Mose IV, 27:21 - BAIBLO ALOO NGMAMI KLƆUKLƆU Ɔ

²¹ É ba e he si ha osɔfo Eleazar, konɛ osɔfo Eleazar hu nɛ ngɔ Urim kɛ Tumim kɛ bi Yawɛ ga womi ha lɛ. Nɔ́ tsuaa nɔ́ nɛ Yawɛ ma de Eleazar a, lɔ ɔ Yoshua, kɛ Israel ma kpekpemi ɔ tsuo maa pee.”

Mose IV, 27:21 ပူးပေါင်းရင်းမြစ်များ

Samuel I, 28:6

lɔ ɔ he ɔ, e ya bi Yawɛ ga womi. Se Yawɛ pui e nya mi. E na we sɛ gbi ko kɛ gui nlami mi. Urim kɛ Tumim de we lɛ nɔ́ ko, nɛ e nui nɔ́ ko kɛ ji gbalɔ ko gbalɔ ko nya.

Yoshua 9:14

Israel bi ɔmɛ bi we Yawɛ ga womi kulaa, kɛkɛ nɛ a he ni ɔmɛ a dɛ mi niye ní ɔ.

Mose II, 28:30

Ngɔɔ ní ɔmɛ nɛ a kɛ leɔ ye yi mi, nɛ a tsɛɛ Urim kɛ Tumim ɔ kɛ wo gugue tade ɔ mi, nɛ Aaron nɛ hɛɛ mɛ ngɛ e gugue nya be tsuaa be nɛ e ma ye hɛ mi. Kɛkɛ ɔ, daa be tsuaa be ke Aaron ma he klɔuklɔu ɔ, níhi nɛ ma gu nɔ kɛ je ye yi mi tomi kpo kɛ tsɔɔ Israel bi ɔmɛ ɔ, e hɛɛ mɛ momo ngɛ e gugue nya.

Nehemia 7:65

Yuda nɔ yelɔ ɔ de mɛ ke a be he blɔ kaa a yeɔ niye ní nɛ a kɛ sã bɔ ha Mawu kɛ yaa su be nɛ a ma na osɔfo nɛ maa ngɔ Urim kɛ Tumim kɛ bi Mawu gbi ha mɛ.

Ezra 2:63

Amlaalo nɛ yeɔ Yuda zugba a nɔ ɔ de nimli nɛ ɔmɛ ke a be he blɔ kaa a yeɔ niye ní nɛ a kɛ sã bɔ ha Mawu kɛ yaa su be nɛ a maa na osɔfo nɛ maa ngɔ Urim kɛ Tumim kɛ bi Mawu gbi ha mɛ.

Samuel I, 30:7

David de osɔfo Abiatar, Ahimelek binyumu ɔ ke, “Ngɔɔ efɔd ɔ kɛ ba ha mi.” Nɛ Abiatar ngɔ efɔd ɔ kɛ ba ha lɛ.

Samuel I, 23:9

Benɛ David na le kaa Saul ngɛ nɔ́ yayami soe kɛ wo e he ɔ, e de osɔfo Abiatar ke, “Ngɔɔ efɔd ɔ kɛ ba hiɛ ɔ.”

Manyadali 20:18

Israel bi ɔmɛ pue nɔ kɛ ho Betel ya, nɛ a ya bi Mawu ga womi ke, “Wa ti mɛnɔmɛ maa nyɛɛ tabo ɔ hɛ mi kɛ ya tua Benyamin bi ɔmɛ?” Nɛ Yawɛ de mɛ ke, “Yuda wɛtso ɔ maa hia kekle.”

Manyadali 1:1

Yoshua gbenɔ se ɔ, Israel bi ɔmɛ bi Yawɛ ke, “Wa kpɛti mɛnɔmɛ ma ya tua Kanaan bi ɔmɛ kekleekle?”

Mose V, 33:8

Jehanɛ, Mose gbaa Levi wɛtso ɔ hulɔ ke, “Yawɛ, mo je o suɔmi kpo kɛ gu Tumim kɛ Urim a nɔ. Ní nɛ ɔmɛ ji níhi nɛ Levi bi ɔmɛ, nɛ ji sɔmɔli nɛ yeɔ mo anɔkuale ɔ kɛ biɔ mo gbi ɔ nɛ. O ka Levi wɛtso ɔ ngɛ Masa, nɛ o kɛ mɛ pɛ ngɛ Meriba pa a nya.

Mose IV, 27:17

nɔ nɛ maa nyɛɛ a hɛ mi, nɛ e ma kpaka mɛ kɛ ya kɛ ba, bɔ nɛ pee nɛ mo Yawɛ, o ma kpekpemi ɔ nɛ ko pee kaa tohi nɛ be hyɛlɔ.”

Mose III, 8:8

Lɔ ɔ se ɔ, e ngɔ hiɔwe tade ɔ nɛ Urim kɛ Tumim ngɛ mi ɔ ngɔ wo lɛ.

Mose IV, 27:5

Mose ngɔ a sane ɔ kɛ ya fɔ Yawɛ hɛ mi,

Mose IV, 27:20

Lɔ ɔ se ɔ, ngɔɔ mo nitsɛ o he wami ɔ eko ngɔ wo e dɛ, konɛ ma kpekpemi ɔ tsuo nɛ bu lɛ.

Mose IV, 27:22

Mose pee kaa bɔ nɛ Yawɛ fa lɛ ɔ. E ngɔ Yoshua ba da si ngɛ osɔfo Eleazar, kɛ ma kpekpemi ɔ tsuo a hɛ mi.

Samuel I, 14:19

Se benɛ Saul kɛ osɔfo ɔ ngɛ munyu tue ɔ, basabasa nɛ te si ngɛ Filisti bi ɔmɛ a kpɛti ɔ nya wa pe nine. Lɔ ɔ he ɔ, Saul de lɛ ke, “Koo ya hu; deka ko be kulaa!”

Samuel II, 21:1

David yi nɔ ɔ, hwɔ ba zugba a nɔ jeha etɛ sɔuu. Lɔ ɔ he ɔ, David ya bi Yawɛ ga womi, nɛ Yawɛ de lɛ ke, “Saul kɛ e we ɔ ye fɔ kaa a pue muɔ si; ejakaa Saul gbe Gibeon bi ɔmɛ.”

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

Mose V, 31:3

Yawɛ, nyɛ Mawu ɔ ma kpaka nyɛ, nɛ e ma kpata ma amɛ nɛ ngɛ lejɛ ɔ a hɛ mi, konɛ nyɛ nyɛ nɛ nyɛɛ ngɔ zugba a; nɛ Yoshua maa pee nyɛ hɛ mi nyɛɛlɔ kaa bɔ nɛ Yawɛ de ɔ.