Mose IV, 25:13 - BAIBLO ALOO NGMAMI KLƆUKLƆU Ɔ

¹³ E maa pee lɛ, kɛ e nina tsuo a nɔ́, nɛ a maa da nɔ kɛ ye osɔfo kɛ maa ya neneene. Ejakaa e kplɛɛ we nɛ nihi kɛ mi nɛ plee nɔ́ he, nɛ nɔ́ nɛ ɔ ha nɛ a kɛ Israel ma a he yayami pa mɛ.”

Mose IV, 25:13 ပူးပေါင်းရင်းမြစ်များ

Hebribi 2:17

Enɛ ɔ tsɔɔ kaa blɔ tsuaa blɔ nɔ ɔ, e hia kaa Yesu nɛ pee kaa e nyɛmimɛ ɔmɛ. Kɛkɛ ɔ, e maa pee osɔfo nɔkɔtɔma pe kulaa anɔkualetsɛ, kɛ mɔbɔ nalɔ nɛ ngɛ Mawu sɔmɔe, nɛ e kɛ e he nɛ sã kpatami bɔ, konɛ Mawu nɛ ngɔ a he yayamihi kɛ pa mɛ.

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

Yeremia 33:22

Ma ha nɛ ye tsɔlɔ David nina, kɛ osɔfohi nɛ je Levi wɛtso ɔ mi ɔ a he maa hiɛ babauu kaa hiɔwe dodoehi, loo wo nya zia; nɔ ko nɔ ko be nyɛe maa kane mɛ.”

Yeremia 33:18

Jehanɛ hu, a ma na osɔfohi kɛ maa je Levi wɛtso ɔ mi, nɛ osɔfo nɛ ɔmɛ maa sã sami bɔ, kɛ niye ní bɔ, kɛ bɔ kpahi ha mi daa be tsuaa be.”

La 106:31

Kɛ je jamɛ a be ɔ, a kaiɔ nɔ́ kpakpa nɛ e pee nɛ ɔ; nɛ a maa ya nɔ ma kai daa.

Mose II, 40:15

Moo pɔ mɛ hu nu kaa bɔ nɛ o pɔ a tsɛ ɔ nu ɔ, konɛ mɛ hu a sɔmɔ mi kaa osɔfohi. Kikɛmɛ a nu pɔmi nɛ ɔ maa pee mɛ kɛ a nina tsuo osɔfohi kɛ maa ya neneene.”

Kpojemi 1:6

e to matsɛ yemi sisi ha wɔ, nɛ e pee wɔ osɔfohi, konɛ wa sɔmɔ e Tsɛ Mawu ɔ, nyɛ ha waa wo e hɛ mi nyami, nɛ e ye matsɛ kɛ ya neneene kɛ neneene. Amen.

1 Yohane 2:2

Nɛ Kristo ɔ ji nɔ nɛ a kɛ pee kpatami kɛ je wa he yayami ɔmɛ; pi wɔ kɛkɛ, se je ɔ tsuo he yayami.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

Hebribi 7:11

Kaa Levi, nɛ e yi nɔ a wo mlaa a, e nina nɛ yeɔ osɔfo ɔ tsu ní bɔ nɛ sa a, jinɛ e he be hiae kaa osɔfo kpa ko kaa Melkizedek nɛ pi Aaron nina ji lɛ kulaa a nɛ ba.

Yohane 2:17

E kaseli ɔmɛ kai kaa a ngma ke, “Ye hɛ dɔ wawɛɛ ngɛ o we ɔ he.”

Yesaya 61:6

Se nyɛ ye ma a, a ma tsɛ nyɛ ke Yawɛ osɔfohi, a ma tsɛ nyɛ Mawu sɔmɔli hulɔ. Je ma amɛ a ní ɔ, nyɛ nyɛ maa ye, nɛ nyɛ bua maa jɔ kaa lɛ tsuo ba pee nyɛ nɔ́.

La 69:9

Ejakaa ye hɛ dɔ wawɛɛ ngɛ o we ɔ he; nɛ ahlua nɛ ni ɔmɛ ngɛ mo bɔe ɔ ba pue ye nɔ.

Matsɛmɛ I, 19:14

E he nɔ ke, “Yawɛ Mawu Ope, i sɔmɔɔ mo daa be tsuaa be kɛ hɛdɔ. Se Israel ma a lɛɛ somi nɛ o kɛ mɛ so ɔ, a yi nɔ; a hule o bɔ sami la tɛ ɔmɛ pue si, nɛ a gbe o gbali ɔmɛ tsuo pɛpɛɛpɛ. Imi nɔ kake too pɛ nɛ i piɛ, nɛ a ngɛ mi hlae nɛ a gbe.”

