Mose IV, 28:3 - BAIBLO ALOO NGMAMI KLƆUKLƆU Ɔ

³ “Mo de mɛ ke, sami bɔ nɛ nyɛɛ sã kɛ ha Yawɛ ji, daa ligbi ɔ, jijɔ ku enyɔ nɛ a ye jeha kakaaka, nɛ kpa ko kpa ko be a he.

Mose IV, 28:3 ပူးပေါင်းရင်းမြစ်များ

Kronika I, 16:40

Daa mɔtu kɛ gbɔkuɛ ɔ, a ní tsumi ji a sã sami bɔ ha Yawɛ ngɛ bɔ sami la tɛ ɔ nɔ kaa bɔ nɛ a ngma ngɛ mlaa a nɛ Yawɛ ngɔ ha Israel ɔ mi ɔ.

Kronika II, 8:13

E sã sami bɔhi, kaa bɔ nɛ Mose mlaa a tsɔɔ kaa a pee nyami be ɔmɛ, Hejɔɔmi ligbihi, Nyɔhiɔhe nyami behi, kɛ nyami be etɛ ɔmɛ nɛ a yeɔ ngɛ jeha mi ɔ. Mɛ ji Abolokplolo nyami be, Ngmakpami nyami be, kɛ Gbasisihimi nyami be.

Ezra 3:5

A sãã bɔ pɔtɛɛ nɛ ɔmɛ hulɔ: sami bɔhi nɛ a sãã nyami be kaa Nyɔhiɔhe nyami be mi, bɔhi nɛ a sãã daa ke ma a ba bua a he nya nɛ a ma ja Yawɛ kikɛ nɛ ɔ, kɛ bɔhi tsuo nɛ nihi jeɔ a tsui mi faa nɛ a kɛ ba haa Yawɛ.

Daniel 11:31

Ta buli nɛ e wo blɔ ɔ ma ya sɛ Yawɛ we ɔ, kɛ mɔ ɔ mi, nɛ a ma ble lejɛ ɔ. A maa jɔɔ daa ligbi bɔ ɔmɛ sami, nɛ a maa ngɔ amaga ko nɛ he ngɛ gbeye kɛ ya ma Yawɛ we ɔ.

Daniel 12:11

“Kɛ je be nɛ a maa gu daa ligbi bɔ sami ɔ, nɛ a maa ngɔ amaga a nɛ he ngɛ gbeye ɔ kɛ ya ma Yawɛ we ɔ he nɛ ya hiɔwe pe lɛ tsuo ɔ, ligbi akpe kɛ e nya lafa enyɔ kɛ nyingmi nɛɛ maa be.

Daniel 8:11

Hiɔwe tabo ɔ ganɔ ɔ nitsɛ po, koli nɛ ɔ bui lɛ fɛɛ. Daa ligbi bɔ nɛ a sãã ngɔ haa lɛ ɔ, koli nɛ ɔ tsi nya. Yawɛ we ɔ hu, koli ɔ ble lejɛ ɔ.

Daniel 8:13

Kɛkɛ nɛ i nu nɛ bɔfohi enyɔ ngɛ ní sɛɛe. Bɔfo ɔ kake bi e nyɛmi ɔ ke, “Nina nɛ ɔ, mɛni be e maa hi si kɛ yaa si? Hiɔwe tabo ɔ, kɛ Yawɛ we ɔ, mɛni be a maa naa a nɔ kɛ yaa si?”

Mose III, 3:5

Osɔfo ɔmɛ nɛ a sã ní nɛ ɔmɛ tsuo kɛ sami bɔ ɔ ngɛ bɔ sami la tɛ ɔ nɔ. Enɛ ɔ ji bɔ nɛ a kɛ la sãã, nɛ jee via ha Yawɛ.

Mose III, 6:9

e de Aaron kɛ e bimɛ ɔmɛ ke, mlaahi nɛ kɔɔ sami bɔ he ji nɛ ɔmɛ nɛ. Sami bɔ ɔ nɛ hi bɔ sami la tɛ ɔ nɔ kɛ ya si mɔtu; la a nɛ ko gbo ngɛ sisi.

