Mose IV, 26:65 - BAIBLO ALOO NGMAMI KLƆUKLƆU Ɔ

⁶⁵ Yawɛ de to kaa mɛ tsuo kulaa a ma gbo ngɛ nga a nɔ. Nɛ niinɛ, Yefune binyumu Kaleb, kɛ Nun binyumu Yoshua pɛ ji a ti ni nɛmɛ nɛ piɛ.

Mose IV, 26:65 ပူးပေါင်းရင်းမြစ်များ

Mose IV, 14:38

Nyumu ɔmɛ nɛ ya slaa zugba a, Nun bi Yoshua, kɛ Yefune bi Kaleb pɛ ji ni nɛmɛ nɛ a yi na wami.

Romabi 11:22

Enɛ ɔ tsɔɔ wɔ kaa Mawu mi mi hi, se e sane wa hulɔ. Nihi nɛ gbee si ɔ, e kɛ mɛ to ní; se nyɛɛ lɛɛ e mi mi jɔ ha nyɛ, nɛ e sa kaa nyɛɛ ya nɔ kikɛ nɛ ɔ. Ke pi jaa, a ma kplɔ nyɛ kɛ pue si ja nɔuu.

Mose IV, 14:35

I ngɛ kita kae kaa nyɛ nimli kpekpemi yiwutsotsɛmɛ nɛ nyɛ tsɔ atuã wo mi ɔ, nɔ́ nɛ ma pee nyɛ ji nɛ ɔ nɛ. Nyɛ tsuo nyɛ ma gbo tlɔ nga a nɔ ngɛ hiɛmɛ nɛ ɔ. Imi, Yawɛ lɛ i de.’ ”

Yuda 1:5

Nyɛ le enɛ ɔ momo lɛɛ, se i suɔ kaa ma kai nyɛ. Benɛ Nyɔmtsɛ ɔ jé Israel bi ɔmɛ si kake nyɔngloo kɛ je Egipt se ɔ, e kpata ni nɛmɛ nɛ he we yi ɔ a hɛ mi.

Mose II, 12:37

Israel bi ɔmɛ nyɛɛ nane kɛ je Rameses kɛ ho Sukot ya. Nyumu ɔmɛ kɛkɛ a hiɛmi maa pee akpe lafa ekpa; slo yihi kɛ jokuɛwi.

Mose IV, 14:26

Yawɛ de Mose kɛ Aaron ke,

Mose IV, 14:32

Se nyɛ lɛɛ nyɛ ma gbo tlɔ nga nɛ ɔ nɔ.

Mose IV, 27:3

“Wa tsɛ gbo ngɛ nga a nɔ. Lɛɛ e piɛ we Kora se nyɛɛli ɔmɛ nɛ te si ngɔ wo Yawɛ ɔ a he; lɛ nitsɛ e yayami nɛ gbe lɛ. Se e be binyumu.

Mose IV, 34:19

Nihi nɛ Yawɛ hla, kɛ wɛtsohi nɛ a je a mi ji nɛ ɔmɛ nɛ: WƐTSO WƐTSO NƆKƆTƆMA Yuda Kaleb, Yefune bi ɔ Simeon Shelumiel, Amihud bi ɔ Benyamin Elidad, Kislon bi ɔ Dan Buki, Yogli bi ɔ Manase Haniel, Efod bi ɔ Efraim Kemuel, Shiftan bi ɔ Zebulun Elizafan, Parnak bi ɔ Isakar Paltiel, Azan bi ɔ Asher Ahihud, Shelomi bi ɔ Naftali Pedahel, Amihud bi ɔ.

Mose V, 1:36

Yefune bi Kaleb pɛ lɛ maa na zugba a. Lɛɛ e ye mi anɔkuale, lɔ ɔ he ɔ, ma ngɔ zugba nɛ e ya slaa a ngɔ ha lɛ kɛ e nina.’

Yoshua 5:4

Benɛ Israel bi ɔmɛ je Egipt ɔ, a po nyumu ɔmɛ tsuo momo. Se jeha nyingmi eywiɛ ɔ nɛ ma a nyɛɛ nga kplanaa a nɔ ɔ, binyumuwi nɛ a fɔ jamɛ a be ɔ mi ɔ, mɛɛ a pui mɛ lolo. Jehanɛ hu, ta buli nɛ a kɛ je Egipt ɔ, mɛ tsuo a hɛ mi kpata ngɛ blɔ ɔ nɔ; ejakaa a bui Yawɛ gbi tue. Lɔ ɔ he ɔ, kaa bɔ nɛ Yawɛ ka kita a, e ha we nɛ a na zugba kpakpa nɛ baa ní ɔ nɛ e wo a nɛmɛ ɔmɛ si ke e ma ha mɛ ɔ.

La 37:9

Ejakaa a ma kpata yayami peeli a hɛ mi. Se ni nɛmɛ nɛ ngɔɔ a hɛ kɛ fɔɔ Yawɛ nɔ ɔ, mɛɛ lɛɛ a nine maa su zugba a nɔ.