Mose IV, 28:26 - BAIBLO ALOO NGMAMI KLƆUKLƆU Ɔ

²⁶ “Ngmakpami nyami be kekleekle ligbi ɔ, benɛ nyɛ maa ngɔ ngma he kɛ ba sã bɔ ha Yawɛ ɔ, nyɛ bua nyɛ he nya, nɛ nyɛ ja Mawu; nyɛ ko tsu ní tsumi ko nɛ he wa.

Mose IV, 28:26 ပူးပေါင်းရင်းမြစ်များ

Mose II, 34:22

“Moo ye Ngmakpami be ɔ be mi nɛ a ngɛ kpokploku kpɔe; nɛ o ye Gbasisihimi nyami be ɔ jeha a nyagbe.

Mose II, 23:16

“Nyami be enyɔne ɔ ji Ngmakpami nyami be. Ngɔɔ níhi nɛ o du ngɛ o ngmɔ mi ɔ kekleekle yiblii kɛ ba sã bɔ kɛ ye Ngmakpami nyami be. “Nyami be etɛne nɛ ɔ ji Gbasisihimi nyami be. O maa ye nyami be nɛ ɔ jeha a nyagbe, benɛ o ngɛ o ngmɔ nɔ ní ɔmɛ a nya buae.

1 Korintobi 15:20

Se anɔkuale ɔ ji kaa Mawu tle Kristo si kɛ je gbeje nɛ e kɛ ye odase kaa e ma tle ni nɛmɛ nɛ gbo ɔ tsuo si.

Yakobo 1:18

Mawu gu sane kpakpa a nɔ kɛ ha wɔ mumi mi wami. Lɛ nitsɛ e suɔmi nya nɛ e pee enɛ ɔ. Ejakaa e suɔ kaa e pee wɔ nihi nɛ a he hia pe nibɔ ní ɔmɛ tsuo.

Mose IV, 28:18

Kekleekle ligbi ɔ, a bua he nya nɛ a ja Mawu; se a ko tsu ní tsumi ko nɛ he wa.

Mose IV, 28:27

Nyɛɛ ngɔ lohwe nɛ ɔmɛ kɛ sã sami bɔ nɛ jee via saminya, nɛ saa Yawɛ hɛ mi: na ku niheyo enyɔ, agbosu kake, kɛ jijɔ ku kpaago nɛ a ye jeha kakaaka.

Mose IV, 29:1

Nyɔhiɔ nɛ ji kpaago ɔ we kekleekle ligbi ɔ, nyɛ bua nyɛ he nya nɛ nyɛ ja Mawu; nyɛ ko tsu ní tsumi ko nɛ he wa. Jamɛ a ligbi ɔ, nyɛ kpa titimati ɔmɛ,

Mose II, 12:16

Kekleekle ligbi ɔ, kɛ ligbi nɛ ji kpaago ɔ, nyɛɛ bɔ gua nɛ nyɛ ja Yawɛ. A ko tsu nɔ́ ko jamɛ a ligbi enyɔ ɔmɛ; ní nɛ nɔ maa ye pɛ nɛ nyɛ maa hoo.

Mose III, 23:8

Nyɛɛ ngɔ niye ní bɔ nɛ a kɛ la sãã kɛ ba ha Yawɛ ligbi kpaago. Ligbi kpaagone ɔ, nyɛ bua nyɛ he nya ekohu nɛ nyɛ ja Mawu; nyɛ ko tsu ní tsumi kpakpataa ko.