Mose IV, 28:2 - BAIBLO ALOO NGMAMI KLƆUKLƆU Ɔ

² “Mo fa Israel bi ɔmɛ ke, ‘Ye nike ní nɛ ji ye niye ní bɔ nɛ o kɛ la sãã, nɛ jeɔ via ha mi ɔ, nyɛ hɛ nɛ hi nɔ nɛ nyɛɛ ngɔ kɛ ba ha mi ngɛ be nɛ sa mi.’

Mose IV, 28:2 ပူးပေါင်းရင်းမြစ်များ

Mose I, 8:21

Yawɛ nu bɔ ɔ he via, nɛ e ná he bua jɔmi. Kɛkɛ nɛ e de e he ke, “I be níhi nɛ wami ngɛ a mi ɔ tsuo a hɛ mi kpatae kikɛ nɛ ɔ hu kɔkɔɔkɔ.

Kronika I, 23:31

kɛ be tsuaa be nɛ a maa sã sami bɔ ha Yawɛ ɔ, Hejɔɔmi ligbi jio, Nyɔhiɔhe nyami be jio, nyami be kpa amɛ jio. Ke be su kɛ ha ní tsumi nɛ ɔmɛ a tsumi ɔ, Levi bi abɔ nɛ hia kaa a ya tsu ní ɔ, yaa nɛ a ya tsuɔ ngɛ mlaa a nya.

Kronika II, 23:18

Yehoyada ngɔ Yawɛ we ɔ ní tsumi ɔ ngɔ wo osɔfo ɔmɛ, kɛ Levi bi ɔmɛ a dɛ mi, konɛ a tsu ní ɔ kaa bɔ nɛ Matsɛ David dla ní tsumi ɔ ngɔ ha mɛ ɔ. Mɛ lɛ a maa sã bɔ ɔmɛ kɛ ha Yawɛ kaa bɔ nɛ a ngma ngɛ Mose mlaa a mi ɔ. Mɛ kɛ̃ ji ni nɛmɛ nɛ maa hyɛ lami, kɛ nyami blɔ nya tomi ɔmɛ a nɔ.

Kronika II, 31:3

Matsɛ ɔ nitsɛ ha lohwehi nɛ a kɛ sã sami bɔhi daa mɔtu kɛ gbɔkuɛ. E ha lohwehi nɛ a kɛ sã bɔ Hejɔɔmi ligbi, Nyɔhiɔhe nyami be, kɛ nyami be kpahi kaa bɔ nɛ Yawɛ mlaa a tsɔɔ ɔ.

Ezra 3:2

Yehozadak bi Yoshua, e nyɛmimɛ osɔfo ɔmɛ, kɛ Sheatiel bi Zerubabel, kɛ e weku li ɔmɛ ba ma Israel Mawu ɔ bɔ sami la tɛ ɔ ekohu, konɛ a sã sami bɔhi ngɛ nɔ kaa bɔ nɛ Mawu nɔmlɔ Mose mlaa a tsɔɔ ɔ.

Ezra 3:3

Ni ɔmɛ nɛ kpale kɛ je ma se kɛ ba a ngɛ ni nɛmɛ nɛ ngɛ zugba a nɔ loko a ba a gbeye yee, lɔ ɔ he ɔ, a ma bɔ sami la tɛ ɔ ngɔ ma sisi tomi momo ɔ nɔ, nɛ a bɔni sami bɔhi sami ngɛ nɔ daa ligbi mɔtu kɛ gbɔkuɛ.

Nehemia 10:34

Jehanɛ hu, wa ngɛ si woe ke daa jeha a, wɔ ma a, kɛ osɔfo ɔmɛ, waa kɛ Levi bi ɔmɛ maa fɔ sɔ kɛ na wekuhi nɛ maa ngɔ lɛ́ kɛ ba nɛ a kɛ sã bɔhi ha Yawɛ, wa Mawu ɔ kaa bɔ nɛ mlaa a tsɔɔ ɔ.

La 81:3

Nyɛ kpa titimati wa nyami ligbi ɔmɛ tsuo, be mi nɛ nyɔhiɔ da, kɛ be mi nɛ nyɔhiɔ ɔ wa.

