Mose IV, 27:23 - BAIBLO ALOO NGMAMI KLƆUKLƆU Ɔ

²³ Nɛ, kaa bɔ nɛ Yawɛ fa lɛ ɔ, Mose ngɔ e nine kɛ pue Yoshua yi mi; nɛ e ngɔ he wami ɔ ngɔ wo e dɛ kaa e se yelɔ.

Mose IV, 27:23 ပူးပေါင်းရင်းမြစ်များ

Mose IV, 27:18

Yawɛ de Mose ke, “Yaa ngɔ Nun binyumu Yoshua, nɛ o kɛ o nine pue e yi mi. Nɔmlɔ nɛ ɔ, ye mumi ɔ ngɛ e mi, nɛ e ma nyɛ ma tsu ní ɔ.

Mose IV, 27:19

Ha nɛ e ba da si ngɛ osɔfo Eleazar, kɛ ma kpekpemi ɔ tsuo a hɛ mi, nɛ o to lɛ si kaa o se yelɔ.

Mose IV, 27:22

Mose pee kaa bɔ nɛ Yawɛ fa lɛ ɔ. E ngɔ Yoshua ba da si ngɛ osɔfo Eleazar, kɛ ma kpekpemi ɔ tsuo a hɛ mi.

Mose IV, 28:1

Yawɛ de Mose ke,

Mose V, 3:21

“Lɔ ɔ se ɔ, i fa Yoshua ke, ‘Nyɛ nitsɛmɛ nyɛ na nɔ́ nɛ Yawɛ, nyɛ Mawu ɔ pee matsɛmɛ enyɔ nɛ ɔmɛ; jã kɛ̃ Yawɛ maa pee matsɛmɛ kpa amɛ nɛ nyɛ ma ya gu a zugba amɛ a nɔ ɔ.

Mose V, 3:28

Wo Yoshua mlaa, nɛ o wo lɛ kã kɛ he wami; ejakaa lɛ ji nɔ nɛ maa nyɛɛ ma a hɛ mi kɛ po pa a kɛ ya ngɔ zugba a nɛ o ngɛ hyɛe ɔ.’

Mose V, 31:23

Jehanɛ, Yawɛ to Nun bi Yoshua si, nɛ e de lɛ ke, “Pee kã, nɛ o he nɛ wa. Mo nɛ o ma kpaka Israel ma a kɛ ya zugba a nɛ i wo mɛ e he si ɔ nɔ. I kɛ mo maa hi si.”

Mose V, 34:9

Nun bi, Yoshua nile nya ba bli, ejakaa Mose to lɛ si kaa nɔ nɛ ma ba ye e se. Israel ma a bu Yoshua tue, nɛ a ye mlaa amɛ nɛ Yawɛ wo mɛ kɛ gu Mose nɔ ɔ a nɔ.