Mose IV, 28:19 - BAIBLO ALOO NGMAMI KLƆUKLƆU Ɔ

¹⁹ A ngɔ lohwe nɛ ɔmɛ kɛ sã sami bɔ ha Yawɛ: na ku enyɔ, agbosu kake, kɛ jijɔ ku kpaago nɛ a ye jeha kakaaka, nɛ kpa ko kpa ko be a he.

Mose IV, 28:19 ပူးပေါင်းရင်းမြစ်များ

Mose V, 15:21

Ke lohwe ɔmɛ a nane kplɔ ngɛ a sisi, loo a hɛngmɛ yu, loo sakpa ko ngɛ a he ɔ, koo ngɔ mɛ kɛ sã bɔ ha Yawɛ, o Mawu ɔ.

Mose IV, 29:8

Nyɛɛ ngɔ lohwe nɛ ɔmɛ kɛ sã sami bɔ nɛ jee via saminya, nɛ saa Yawɛ hɛ mi: na ku kake, agbosu kake, kɛ jijɔ ku kpaago nɛ a ye jeha kakaaka, nɛ kpa ko kpa ko be a he.

Mose IV, 28:31

Nyɛɛ sã bɔ nɛ ɔmɛ kɛ a he wai bɔ ɔ kɛ piɛ daa ligbi sami bɔ ɔ, kɛ niye ní bɔ ɔ a he. Nyɛɛ hyɛ nɛ kpa ko kpa ko kó hi bɔ sami lohwe ɔmɛ a he.”

Mose III, 22:20

A ko ngɔ lohwe ko nɛ kpa ngɛ e he kɛ ba, ejakaa imi Yawɛ, i be ngɔe.

1 Petro 1:19

se mohu, gbenɔ nɛ Kristo gbo, nɛ e ngɔ e he kɛ sã bɔ nɛ he jua wa a. Ee, Kristo ngɛ kaa to bi nɛ kpa, aloo mu ko be e he.

Mose IV, 28:20

Ngma bɔ nɛ a kɛ piɛ lohwe ɔmɛ a he ji nɛ ɔmɛ nɛ: na ku kake nɔ́ ji ngma mamu bukɔbukɔ kilo etɛ nɛ a kɛ nu futu lɛ. Agbosu ɔ nɔ́ ji ngma mamu bukɔbukɔ kilo enyɔ nɛ a kɛ nu futu lɛ.

Mose III, 1:3

Ke na nɔ ɔ kɛ ma sami bɔ sami ɔ, é ngɔ na ku nɛ kpa ko be e he kɛ ba. E kɛ na a nɛ ba kpe he bo tsu ɔ sinya a nya, konɛ e sa Yawɛ hɛ mi nɛ e ngɔ.

Mose V, 16:2

Nyɛɛ ya he nɛ Yawɛ, nyɛ Mawu ɔ to nɛ a ja lɛ Mawu ngɛ ɔ, nɛ nyɛ ya gbe nyɛ to, loo na amɛ eko kɛ ye Hetsɔmi ɔ kɛ wo Yawɛ, nyɛ Mawu ɔ hɛ mi nyami.

Kronika II, 35:12

Enɛ ɔ se ɔ, a dla lohwe ɔmɛ nɛ a kɛ maa sã sami bɔ ɔ ngɔ ha ma a we puɔ nya we puɔ nya, konɛ a sã bɔ ɔmɛ kaa bɔ nɛ a ngma ngɛ Mose mlaa a mi ɔ.