Mose IV, 28:11 - BAIBLO ALOO NGMAMI KLƆUKLƆU Ɔ

¹¹ “Daa nyɔhiɔ sisije ɔ, nyɛɛ ngɔ na niheyo enyɔ, agbosu kake, kɛ jijɔ ku kpaago nɛ a ye jeha kakaaka, nɛ kpa ko kpa ko be a he kɛ sã sami bɔ kɛ ha Yawɛ.

Mose IV, 28:11 ပူးပေါင်းရင်းမြစ်များ

Mose IV, 10:10

Jehanɛ, ngɛ nyɛ nyami ligbihi, kɛ ligbi kpahi nɛ a to ɔ, kɛ Nyɔhiɔhe nyami be ɔmɛ hu nyɛ kpa titimati ɔmɛ be mi nɛ nyɛ ngɛ sami bɔ ɔmɛ, kɛ tue mi jɔmi bɔ ɔmɛ sãe. Nɔ́ nɛ ɔ ma ha nɛ nyɛ Mawu ɔ ma kai nyɛ. Imi ji Yawɛ, nyɛ Mawu ɔ nɛ.”

Ezekiel 46:6

E ngɔ na niheyo kake, jijɔ ekpa, kɛ agbosu kake nɛ kpa be ekoeko he kɛ ba sã bɔ Nyɔhiɔhe nyami be ɔ.

Kolosebi 2:16

Lɔ ɔ he ɔ, nyɛ ko ha nɔ ko nɛ wo nyɛ mlaa ngɛ nɔ́ nɛ nyɛ maa ye, kɛ nɔ́ nɛ nyɛ maa nu he, aloo ngɛ nyami be, Nyɔhiɔhe nyami be, kɛ Hejɔɔmi ligbi he.

Hosea 2:11

E nyami be ɔmɛ: Nyɔhiɔhe, Hejɔɔmi, kɛ nyami be kpa amɛ tsuo a se maa po.

Ezra 3:5

A sãã bɔ pɔtɛɛ nɛ ɔmɛ hulɔ: sami bɔhi nɛ a sãã nyami be kaa Nyɔhiɔhe nyami be mi, bɔhi nɛ a sãã daa ke ma a ba bua a he nya nɛ a ma ja Yawɛ kikɛ nɛ ɔ, kɛ bɔhi tsuo nɛ nihi jeɔ a tsui mi faa nɛ a kɛ ba haa Yawɛ.

Kronika II, 2:4

I yaa po we kɛ wo Yawɛ, ye Mawu ɔ hɛ mi nyami. We nɛ ɔ maa pee he klɔuklɔu nɛ a hla kɛ to ha Yawɛ. Lejɛ ɔ i kɛ ye ma a ma sɔmɔ Yawɛ ngɛ. Wa maa sã tsopa kɛ e he via, nɛ waa kɛ abolo klɔuklɔu ɔ maa ma Yawɛ hɛ mi daa ngɛ lejɛ ɔ. Daa mɔtu kɛ gbɔkuɛ ɔ, wa maa sã sami bɔhi ngɛ lejɛ ɔ. Wa maa sã sami bɔhi Hejɔɔmi ligbi, Nyɔhiɔhe nyami be, kɛ nyami be kpahi hu ngɛ lejɛ ɔ kɛ wo Yawɛ, wa Mawu ɔ hɛ mi nyami. Blɔ nya nɛ Yawɛ to kɛ ha Israel kɛ yaa neneene ji nɛ ɔ nɛ.

Kronika I, 23:31

kɛ be tsuaa be nɛ a maa sã sami bɔ ha Yawɛ ɔ, Hejɔɔmi ligbi jio, Nyɔhiɔhe nyami be jio, nyami be kpa amɛ jio. Ke be su kɛ ha ní tsumi nɛ ɔmɛ a tsumi ɔ, Levi bi abɔ nɛ hia kaa a ya tsu ní ɔ, yaa nɛ a ya tsuɔ ngɛ mlaa a nya.

