Mose IV, 26:3 - BAIBLO ALOO NGMAMI KLƆUKLƆU Ɔ

³ Mose kɛ osɔfo Eleazar ya nɛ a kɛ ma a ya tu munyu ngɛ Moab nga kplanaa a nɔ, ngɛ Yordan pa a nya, ngɛ Yeriko hanɔ;

Mose IV, 26:3 ပူးပေါင်းရင်းမြစ်များ

Mose IV, 22:1

Israel bi ɔmɛ pue nɔ, nɛ a ya to si ngɛ Moab nga kpataa a nɔ ngɛ Yordan pa a se, ngɛ Yeriko hanɔ.

Mose IV, 26:4

nɛ a ngma ni nɛmɛ nɛ a ye kɛ je jeha nyingmi enyɔ kɛ yaa a a biɛ kaa bɔ nɛ Yawɛ fa Mose ɔ. Israel ma a nɛ je Egipt kɛ ba a ji nɛ ɔ nɛ.

Mose IV, 26:63

Ni nɛ ɔmɛ tsuo ji nihi nɛ Mose kɛ osɔfo Eleazar ngma a biɛ, benɛ a kane Israel ma a ngɛ Moab nga kplanaa a nɔ, ngɛ Yordan pa a se, ngɛ Yeriko hanɔ ɔ.

Mose IV, 31:12

A ngɔ ta yibu ní ɔmɛ tsuo, nyɔguɛ ɔmɛ, kɛ lohwe ɔmɛ nɛ a ha a kɛ ba Mose, osɔfo Eleazar, kɛ Israel ma kpekpemi ɔ a ngɔ ngɛ ma sito he ɔ, ngɛ Moab nga kplanaa a nɔ, ngɛ Yordan pa a se ngɛ Yeriko.

Mose IV, 33:48

A hia kɛ je Abarim yo ɔmɛ a nɔ, nɛ a ya to si ngɛ Moab nga kplanaa a nɔ, ngɛ Yordan pa se, ngɛ Yeriko hanɔ.

Mose IV, 35:1

Yawɛ kɛ Mose tu munyu ngɛ Moab nga kplanaa a nɔ, ngɛ Yordan pa a se, ngɛ Yeriko hanɔ; nɛ e de lɛ ke,

Mose V, 34:1

Kɛkɛ nɛ Mose je Moab nga kplanaa a nɔ, nɛ e ya kuɔ Nebo yo ɔ kɛ ho Pisga yo ɔ yi mi ya, ngɛ Yordan beleku je. Yawɛ kɛ zugba a tsuo pɛpɛɛpɛ tsɔɔ lɛ ngɛ lejɛ ɔ: Gilead zugba muza a tsuo, kɛ ya muɔ Dan ma a ngɛ omleyi je,

Mose V, 34:6

Yawɛ pu lɛ ngɛ kɔ̃ ko mi, ngɛ Moab zugba a nɔ, ngɛ Betpeor ma a hanɔ; se nɔ ko nɔ ko li he tutuutu nɛ a pu lɛ ngɛ kɛ ba si mwɔnɛ ɔ.

Mose V, 34:8

Israel ma a nyɛ ya ha lɛ ligbi nyingmi etɛ ngɛ Moab nga kplanaa a nɔ.