Mose IV, 26:10 - BAIBLO ALOO NGMAMI KLƆUKLƆU Ɔ

¹⁰ Zugba mi gba enyɔ ngɛ a sisi, nɛ e mii a kɛ Kora tsuo; nɛ a gbo. Nyumuhi lafa enyɔ kɛ nyingmi enuɔ ɔmɛ lɛɛ la sã mɛ, nɛ a plɛ pee kɔkɔ bɔmi okadi kɛ ha ma a.

Mose IV, 26:10 ပူးပေါင်းရင်းမြစ်များ

Mose II, 16:35

Israel bi ɔmɛ ye mana a jeha nyingmi eywiɛ kɛ ya si a ya su zugba nɛ nihi ngɛ nɔ, nɛ ji Kanaan zugba a huzu nya.

Yeremia 29:22

Nihi nɛ a nuu kɛ je Yerusalem kɛ ho Babilonia ya a, ke a ngɛ hlae nɛ a gbiɛ nɔ ɔ, bɔ nɛ a ma de ji, ‘Yawɛ nɛ pee mo kaa Zedekia kɛ Ahab nɛ Babilonia matsɛ ɔ sã mɛ hɛ ngmengmle ngɛ la mi ɔ!’

Ezekiel 14:8

Ye hɛ maa dɔ kɛ wo jamɛ a nɔ ɔ wawɛɛ; ma ngɔ lɛ kɛ pee okadi gbeyegbeye, kɛ abɛ nɛ a maa bu. Ma kpata e hɛ mi kɛ je je ma amɛ a mi, konɛ nyɛɛ le kaa imi ji Yawɛ.

Mose IV, 16:38

Benɛ a ngɔ ngɛyu ɔmɛ kɛ ya Yawɛ bɔ sami la tɛ ɔ he pɛ kɛkɛ nɛ a pee ní klɔuklɔuhi. Lɔ ɔ he ɔ, nimli nɛ ɔmɛ nɛ a gbe mɛ ngɛ a he yayami he ɔ, mo de Eleazar nɛ e ya je a ngɛyu ɔmɛ nɛ a fiaa nɔ tɛtlɛɛ, nɛ a kɛ ha bɔ sami la tɛ ɔ he. Nɔ́ nɛ ɔ maa pee kɔkɔ bɔmi nɔ́ kɛ ha Israel ma a.”

Mose IV, 17:3

Ngmaa Aaron biɛ ngɛ Levi tso ɔ he; ejakaa wɛtsoyi tsuaa wɛtsoyi ma na tso kake.

Mose IV, 27:3

“Wa tsɛ gbo ngɛ nga a nɔ. Lɛɛ e piɛ we Kora se nyɛɛli ɔmɛ nɛ te si ngɔ wo Yawɛ ɔ a he; lɛ nitsɛ e yayami nɛ gbe lɛ. Se e be binyumu.

Mose V, 11:6

Nyɛ kai nɔ́ nɛ e pee Ruben wɛtso ɔ mi no Eliab binyumu ɔmɛ nɛ a tsɛɛ mɛ Datan kɛ Abiram ɔ. Nyɛ tsuo pɛpɛɛpɛ nyɛ hɛ mi nɛ zugba a mi gba nɛ e mii mɛ kɛ a weku li, kɛ a lohwehi tsuo.

Mose V, 28:46

Haomi ɔmɛ maa pee okadi, kɛ kɔkɔ bɔmi nɛ je Mawu ngɔ ha nyɛɛ kɛ nyɛ nina kɛ maa ya neneene.

2 Petro 2:6

Mawu gbla Sodom kɛ Gomora ma amɛ a tue. E ngɔ la kɛ kpata ma nɛ ɔmɛ a hɛ mi ngɔ to okadi kɛ tsɔɔ nɔ́ nɛ maa ba yayami peeli a nɔ.

Yuda 1:7

Nyɛ kai Sodom kɛ Gomora, kɛ mahi nɛ bɔle mɛ kɛ kpe ɔ. Ma nɛ ɔmɛ a mi bi ɔmɛ fiɛ yo kɛ nyumu yakayaka fiɛmi, nɛ a ya nyɛɛ akɔnɔ yayahi a se kaa bɔ nɛ jamɛ a bɔfo ɔmɛ pee ɔ nɔuu. Nimli nɛ ɔmɛ a tue gblami ji kaa a ngɔ mɛ ngɔ wo la nɛ gbo we mi, konɛ a pee okadi kɛ ha nihi tsuo.

Samuel I, 2:34

Nɛ nɔ́ nɛ o kɛ maa le kaa nɔ́ nɛ i de ɔ tsuo maa ba mi ji lss ma ha o binyumu enyɔ ɔmɛ nɛ ji Hofni kɛ Finehas tsuo ma gbo ligbi kake too.