Mose II, 23:15

Kekleekle nɔ́ ji Abolokplolo nyami be. Kaa bɔ nɛ i fa mo ɔ, o maa ye nyami be nɛ ɔ daa jeha ngɛ kekleekle nyɔhiɔ nɛ a tsɛɛ Abib ɔ mi; ejakaa jamɛ a be ɔ mi nɛ o je Egipt ɔ nɛ. O maa ye abolo kplolo ligbi kpaago, nɛ nɔ ko kó ba ye hɛ mi kɛ e dɛ gu.

Mose II, 29:18

Lɔ ɔ se ɔ, moo sã to ɔ tsuo ngɛ bɔ sami la tɛ ɔ nɔ. E ji sami bɔ nɛ jee via saminya, nɛ sa imi Yawɛ, ye hɛ mi.

Ezekiel 16:19

I ha mo niye ní, abolo nɛ a ngɔ mamu kpakpa kɛ sã, kɛ hwo, kɛ oliv nu; se o kɛ ya sã bɔ kɛ ha amagahi mohu, konɛ e je via ha mɛ.” Nyɔmtsɛ Yawɛ lɛ de.

Ezekiel 20:41

Ke i je nyɛ kɛ je je mahi a nɔ hehi nɛ a gbɛ nyɛ ngɔ fĩa a, nɛ i ba bua nyɛ nya a, ma ná nyɛ he tsui kaa bɔ nɛ he via, nɛ je ma amɛ maa na kaa nɔ klɔuklɔu ji mi ngɛ nyɛ kpɛti.

Ezekiel 45:17

Sami bɔ ɔmɛ, niye ní bɔ ɔmɛ, kɛ wai bɔ ɔmɛ nɛ a kɛ baa Nyɔhiɔhe nyami be, Hejɔɔmi ligbi, kɛ nyami be kpa amɛ tsuo nɛ Israel bi ɔmɛ yeɔ ɔ, ganɔ ɔ blɔ nya ji kaa e ha mɛ. Lɛ nɔuu lɛ e haa bɔ nɛ ɔmɛ nɛ a kɛ peeɔ kusumi kɛ kpataa Yawɛ kɛ haa Israel ma a: yayami pami bɔ, niye ní bɔ, sami bɔ, kɛ tue mi jɔmi bɔ.”

Mose III, 1:13

E mi ní ɔ kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he, nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ. Enɛ ɔ ji sami bɔ, bɔ nɛ a kɛ la sãã nɛ jee via ha Yawɛ.

Mose III, 1:17

É pɛtɛ pɛli ɔmɛ a he, nɛ́ e fɛ lohwe ɔ mi, se e ko kplɔ pɛli ɔmɛ ngɛ he; lɔ ɔ se ɔ, e sã lohwe ɔ tsuo ngɛ bɔ sami la tɛ ɔ nɔ. Enɛ ɔ ji sami bɔ, bɔ nɛ a kɛ la sãã, nɛ jeɔ via ha Yawɛ.

Mose III, 1:9

se e mi ní ɔmɛ, kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he; nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ kaa sami bɔ. Enɛ ɔ ji bɔ nɛ a kɛ la sãã nɛ jee via ha Yawɛ.

Mose III, 21:6

Osɔfo tsuaa osɔfo nɛ pee e he klɔuklɔu, nɛ e ko pue ye hɛ mi si; ejakaa lɛ nɛ sãã niye ní bɔ ɔ haa imi Yawɛ, lɔ ɔ he ɔ, e sa nɛ e pee e he klɔuklɔu.

Mose III, 21:8

Ma a nɛ bu osɔfo kaa nɔ klɔuklɔu, ejakaa lɛ nɛ e ngɔɔ niye ní bɔ ɔmɛ kɛ ba haa mi ɔ nɛ. Imi ji Yawɛ; i ngɛ klɔuklɔu, nɛ i peeɔ ye ma a klɔuklɔu.

Mose III, 3:11

Osɔfo nɛ ngɛ ní tsue jamɛ a be ɔ mi ɔ nɛ sã enɛ ɔmɛ tsuo ngɛ bɔ sami la tɛ ɔ nɔ kaa niye ní bɔ nɛ a kɛ la sãã ha Yawɛ.

