bɔ kɛ piɛ he kaa mɔtu nɔ́ ɔ kɛ̃, konɛ e pee bɔ nɛ a kɛ la sãã, nɛ jeɔ via ha Yawɛ.

Mose IV, 28:8 ပူးပေါင်းရင်းမြစ်များ

Mose IV, 28:7

A ngɔ wai lita kake kɛ piɛ kekleekle lohwe ɔ he, nɛ a kɛ sã bɔ ngɛ he klɔuklɔu ɔ kɛ ha Yawɛ.

Mose IV, 28:9

“Hejɔɔmi ligbi ɔ, nyɛɛ ngɔ jijɔ ku enyɔ nɛ a ye jeha kakaaka, nɛ kpa ko kpa ko be a he kɛ sã bɔ. Nyɛɛ ngɔ ngma mamu bukɔbukɔ kilo enyɔ nɛ a kɛ nu futu mi kɛ pee ngma bɔ, kɛ e he wai bɔ, nɛ nyɛ kɛ piɛ lohwe ɔ he.

Mose IV, 29:19

Jehanɛ, nyɛɛ ngɔ akpakpo kake kɛ ba sã yayami pami bɔ kɛ piɛ daa sami bɔ ɔ, kɛ e he ngma bɔ ɔ, kɛ a he wai bɔ ɔmɛ a he.

Mose III, 1:9

se e mi ní ɔmɛ, kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he; nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ kaa sami bɔ. Enɛ ɔ ji bɔ nɛ a kɛ la sãã nɛ jee via ha Yawɛ.

Mose III, 1:13

E mi ní ɔ kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he, nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ. Enɛ ɔ ji sami bɔ, bɔ nɛ a kɛ la sãã nɛ jee via ha Yawɛ.

Mose III, 1:17

É pɛtɛ pɛli ɔmɛ a he, nɛ́ e fɛ lohwe ɔ mi, se e ko kplɔ pɛli ɔmɛ ngɛ he; lɔ ɔ se ɔ, e sã lohwe ɔ tsuo ngɛ bɔ sami la tɛ ɔ nɔ. Enɛ ɔ ji sami bɔ, bɔ nɛ a kɛ la sãã, nɛ jeɔ via ha Yawɛ.