Amos 4:4

Yawɛ Tabohiatsɛ ɔ ke, “Nyɛ Israel ma, nyɛ suɔ kaa nyɛ ba ja Mawu ngɛ Betel, nɛ ke nyɛ ba a, nyɛ ba peeɔ yayami! Nyɛ suɔ kaa nyɛ ya ja Mawu ngɛ Gilgal, nɛ ke nyɛ ya lejɛ ɔ, nyɛ ya peeɔ yayamihi babauu kɛ piɛɔ he! Ke nyɛ ngɔ lohwehi kɛ ma bɔ sami daa mɔtu ɔ, nyɛ peeɔ yayami! Daa ligbi etɛ, ke nyɛ ngɔ nyɛ níhi a mi dlami nyɔngmanyɔngma mi kakaaka kɛ ma a, nyɛ peeɔ yayami!

Mose IV, 28:10

Daa Hejɔɔmi ligbi ɔ, a sã sami bɔ nɛ ɔ; slo daa sami bɔ ɔ, kɛ e he wai bɔ ɔ.

Mose IV, 28:15

Jehanɛ, ngɛ daa sami bɔ ɔ, kɛ e he wai bɔ ɔ se ɔ, a ngɔ apletsi ku kake kɛ sã yayami pami bɔ kɛ ha Yawɛ.

Mose IV, 28:23

A sã bɔ nɛ ɔmɛ kɛ piɛ mɔtu sami bɔ ɔ he.

Mose IV, 28:24

Ja nɔuu, a sã niye ní bɔ ligbi kpaago kɛ ha Yawɛ. Enɛ ɔ ji bɔ nɛ a kɛ la sãã, nɛ jeɔ via saminya ha Yawɛ; slo enɛ ɔ ngɛ daa sami bɔ ɔ, kɛ e he wai bɔ ɔ he.

Mose IV, 28:31

Nyɛɛ sã bɔ nɛ ɔmɛ kɛ a he wai bɔ ɔ kɛ piɛ daa ligbi sami bɔ ɔ, kɛ niye ní bɔ ɔ a he. Nyɛɛ hyɛ nɛ kpa ko kpa ko kó hi bɔ sami lohwe ɔmɛ a he.”

Mose IV, 28:4

O kɛ jijɔ ku kake nɛ sã bɔ mɔtu, nɛ o kɛ kake hu nɛ sã bɔ gbɔkuɛ.

Mose IV, 29:11

Jehanɛ, nyɛɛ ngɔ akpakpo kake kɛ ba sã yayami pami bɔ. Nyɛɛ sã bɔ nɛ ɔmɛ kɛ piɛ yayami pami bɔ nɛ a kɛ kpataa a, kɛ daa sami bɔ ɔ, kɛ e he ngma bɔ ɔ, kɛ a he wai bɔ ɔmɛ a he.

Mose IV, 29:16

Jehanɛ, nyɛɛ ngɔ to akpakpo kake kɛ ba sã yayami pami bɔ kɛ piɛ daa sami bɔ ɔ, kɛ e he ngma bɔ ɔ, kɛ e he wai bɔ ɔ he.

Mose IV, 29:6

Nyɛɛ sã bɔ nɛ ɔmɛ kɛ piɛ daa Nyɔhiɔhe kekleekle ligbi sami bɔ ɔ, kɛ ngma bɔ ɔ a he; slo daa sami bɔ ɔ, kɛ e he ngma bɔ ɔ, kɛ e he wai bɔ ɔ ngɛ a blɔ nya blɔ nya. Enɛ ɔmɛ maa pee bɔhi nɛ a kɛ la sãã, nɛ jee via, nɛ saa Yawɛ hɛ mi.

Yohane 1:29

E nɔ jena a, Yohane na Yesu nɛ ma e ngɔ. Kɛkɛ nɛ e de ke, “Hyɛ, Mawu To Bi ɔ nɛ woɔ je ɔ he yayami kɛ yaa a, lɛ ji nɛ ɔ nɛ.

Hebribi 9:6

Ke a to níhi blɔ nya kikɛ nɛ ɔ, osɔfo ɔmɛ yaa kekleekle bo tsu ɔ mi daa ligbi ya tsuɔ a jami blɔ nya ní.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.