Malaki 1:12

Se nyɛɛ lɛɛ nyɛ deɔ ke ye bɔ sami la tɛ ɔ he be se nami ko. Jehanɛ hu, nyɛ ngɔɔ niye ní nɛ a hiee kɛ ba sãã bɔ ngɛ nɔ.

Malaki 1:7

Nɔ́ nɛ nyɛ pee ji kaa nyɛ ngɔ niye ní nɛ he tsɔ we kɛ ba ye bɔ sami la tɛ ɔ he. Nɛ nyɛ biɔ mi ke, ‘Mɛni be wa pee nɔ́ ko kaa kikɛ nɛ ɔ?’ Ma de nyɛ! Nyɛ ble ye bɔ sami la tɛ ɔ.

Mose IV, 15:24

Ke e ba mi kaa ma mluku nɛ ɔ li a he be nɛ a ya tɔ ɔ, lɛɛ ma a tsuo maa ngɔ na niheyo kake kɛ ba sã sami bɔ nɛ jee via ha Yawɛ. A ngɔ niye ní bɔ, kɛ dã nɛ a kɛ maa sã bɔ ɔ ngɔ piɛ he kaa bɔ nɛ kusumi ɔ ngɛ ɔ. Jehanɛ, a kɛ akpakpo kake hu ba sã yayami pami bɔ.

Mose IV, 15:3

nɛ nyɛ suɔ kaa nyɛɛ kɛ na, loo to maa sã bɔ nɛ je via ha mi ɔ, sami bɔ jio, si womi nɔ yemi bɔ jio, bɔ nɛ je nyɛ tsui mi faa jio, aloo bɔ nɛ a sãã ngɛ ligbi nguahi nɛ a to ɔ eko nɔ jio,

Mose IV, 15:7

nɛ nyɛɛ ngɔ wai lita kake kɛ fa ngɔ piɛ he kɛ sã bɔ ɔ, konɛ e je via kɛ ha Yawɛ.

Mose IV, 28:1

Yawɛ de Mose ke,

Mose IV, 29:39

“Mlaahi nɛ a wo nɛ kɔɔ sami bɔ, ngma bɔ, wai bɔ, kɛ tue mi jɔmi bɔ nɛ nyɛɛ sã ha Yawɛ ngɛ nyɛ nyami be ɔmɛ a mi he ji nɛ ɔmɛ nɛ. Slo enɛ ɔmɛ ngɛ si womi bɔhi, kɛ bɔhi nɛ nyɛ sãã kɛ jeɔ nyɛ tsui mi faa a a he.”

Mose IV, 9:13

Se nɔmlɔ nɛ he tsɔ, nɛ e hiɛ blɔ hulɔ, nɛ e kua Hetsɔmi ɔ yemi ɔ, jamɛ a nɔ ɔ lɛɛ a je lɛ we kɛ je e ma mi bi ɔmɛ a kpɛti; ejakaa e kɛ Yawɛ nike ní ɔ bɛ be nɛ a to ɔ. Nɔmlɔ nɛ ɔ, lɛ nitsɛ e musu maa tloo lɛ.

Mose IV, 9:7

nɛ a ba de ke, “E ngɛ mi kaa wa ya ta nɔ gbogboe he nɛ wa he tsɔ we, se mɛni he je nɛ a tsiɔ wa nya kaa wɔɔ lɛɛ wa ko piɛ Israel bi kpa amɛ a he, nɛ́ waa ngɔ wa nike ní kɛ ba ha Yawɛ ngɛ be nɛ a to ɔ mi?”

2 Korintobi 2:15

Ejakaa wa ngɛ kaa tsopa kɛ e he via liliili nɛ Kristo kɛ sãã bɔ ha Mawu. Wa nɔ nɛ a guu kɛ fiɛɔ sane kpakpa a nɛ kɔɔ Kristo he ɔ kɛ haa je ɔ tsuo, nihi nɛ ngɛ blɔ nɔ kɛ yaa neneene wami mi, kɛ ni nɛmɛ nɛ ngɛ blɔ nɔ kɛ yaa hɛ mi kpatami mi.

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Filipibi 4:18

Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.