Mose IV, 25:2 - BAIBLO ALOO NGMAMI KLƆUKLƆU Ɔ

² Yi nɛ ɔmɛ kpeeɔ mɛ kɛ yaa niye ní nɛ a kɛ ba sã bɔ ha a mawu ɔmɛ ɔ a he. A yeɔ ní ɔ, nɛ a jaa mawu ɔmɛ hulɔ.

Mose IV, 25:2 ပူးပေါင်းရင်းမြစ်များ

1 Korintobi 10:20

Dɛbi! Nɔ́ nɛ i ngɛ dee kɛkɛ ji, bɔ nɛ wɔ jali sãã a, mumi yayamihi a sãã ngɔ haa, se pi Mawu. Nɛ i sume kaa nyɛɛ kɛ mumi yayamihi nɛ bɔ huɛ.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Hosea 9:10

Yawɛ ke, “Benɛ i na Israel ma a kekleekle ɔ, a ngɛ kaa wai yiblii ngɛ nga nɔ. Benɛ i na nyɛ nɛmɛ ɔmɛ ɔ, a ngɛ kaa ngmɔkɔ he nɛ fu ngɛ e be mi. Se benɛ a ba su Peor yo ɔ he ɔ, a ba bɔni Baal jami. A kɛ nɔ́ nɛ ɔ ble a he, nɛ a he pee tai kaa nɔ́ ɔ nɛ a ngɛ jae ɔ nɔuu.

La 106:28

Jehanɛ, Mawu ma a ya piɛ je ma amɛ a he nɛ a kɛ mɛ ja Baal nɛ ngɛ Peor ɔ. Bɔhi nɛ a sã ha a ni gbogboe ɔmɛ hu a kɛ mɛ ye.

Yoshua 22:17

Anɛ nyɛ kaii we yayami nɛ wa pee ngɛ Peor, benɛ Yawɛ kɛ gbenɔ hiɔ gbla lɛ nitsɛ e ma a tue ɔ lo? Wa ngɛ nɔ́ nae kɛ mwɔɔ ngɛ jamɛ a yayami ɔ he. Anɛ jamɛ a yayami ɔ pi ha wɔ lo?

Kpojemi 2:14

Se kɛ̃ ɔ, i kɛ mo ngɛ sane bɔɔ ko. Ni komɛ ngɛ nyɛ kpɛti nɛ ya wo Balaam tsɔɔmi ɔ. Balam lɛ tsɔɔ Balak kaa e tsɔ Israel bi ɔmɛ klama nɛ a ye wɔ nya lo, nɛ a fiɛ yo kɛ nyumu yakayaka fiɛmi.

Matsɛmɛ I, 19:18

Se kɛ̃ ɔ, i si gbali akpe kpaago hɛ ngmengmle ngɛ Israel nɛ mɛɛ a kpla we si kɛ ha we Baal, nɛ a fiɔ we e nya he hulɔ.”

Yoshua 23:16

Ke nyɛ yi somi nɛ Yawɛ, nyɛ Mawu ɔ kɛ nyɛ so ɔ nɔ, nɛ nyɛ ya sɔmɔ mawu kpahi, nɛ nyɛ ja mɛ ɔ, lɔ ɔ lɛɛ e kɛ abofu maa gbla nyɛ tue, nɛ e be kɛe kulaa nɛ nyɛ ti nɔ ko nɔ ko be piɛe ngɛ zugba kpakpa nɛ ɔ nɛ e ngɔ ha nyɛ ɔ nɔ.”

Yoshua 23:7

bɔ nɛ pee nɛ nyɛɛ kɛ je ma nɛ ɔmɛ nɛ piɛ ngɛ nyɛ kpɛti ɔ ko bɔ. Nyɛ ko wo a mawu ɔmɛ a ta, nɛ nyɛɛ kɛ a biɛhi kó ka kita; nyɛ ko ja mɛ, nɛ nyɛ ko kpla si ha mɛ.

Mose V, 32:38

Nyɛ lɛ mɛ kɛ lohwehi nɛ wo zɔ, nɛ nyɛ ngɔ dã kɛ sã bɔ ha mɛ. Lɛɛ, nyɛ ha nɛ a je ngmlaa ha nyɛ; nyɛ ha nɛ a he nɛ sɔ kɛ ba kpɔ nyɛ koo!’

Mose II, 23:24

Ko kpla si ha a mawu ɔmɛ; ko ja mɛ, nɛ a jami kusumi ní ɔmɛ hu koo pee. Se mohu, o ywia a mawu ɔmɛ, nɛ o ku a wɔ titima amɛ dukuduku kɛ pue si.

Mose II, 22:20

“Nɔ tsuaa nɔ nɛ maa sã bɔ kɛ ha mawu kpa ko, se pi imi Yawɛ ɔ, a kpata e hɛ mi.

Mose II, 32:6

E nɔ jena makɛ mla a, ma a te si nɛ a sã sami bɔhi, nɛ a kɛ tue mi jɔmi bɔhi hu ba. Ma a pue si, nɛ a ye ní, nɛ a nu ní; nɛ lɔ ɔ se ɔ, a fiɛ yo kɛ nyumu yakayaka fiɛmihi.

Yeremia 40:11

Israel bi tsuo nɛ ngɛ Moab, Amon, Edom kɛ zugba kpa amɛ a nɔ ɔ ba nu kaa Babilonia matsɛ ɔ si Israel bi komɛ ngɛ Yuda, nɛ e ngɔ Shafan bi Ahikam bi Gedalia ngɔ to a nya kaa amlaalo.

Mika 6:5

Ye ma, nyɛ kai nɔ́ nɛ Moab matsɛ, Balak to nɛ e maa pee nyɛ, kɛ heto nɛ Beor binyumu Balaam ha lɛ. Nyɛ kai níhi nɛ ba ngɛ blɔ nɔ kɛ je nyɛ si tomi he ɔ ngɛ Shitim kɛ ya Gilgal ɔ. Nyɛ kai ní nɛ ɔmɛ, konɛ nyɛɛ na bɔ nɛ i pee kɛ he nyɛ yi wami.” Yawɛ lɛ de.