Samuel I, 20:5

David de Yonatan ke, “Hyɛ, hwɔɔ ji Nyɔhiɔhe nyami be ɔ nɛ, nɛ jinɛ e sa kaa i kɛ matsɛ ya ye ní. Se ha nɛ ma ya laa ye he ngɛ nga a nɔ kɛ yaa si ligbi etɛne ɔ gbɔkuɛ nya si.

Kolosebi 2:6

Akɛnɛ nyɛ he Kristo Yesu kaa nyɛ Nyɔmtsɛ ɔ, nyɛɛ ya nɔ nyɛɛ kɛ lɛ nɛ pee kake.

Galatabi 4:10

Nyɛ toɔ be titli komɛ, ligbi komɛ, nyɔhiɔ komɛ, kɛ jeha komɛ nɛ nyɛ kɛ peeɔ kusumi.

Amos 3:5

Anɛ lohwe pɛlitsɛ duɔ klama nɛ a kɛ lo kɔɛ nya lo? Anɛ klama fɛɔ be mi nɛ nɔ́ ko sɛ he lo? Dɛbi!

Ezekiel 46:1

Nyɔmtsɛ Yawɛ ke, “Agbo nɛ a sɛɛ mi ngɛ beleku je kɛ baa kue ɔ mi ngɛ we ɔ mi je ɔ, a nga lɛ ní tsumi ligbi ekpa amɛ tsuo; se Hejɔɔmi ligbi ɔ, kɛ Nyɔhiɔhe he nyami be ɔmɛ lɛɛ a bli lɛ kɛ fɔ si.

Yesaya 66:23

Nyɔhiɔhe nyami be tsuaa Nyɔhiɔhe nyami be, kɛ Hejɔɔmi ligbi tsuaa Hejɔɔmi ligbi ɔ, nimli adesahi nɛ ngɛ je ma amɛ tsuo a mi ɔ ma ba ja mi ngɛ Yerusalem.” Yawɛ lɛ de.

La 81:3

Nyɛ kpa titimati wa nyami ligbi ɔmɛ tsuo, be mi nɛ nyɔhiɔ da, kɛ be mi nɛ nyɔhiɔ ɔ wa.

La 40:8

Ye Mawu, i suɔ kaa ma pee o suɔmi nya ní; o mlaa a, a ngma ngɛ ye tsui mi.”

La 40:6

O hla we bɔ, nɛ o hla we nike ní hulɔ. O bi we ke a sã sami bɔ, loo yayami pami bɔ ha mo. Mohu ɔ, o bli ye tue, konɛ ma nu o gbi.

Nehemia 10:33

Wɔ tsuo wa maa ngɔ ní nɛ ɔmɛ kɛ ba nɛ a kɛ sɔmɔ ngɛ Yawɛ we ɔ: abolo klɔuklɔu ɔ, niye ní bɔ nɛ a sãã daa ligbi ɔ, lohwehi nɛ a kɛ sãã bɔ daa ligbi ɔ, bɔ klɔuklɔu ɔmɛ nɛ a sãã Hejɔɔmi ligbi ɔmɛ ɔ, kɛ Nyɔhiɔhe nyami be ɔ, kɛ nyami be kpa amɛ a nɔ ɔ. Wa ma ha níhi nɛ a kɛ sãã bɔ klɔuklɔu kpa amɛ hulɔ kaa yayami pami bɔ nɛ a kɛ kpataa Yawɛ ha Israel kikɛ nɛ ɔ, kɛ nɔ́ ko saisaa nɛ he hia nɛ a kɛ ma sɔmɔ ngɛ wa Mawu ɔ we ɔ.

Matsɛmɛ II, 4:23

E huno ɔ bi lɛ ke, “Mɛni he je o yaa Mawu nɔmlɔ ɔ ngɔ mwɔnɛ ɔ? Tsa pi Nyɔhiɔhe nyami be, aloo Hejɔɔmi ligbi ji mwɔnɛ ɔ.” E he nɔ ke, “E pee we nɔ́ ko!”

