Mose IV, 28:15 - BAIBLO ALOO NGMAMI KLƆUKLƆU Ɔ

¹⁵ Jehanɛ, ngɛ daa sami bɔ ɔ, kɛ e he wai bɔ ɔ se ɔ, a ngɔ apletsi ku kake kɛ sã yayami pami bɔ kɛ ha Yawɛ.

Mose IV, 28:15 ပူးပေါင်းရင်းမြစ်များ

Mose IV, 28:3

“Mo de mɛ ke, sami bɔ nɛ nyɛɛ sã kɛ ha Yawɛ ji, daa ligbi ɔ, jijɔ ku enyɔ nɛ a ye jeha kakaaka, nɛ kpa ko kpa ko be a he.

Mose IV, 28:22

Jehanɛ, a ngɔ akpakpo kake kɛ sã yayami pami bɔ, nɛ a kɛ kpata Yawɛ ha ma a.

Mose IV, 15:24

Ke e ba mi kaa ma mluku nɛ ɔ li a he be nɛ a ya tɔ ɔ, lɛɛ ma a tsuo maa ngɔ na niheyo kake kɛ ba sã sami bɔ nɛ jee via ha Yawɛ. A ngɔ niye ní bɔ, kɛ dã nɛ a kɛ maa sã bɔ ɔ ngɔ piɛ he kaa bɔ nɛ kusumi ɔ ngɛ ɔ. Jehanɛ, a kɛ akpakpo kake hu ba sã yayami pami bɔ.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Romabi 8:3

Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

Mose III, 16:15

Jehanɛ, é gbe akpakpo ɔ nɛ a kɛ ma yayami pami bɔ sami ha ma a. É ngɔ muɔ ɔ kɛ ba he klɔuklɔu pe kulaa a, nɛ e ya fĩa kɛ pue somi daka a nya nɔ́ ɔ nɔ, kɛ somi daka a he kɛ kpe kaa bɔ nɛ a kɛ na ku ɔ muɔ ɔ pee ɔ pɛpɛɛpɛ.

Mose III, 4:23

nɛ a ha nɛ e na e tɔmi ɔ, é ngɔ akpakpo nɛ kpa ko be e he kɛ ba sã bɔ.

Mose I, 37:31

Kɛkɛ nɛ a gbe apletsi ko, nɛ a ngɔ Yosef tade klɔii saminyayoo ɔ kɛ tsɔ muɔ ɔ mi.

Mose IV, 28:14

Wai bɔ nɛ a kɛ maa piɛ he ji wai kilo enyɔ kɛ ha na ku kake, wai lita kake kɛ fa kɛ ha agbosu ɔ, kɛ wai lita kake kɛ ha jijɔ ku kake ɔ. Sami bɔ he mlaa kɛ ha nyɔhiɔ tsuaa nyɔhiɔ ngɛ jeha kake mi ji nɛ ɔ nɛ.

Mose III, 16:16

É pee kusumi nɛ ɔ kɛ kpata Yawɛ ngɛ he klɔuklɔu pe kulaa a ngɛ Israel bi ɔmɛ a musuhi nɛ a bɔ, mlaahi a nɔ nɛ a tɔ, kɛ yayamihi nɛ a pee ɔ tsuo kulaa he. É pee kusumi nɛ ɔ kɛ ha kpe he bo tsu ɔ hulɔ; ejakaa e ngɛ ma sito he ɔ he nɛ a ble ɔ.

Mose IV, 28:30

Jehanɛ, nyɛɛ ngɔ akpakpo kake kɛ sã yayami pami bɔ, nɛ a kɛ kpata Yawɛ ha ma a.

Mose IV, 29:5

Jehanɛ, nyɛɛ ngɔ akpakpo kake kɛ sã yayami pami bɔ, nɛ a kɛ kpata Yawɛ ha ma a.

Mose IV, 29:16

Jehanɛ, nyɛɛ ngɔ to akpakpo kake kɛ ba sã yayami pami bɔ kɛ piɛ daa sami bɔ ɔ, kɛ e he ngma bɔ ɔ, kɛ e he wai bɔ ɔ he.