Mose IV, 28:7 - BAIBLO ALOO NGMAMI KLƆUKLƆU Ɔ

⁷ A ngɔ wai lita kake kɛ piɛ kekleekle lohwe ɔ he, nɛ a kɛ sã bɔ ngɛ he klɔuklɔu ɔ kɛ ha Yawɛ.

Mose IV, 28:7 ပူးပေါင်းရင်းမြစ်များ

Mose II, 29:40

Ngɔɔ ngma mamu tsimi kake nɛ o kɛ nu nɛ a si tɔ kake futu mi ɔ kɛ piɛ kekleekle jijɔ ɔ he nɛ o kɛ sã bɔ ɔ, konɛ o ngɔ wai tɔ kake kɛ sã wai bɔ.

Mose II, 29:42

Kikɛmɛ a sami bɔ nɛ ɔ nɛ pee bɔ ko nɛ nyɛɛ kɛ nyɛ nina maa sã daa ngɛ kpe he bo tsu ɔ sinya a nya, ngɛ imi Yawɛ, ye hɛ mi. Lejɛ ɔ i kɛ nyɛ maa kpe ngɛ, nɛ lejɛ ɔ i kɛ nyɛ maa tu munyu ngɛ.

Mose II, 30:9

Nyɛ ko sã tsopa kɛ e he via kpa ko, aloo sami bɔ, aloo niye ní bɔ ngɛ bɔ sami la tɛ nɛ ɔ nɔ; nyɛ ko sã wai bɔ ngɛ lejɛ ɔ hulɔ.

Yesaya 57:6

Nyɛ ya ngɔɔ dongo tɛhi kɛ jeɔ kɔ̃ mi, nɛ nyɛ jaa mɛ. Nyɛ ngɔɔ wai kɛ sãã bɔ kɛ haa tɛhi; nɛ nyɛ ngɔɔ ngma hu kɛ sãã bɔ ha mɛ ja nɔuu. Ní nɛ ɔmɛ tsuo nɛ nyɛ peeɔ ɔ, anɛ nyɛ susuu kaa ye bua maa jɔ he?

Yoel 1:13

Nyɛ osɔfohi nɛ nyɛ sɔmɔɔ ngɛ bɔ sami la tɛ ɔ he, nyɛɛ ha kpekpe ya bo, nɛ nyɛɛ wo yana! Nyɛɛ ya Mawu we ɔ mi, nɛ nyɛ ya ye kɔmɔ nyɔnyɔɔnyɔ tsuo. Ejakaa niye ní be ɔ, wai hu be nɛ nyɛɛ kɛ maa sã bɔ ha nyɛ Mawu ɔ.

Yoel 1:9

Niye ní kɛ wai nɛ a kɛ ba sãã bɔɔ se po ngɛ Yawɛ we ɔ mi; lɔ ɔ he ɔ, osɔfo ɔmɛ nɛ sɔmɔɔ ngɛ Yawɛ we ɔ ngɛ kɔmɔ yee.

Yoel 2:14

Alini, Yawɛ, nyɛ Mawu ɔ, ma tsake e susumi ngɛ nyɛ he, nɛ e maa gbaa nyɛ kɛ niba ní babauu. Ke e ba mi ja a, nyɛ maa sã niye ní bɔ ha lɛ, nɛ nyɛ maa ngɔ wai kɛ piɛ he.

Mose III, 1:9

se e mi ní ɔmɛ, kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he; nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ kaa sami bɔ. Enɛ ɔ ji bɔ nɛ a kɛ la sãã nɛ jee via ha Yawɛ.

Mose III, 23:13

Nyɛɛ ngɔ mamu bukɔbukɔ nɛ a futu mi nu kilo enyɔ hu kɛ piɛ he kɛ ba sã niye ní bɔ. Enɛ ɔ ji bɔ nɛ jee via saminya, nɛ saa Yawɛ hɛ mi. Á ngɔ wai lita kake ngɔ piɛ he.

Mose IV, 15:10

kɛ wai lita enyɔ. Enɛ ɔ ji bɔ nɛ a kɛ la sãã, nɛ jeɔ via kɛ haa Yawɛ.

Mose IV, 15:7

nɛ nyɛɛ ngɔ wai lita kake kɛ fa ngɔ piɛ he kɛ sã bɔ ɔ, konɛ e je via kɛ ha Yawɛ.

Mose IV, 28:14

Wai bɔ nɛ a kɛ maa piɛ he ji wai kilo enyɔ kɛ ha na ku kake, wai lita kake kɛ fa kɛ ha agbosu ɔ, kɛ wai lita kake kɛ ha jijɔ ku kake ɔ. Sami bɔ he mlaa kɛ ha nyɔhiɔ tsuaa nyɔhiɔ ngɛ jeha kake mi ji nɛ ɔ nɛ.

Mose IV, 28:31

Nyɛɛ sã bɔ nɛ ɔmɛ kɛ a he wai bɔ ɔ kɛ piɛ daa ligbi sami bɔ ɔ, kɛ niye ní bɔ ɔ a he. Nyɛɛ hyɛ nɛ kpa ko kpa ko kó hi bɔ sami lohwe ɔmɛ a he.”

Mose IV, 28:6

Enɛ ɔ ji daa sami bɔ nɛ a to sisi ngɛ Sinai yo ɔ he; bɔ nɛ a kɛ la sãã, nɛ jeɔ via ha Yawɛ.

Mose IV, 28:8

Jijɔ ku kake ɔ hu nɛ a kɛ maa sã bɔ gbɔkuɛ ɔ, lɛ hu a ngɔ ngma bɔ, kɛ wai bɔ kɛ piɛ he kaa mɔtu nɔ́ ɔ kɛ̃, konɛ e pee bɔ nɛ a kɛ la sãã, nɛ jeɔ via ha Yawɛ.

Filipibi 2:17

Ke e maa ba mi kaa a ma plɛ ye muɔ kɛ pue nyɛ he bɔ nɛ nyɛ ngɛ sãe kɛ ngɛ nyɛ hemi kɛ yemi he ní tsue ɔ nɔ po ɔ, ye bua maa jɔ, nɛ i kɛ nyɛ ma nya.