Mose IV, 28:6 - BAIBLO ALOO NGMAMI KLƆUKLƆU Ɔ

⁶ Enɛ ɔ ji daa sami bɔ nɛ a to sisi ngɛ Sinai yo ɔ he; bɔ nɛ a kɛ la sãã, nɛ jeɔ via ha Yawɛ.

Mose IV, 28:6 ပူးပေါင်းရင်းမြစ်များ

Kronika II, 2:4

I yaa po we kɛ wo Yawɛ, ye Mawu ɔ hɛ mi nyami. We nɛ ɔ maa pee he klɔuklɔu nɛ a hla kɛ to ha Yawɛ. Lejɛ ɔ i kɛ ye ma a ma sɔmɔ Yawɛ ngɛ. Wa maa sã tsopa kɛ e he via, nɛ waa kɛ abolo klɔuklɔu ɔ maa ma Yawɛ hɛ mi daa ngɛ lejɛ ɔ. Daa mɔtu kɛ gbɔkuɛ ɔ, wa maa sã sami bɔhi ngɛ lejɛ ɔ. Wa maa sã sami bɔhi Hejɔɔmi ligbi, Nyɔhiɔhe nyami be, kɛ nyami be kpahi hu ngɛ lejɛ ɔ kɛ wo Yawɛ, wa Mawu ɔ hɛ mi nyami. Blɔ nya nɛ Yawɛ to kɛ ha Israel kɛ yaa neneene ji nɛ ɔ nɛ.

Kronika II, 31:3

Matsɛ ɔ nitsɛ ha lohwehi nɛ a kɛ sã sami bɔhi daa mɔtu kɛ gbɔkuɛ. E ha lohwehi nɛ a kɛ sã bɔ Hejɔɔmi ligbi, Nyɔhiɔhe nyami be, kɛ nyami be kpahi kaa bɔ nɛ Yawɛ mlaa a tsɔɔ ɔ.

Ezra 3:4

A ye Gbasisihimi nyami ɔ pɛpɛɛpɛ. Daa ligbi ɔ, a sãã sami bɔhi nɛ a to kɛ ha jamɛ a ligbi ɔ kaa bɔ nɛ mlaa tsɔɔ ɔ.

La 50:8

Bɔhi, kɛ sami bɔhi nɛ nyɛ kɛ baa ye hɛ mi ɔ, pi lɔ ɔmɛ a he nɛ i ngɛ nyɛ hɛ mi kae ngɛ.

Mose II, 31:18

Benɛ Mawu kɛ Mose tu munyu gbe nya ngɛ Sinai yo ɔ nɔ ɔ, Mawu ngɔ tɛ tɛtlɛɛ enyɔ ɔmɛ nɛ lɛ nitsɛ e ngma mlaa amɛ ngɛ nɔ ɔ kɛ ha Mose.

Ezekiel 46:14

E ngɔ niye ní nɛ ɔmɛ kɛ piɛ he daa mɔtu kɛ sã bɔ ha imi Yawɛ: mamu kilo enyɔ, kɛ oliv nu lita kake nɛ e kɛ pɔtɔ mamu ɔ. Blɔ nya tomi nɛ kɔɔ bɔ sami nɛ ɔ he ɔ, á ye nɔ daa.

Ezekiel 46:15

A ngɔ jijɔ ɔ, ma a, kɛ oliv nu ɔ kɛ sã bɔ ha imi Yawɛ daa ligbi.”

Mose III, 27:34

Mlaahi nɛ Yawɛ ngɔ ha Mose ngɛ Sinai yo ɔ nɔ nɛ e kɛ ha Israel ma a ji nɛ ɔmɛ nɛ.

Mose III, 6:9

e de Aaron kɛ e bimɛ ɔmɛ ke, mlaahi nɛ kɔɔ sami bɔ he ji nɛ ɔmɛ nɛ. Sami bɔ ɔ nɛ hi bɔ sami la tɛ ɔ nɔ kɛ ya si mɔtu; la a nɛ ko gbo ngɛ sisi.

Amos 5:25

“Nyɛ Israel bi, jeha nyingmi eywiɛ sɔuu nɛ́ i kpaka nyɛ kɛ gu nga a nɔ ɔ, anɛ i bi nyɛ hyɛ ke nyɛ ba ke mi ní, aloo nyɛ ba sã bɔ ha mi lo?

Mose IV, 28:5

Ngɔɔ ngma bɔ ngɔ piɛ he; lɔ ɔ ji ngma mamu bukɔbukɔ kilo kake nɛ a kɛ nu kpakpa lita kake futu mi.

Mose IV, 28:7

A ngɔ wai lita kake kɛ piɛ kekleekle lohwe ɔ he, nɛ a kɛ sã bɔ ngɛ he klɔuklɔu ɔ kɛ ha Yawɛ.

Filipibi 2:17

Ke e maa ba mi kaa a ma plɛ ye muɔ kɛ pue nyɛ he bɔ nɛ nyɛ ngɛ sãe kɛ ngɛ nyɛ hemi kɛ yemi he ní tsue ɔ nɔ po ɔ, ye bua maa jɔ, nɛ i kɛ nyɛ ma nya.