Mose IV, 28:19

A ngɔ lohwe nɛ ɔmɛ kɛ sã sami bɔ ha Yawɛ: na ku enyɔ, agbosu kake, kɛ jijɔ ku kpaago nɛ a ye jeha kakaaka, nɛ kpa ko kpa ko be a he.

Mose III, 1:3

Ke na nɔ ɔ kɛ ma sami bɔ sami ɔ, é ngɔ na ku nɛ kpa ko be e he kɛ ba. E kɛ na a nɛ ba kpe he bo tsu ɔ sinya a nya, konɛ e sa Yawɛ hɛ mi nɛ e ngɔ.

Mose III, 1:9

se e mi ní ɔmɛ, kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he; nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ kaa sami bɔ. Enɛ ɔ ji bɔ nɛ a kɛ la sãã nɛ jee via ha Yawɛ.

Mose III, 1:13

E mi ní ɔ kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he, nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ. Enɛ ɔ ji sami bɔ, bɔ nɛ a kɛ la sãã nɛ jee via ha Yawɛ.

Samuel I, 9:12

Yiwi ɔmɛ he nɔ ke, “Ee, e ngɛ; lɛ nɛ e ngɛ nyɛ hɛ mi kɛ yaa a nɛ. Nyɛɛ nyɛɛ esɔesɔ; ke nyɛ sɛ ma a mi pɛ nyɛ maa na lɛ. Piɔ pɛ nɛ e ba ma a mi, ejakaa ni ɔmɛ ba konɛ a ba sã bɔ ngɛ jami he ɔ; nɛ ja e su lejɛ ɔ nɛ e gbaa bɔ ɔ nɔ loko ni nɛmɛ nɛ a kpee ɔ maa ye ní ɔ. Ke nyɛ he sɔ ɔ, nyɛ ma ya ná lɛ loko e maa ya jami he ɔ nɛ e ya ye ní ngɛ lejɛ ɔ.”

Kronika II, 8:13

E sã sami bɔhi, kaa bɔ nɛ Mose mlaa a tsɔɔ kaa a pee nyami be ɔmɛ, Hejɔɔmi ligbihi, Nyɔhiɔhe nyami behi, kɛ nyami be etɛ ɔmɛ nɛ a yeɔ ngɛ jeha mi ɔ. Mɛ ji Abolokplolo nyami be, Ngmakpami nyami be, kɛ Gbasisihimi nyami be.

Ezekiel 46:7

Blɛfo lita nyɔngma kɛ kpaago kɛ fa nɛ piɛ na ku ɔ he, nɛ lita nyɔngma kɛ kpaago kɛ fa nɛ piɛ agbosu ɔ hu he, se jijɔ ɔmɛ a nɔ́ ɔ lɛɛ e ha blɛfo ɔ bɔ nɛ e suɔ, nɛ e ngɔ oliv nu lita etɛ kɛ piɛ he kɛ ba sã niye ní bɔ.

Amos 8:5

Nyɛ biɔ nyɛ sibi ke, “Mɛni be Nyɔhiɔhe nyami be ɔ maa ta nɛ waa jua blɛfo? Mɛni be Hejɔɔmi ligbi ɔ maa be, nɛ wa bɔni ngma juami ekohu?” Nyɛ yaa nɔ nɛ nyɛ deɔ ke, “Wa ma tsake wa sɛni tɛ ɔmɛ, kɛ ní juami ní kpa amɛ, nɛ wa maa sisi ni nɛmɛ nɛ waa kɛ mɛ yeɔ jua a.

Kronika II, 2:3

Salomo tsɔ nɛ a kɛ sɛ gbi ya ha Tiro matsɛ, Hiram ke, “Kaa bɔ nɛ o kɛ tsaatsɛ David hi si, nɛ o ha lɛ seda tsohi nɛ e kɛ po we nɛ e hi mi ɔ, o kɛ mi nɛ hi si ja nɔuu.

La 81:4

Mlaa nɛ ngɛ Israel ji nɛ ɔ nɛ; Yakob Mawu ɔ lɛ wo.