Mose IV, 25:4 - BAIBLO ALOO NGMAMI KLƆUKLƆU Ɔ

⁴ nɛ e de Mose ke, “Ngɔɔ ma nimeli ɔmɛ tsuo kɛ ya nɛ o ya sɛu mɛ ngɛ Yawɛ hɛ mi piani katakata; kɛkɛ ɔ, ye mi mi fumi nɛ nya wa a maa je Israel nɔ.”

Mose IV, 25:4 ပူးပေါင်းရင်းမြစ်များ

Samuel II, 21:6

Enɛ ɔ he je ɔ, á ngɔ nɔmlɔ nɛ ɔ binyumuhi kpaago ba ha wɔ nɛ waa sɛu mɛ ngɛ Yawɛ hɛ mi ngɛ Gibeon, ngɛ Yawɛ yo ɔ nɔ.” Matsɛ ɔ he nɔ ke, “Yoo, ma ngɔ mɛ ba ha nyɛ.”

Samuel II, 21:9

David ngɔ mɛ kɛ wo Gibeon bi ɔmɛ a dɛ mi, nɛ a ya sɛu mɛ ngɛ yo ɔ nɔ, ngɛ Yawɛ hɛ mi. Mɛ ni kpaago ɔmɛ tsuo a gbo si kake too. Benɛ ní kpami be su, nɛ́ a bɔni ngma poomi ɔ, jamɛ a be ɔ nɛ a gbe ni ɔmɛ ɔ nɛ.

La 106:29

A kɛ a ní peemi ní ɔmɛ wo Yawɛ mi mi la, nɛ gbenɔ hiɔ ba sɛ a kpɛti.

Mose II, 18:25

Mose hla nyumuhi nɛ a nine si wa kɛ je Israel bi ɔmɛ a kpɛti, nɛ e wo mɛ nikɔtɔmahi ngɛ ma a nya. Ni komɛ hyɛɛ nimli nyɔngma nɔ, ni komɛ hyɛɛ nimli nyingmi enuɔ nɔ; ni komɛ hyɛɛ nimli lafa nɔ, nɛ ni komɛ hu hyɛɛ nimli akpe nɔ.

Yona 3:9

kaa alini Mawu ma tsake e yi mi tomi; kaa alini Mawu mi mi fumi ɔ nya maa ba si, nɛ wa hɛ mi be kpatae.”

Mose IV, 25:11

“Nɔ́ nɛ Eleazar binyumu Finehas, osɔfo Aaron bibi ɔ pee nɛ ɔ ha nɛ ye mi mi nɛ fu Israel ma a nya ba si. E je hunga ha mi, nɛ enɛ ɔ he je ɔ, i be ye ma a hɛ mi kpatae hu.

Mose IV, 25:18

ejakaa a gu sisimi blɔ nɔ nɛ a kɛ nyɛ wo haomi mi. A ha nɛ nyɛ ya ja Baal nɛ ngɛ Peor ɔ, nɛ nyɛ kɛ tɔtɔ nyɛ nane. Midian wɛtsoyi ɔ biyo Kozbi, nɔ nɛ a gbe benɛ gbenɔ hiɔ ɔ ngɛ ní tsue ɔ, e sane ɔ yeɔ nɔ́ nɛ ɔ he odase.”

Mose V, 13:11

Ke e ba mi ja a, Israel ma a tsuo maa nu sane ɔ he; a maa ye gbeye, nɛ nɔ ko nɔ ko be nɔ́ yayami kaa kikɛ nɛ ɔ pee hu.

Mose V, 13:13

yakayaka nimli komɛ nɛ ji Israel fɔfɔɛhi puɛ ma a mi bi ɔmɛ a tue nɛ a ya ja mawu kpahi nɛ nyɛ ja we hyɛ ɔ,

Mose V, 13:15

lɛɛ nyɛɛ gbe jamɛ a ma a mi bi ɔmɛ tsuo, kɛ a lohwe ɔmɛ tsuo. Nyɛɛ ngɔ klaate kɛ kpata ma a hɛ mi pɛsɛpɛsɛ.

Mose V, 13:17

Nyɛ ko ngɔ níhi nɛ a ma kpata a hɛ mi ɔ eko kɛ to ha nyɛ he. Kɛkɛ ɔ, Yawɛ mi mi nɛ fu nyɛ wawɛɛ ɔ nya maa ba si, nɛ e maa na nyɛ mɔbɔ. E maa na nyɛ mɔbɔ, nɛ e ma ha nyɛ he maa hiɛ babauu kaa bɔ nɛ e wo nyɛ nɛmɛ ɔmɛ si ɔ.

Mose V, 21:22

“Ke a gbe nɔ ko nɛ pee yayami ko, nɛ a kɛ e gbogboe ɔ bɛle si ngɛ tso nɔ ɔ,

Mose V, 21:23

ko ha nɛ e hi tso ɔ nɔ nɛ je nɛ na yi. A pu lɛ jamɛ a ligbi ɔ kɛ̃; ejakaa nɔ gbogboe nɛ bɛle si ngɛ tso nɔ ɔ kɛ Mawu gbiɛmi baa zugba a nɔ. Moo pu gbogboe ɔ, bɔ nɛ pee nɛ o ko ble zugba a nɛ Yawɛ, o Mawu ɔ ngɛ mo hae ɔ.

Mose V, 4:3

Nyɛ nitsɛmɛ nyɛ na nɔ́ nɛ Yawɛ pee ngɛ Peor yo ɔ he. Nɔ tsuaa nɔ nɛ ya nyɛɛ Baal se ngɛ lejɛ ɔ, Yawɛ, nyɛ Mawu ɔ kpata e hɛ mi.

Yoshua 22:17

Anɛ nyɛ kaii we yayami nɛ wa pee ngɛ Peor, benɛ Yawɛ kɛ gbenɔ hiɔ gbla lɛ nitsɛ e ma a tue ɔ lo? Wa ngɛ nɔ́ nae kɛ mwɔɔ ngɛ jamɛ a yayami ɔ he. Anɛ jamɛ a yayami ɔ pi ha wɔ lo?

Yoshua 23:2

Lɔ ɔ he ɔ, e tsɛ Israel ma a tsuo kɛ ba e ngɔ: ma nimeli, asafoatsɛmɛ, kojoli, kɛ tsɔli. E de mɛ ke, “Amlɔ nɛ ɔ, i bwɔ.