Mose IV, 25:18 - BAIBLO ALOO NGMAMI KLƆUKLƆU Ɔ

¹⁸ ejakaa a gu sisimi blɔ nɔ nɛ a kɛ nyɛ wo haomi mi. A ha nɛ nyɛ ya ja Baal nɛ ngɛ Peor ɔ, nɛ nyɛ kɛ tɔtɔ nyɛ nane. Midian wɛtsoyi ɔ biyo Kozbi, nɔ nɛ a gbe benɛ gbenɔ hiɔ ɔ ngɛ ní tsue ɔ, e sane ɔ yeɔ nɔ́ nɛ ɔ he odase.”

Mose IV, 25:18 ပူးပေါင်းရင်းမြစ်များ

Kpojemi 2:14

Se kɛ̃ ɔ, i kɛ mo ngɛ sane bɔɔ ko. Ni komɛ ngɛ nyɛ kpɛti nɛ ya wo Balaam tsɔɔmi ɔ. Balam lɛ tsɔɔ Balak kaa e tsɔ Israel bi ɔmɛ klama nɛ a ye wɔ nya lo, nɛ a fiɛ yo kɛ nyumu yakayaka fiɛmi.

2 Petro 2:18

Akɛnɛ nya puu munyu nguahi jeɔ a nya he je ɔ, a guu he lo akɔnɔ níhi a nɔ nɛ a kɛ ya sisiɔ nihi nɛ je si himi yaya nɛ dɛ blɔ mi kɛ́ we.

2 Korintobi 11:3

I ngɛ gbeye yee kaa nɔ́ nɛ ba Hawa nɔ be ko ɔ maa ba nyɛ hu nyɛ nɔ. Sinɔ ya sisi Hawa, nɛ Hawa pee yayami. Jã kɛ̃ lɛ a ma puɛ nyɛ tue, nɛ nyɛ be Kristo anɔkuale yee kɛ pi si hu.

Mose II, 32:35

Lɔ ɔ he ɔ, Yawɛ kɛ gbenɔ hiɔ gbla ma a tue; ejakaa a nyɛ Aaron nɔ nɛ e pee sika tsu na bi ha mɛ.

Mose II, 32:21

Mose bi Aaron ke, “Mɛni ma nɛ ɔ pee mo loko o ha nɛ a pee yayami agbo kaa kikɛ nɛ ɔ?”

Mose I, 26:10

Abimelek ya nɔ bi lɛ ke, “Mɛni o pee wɔ nɛ ɔ? Kaa ye ma mi bi ɔmɛ a ti nɔ ko kɛ o yo ɔ ya na bɔmi jinɛ tse o kɛ musu ba wa nɔ?”

Mose I, 3:13

Yawɛ Mawu bi yo ɔ ke, “Mɛni ha nɛ o pee nɔ́ nɛ ɔ?” Yo ɔ he nɔ ke, “Sinɔ ɔ lɛ mlɔɔ mi; enɛ ɔ he je nɛ i ye ɔ nɛ.”

Mose IV, 25:15

Moab yo ɔ nɛ a gbe ɔ, lɛ hu e biɛ ji Kozbi. E tsɛ Zur ɔ, lɛ hu Midian bi a wɛtso kake nyatsɛ ji lɛ.

Mose IV, 25:17

“Jehanɛ, nyɛɛ ya nɛ nyɛ ya tua Midian bi ɔmɛ, nɛ nyɛ kpata a hɛ mi,

Mose IV, 26:1

Gbenɔ hiɔ ɔ se ɔ, Yawɛ de Mose kɛ osɔfo Aaron bi Eleazar ke,

Matsɛmɛ I, 11:18

A je Midian kɛ ho Paran ya; nɛ benɛ a ya su lejɛ ɔ, nyumuhi kpa komɛ ba piɛ a he. Nɛ́ a je lejɛ ɔ, a pue nɔ kɛ ho Egipt ya, nɛ a ya na Egipt matsɛ ɔ. Farao ɔ ha Hadad zugba, kɛ we, kɛ niye ní.