Matsɛmɛ I, 19:10

E he nɔ ke, “Yawɛ Tabohiatsɛ Mawu, i sɔmɔɔ mo daa be tsuaa bekɛ hɛdɔ. Se Israel ma a lɛɛ somi nɛ o kɛ mɛ so ɔ, a yi nɔ; a hule o bɔ sami la tɛ ɔmɛ pue si, nɛ a gbe o gbali ɔmɛ tsuo pɛpɛɛpɛ. Imi nɔ kake too pɛ nɛ i piɛ, nɛ a ngɛ mi hlae nɛ a gbe!”

Samuel II, 21:3

David bi Gibeon bi ɔmɛ ke, “Mɛni ma pee ha nyɛ? Mɛni ma ngɔ kɛ kpata nyɛ konɛ nyɛɛ gbaa Yawɛ ma a?”

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.

Yoshua 7:12

Enɛ ɔ he je nɛ Israel bi ɔmɛ nyɛ we a he nyɛli ɔmɛ nɛ; a ngɛ fo tue ngɛ a nya, ejakaa mɛ nitsɛmɛ hu a plɛ pee níhi nɛ sa nɛ a kpata a hɛ mi! I kɛ nyɛ be si hie hu; ja nyɛ kpata níhi nɛ i wo nyɛ mlaa ke nyɛ ko ta he ɔ a hɛ mi!

Mose IV, 16:46

nɛ Mose de Aaron ke, “Ngɔɔ ngɛyu ɔ, nɛ o je la ngɛ bɔ sami la tɛ ɔ nɔ kɛ wo mi. Ngɔɔ tsopa kɛ e he via kɛ pue nɔ, nɛ o hɛɛ kɛ ya ma a ngɔ esɔesɔ, nɛ o ya kpata Yawɛ ha mɛ. Yawɛ mi mi fu, nɛ gbenɔ hiɔ ɔ je sisi.”

Mose II, 32:30

E nɔ jena a, Mose de ma a ke, “Nyɛ pee yayami agbo. Se kɛ̃, ma kuɔ yo ɔ kɛ ya Yawɛ ngɔ, kaa alini e maa nu ye gbi, nɛ e maa ngɔ nyɛ he yayami ɔ ngɔ pa nyɛ lo.”

La 119:139

Ye mi mi ngɛ mi sããe kaa la, ejakaa ye he nyɛli ɔmɛ bui o mlaa amɛ.

Matsɛmɛ I, 2:27

Kɛkɛ nɛ Salomo kpa Abiatar osɔfo yemi, nɛ e yi osɔfo ha Yawɛ hu; nɛ nɔ́ nɛ Yawɛ de ngɛ Shilo ngɛ osɔfo Eli, kɛ e nina a he ɔ ba mi.

Mose II, 29:9

Fi mlɛ mi fimi níhi kɛ wo a mlɛ mi, nɛ o bu mɛ pɛɛ. Bɔ nɛ o maa wo Aaron kɛ e binyumu ɔmɛ osɔfo ji nɛ ɔ nɛ. Kɛkɛ ɔ, osɔfo ní tsumi ɔ maa pee a nɔ́; nɛ enɛ ɔ maa pee mlaa nɛ fɔɔ si kɛ yaa neneene.

Mose IV, 16:47

Kaa bɔ nɛ Mose de lɛ ɔ, Aaron ngɔ e ngɛyu ɔ, nɛ e tu fo kɛ ya sɛ ma a kpɛti benɛ a bua a he nya. Benɛ e na kaa gbenɔ hiɔ ɔ bɔni ní puɛmi momo ngɛ ni ɔmɛ a kpɛti ɔ, e kɛ tsopa kɛ e he via a pue la a nɔ, nɛ e pee kusumi kɛ kpata Yawɛ ha ma a.

Mose IV, 25:14

Israel no ɔ nɛ a gbe e kɛ Midian yo ɔ, lɛ ji Salu binyumu Zimri. Wɛtsoyi ji lɛ ngɛ Simeon bi ɔmɛ a wɛtso ɔ mi.

Nehemia 13:29

Ye Mawu, mo kai bɔ nɛ jamɛ a ni ɔmɛ ble osɔfo yemi, kɛ somi nɛ o kɛ osɔfo ɔmɛ, kɛ Levi bi ɔmɛ so ɔ hulɔ.

Malaki 2:8

“Se, nyɛ osɔfohi! Amlɔ nɛ ɔ, nyɛ gba kɛ je blɔ nɛ da a nɔ. Nyɛ ní tsɔɔmi ɔ ha nɛ nihi fuu a nane kpata. Somi ɔ nɛ i kɛ nyɛ so ɔ, nyɛ yi nɔ.

Mose III, 15:15

Osɔfo ɔ maa ngɔ kake kɛ sã yayami pami bɔ, nɛ e maa ngɔ kake hu kɛ sã sami bɔ kɛ kpata Yawɛ ha lɛ ngɛ nyu yaya nɛ be ngɛ e he ɔ he.

Mose IV, 17:12

Kɛkɛ nɛ Israel bi ɔmɛ de Mose ke, “Wa yi ta! Wa gbe nya! Wɔ tsuo pɛpɛɛpɛ wa yi ta!