Mose IV, 24:9 - BAIBLO ALOO NGMAMI KLƆUKLƆU Ɔ

⁹ E bua e he nya, nɛ e buu si kaa jata ku; Ee e buu si kaa jata yo. Mɛnɔ ma nyɛ maa tsɛɛ lɛ? Nɔ tsuaa nɔ nɛ gbaa mo ɔ, a maa gbaa lɛ; Nɔ tsuaa nɔ nɛ gbiɛɛ mo ɔ, a maa gbiɛ lɛ.”

Mose IV, 24:9 ပူးပေါင်းရင်းမြစ်များ

Mose I, 12:3

Nihi nɛ gbaa mo ɔ, ma gbaa mɛ. Se ni nɛmɛ nɛ gbiɛɛ mo ɔ, imi hu ma gbiɛ mɛ. O nɔ ma gu kɛ gbaa je ma amɛ tsuo.”

Mose I, 27:29

Je ma amɛ ma sɔmɔ mo, nɛ nimli adesahi ma kpla si ha mo. O maa ye o nyɛmimɛ ɔmɛ a nɔ, nɛ o nyɛbimɛ ɔmɛ ma kpla si ha mo. Nihi nɛ gbiɛɛ mo ɔ, a maa gbiɛ mɛ; ni nɛmɛ nɛ gbaa mo ɔ, a maa gbaa mɛ.”

Mose I, 49:9

Yuda ngɛ kaa jata nɛ ya ye de lo nɛ e kpale ba ba buu si, ngɛ e he jɔɔe; mɛnɔ ma nyɛ maa tsɛ̃ɛ̃ lɛ?

Kronika II, 9:18

Matsɛ sɛ ɔ ngɛ kpoku ekpa nɛ a kuɔɔ kɛ yaa he. A kpɛ nɔ́ nɛ a kɛ nane maa nɔ kɛ wo kpoku ɔmɛ a he, nɛ a kɛ sika tsu ha he. A pee kɔni enyɔ ngɔ wo matsɛ sɛ ɔ he hiɛ kɛ hiɛ, nɛ jata enyɔ daa si ngɛ a he; jata kake ngɛ hiɛ, nɛ jata kake hu ngɛ hiɛ.

Ester 6:13

E de e yo, Zeresh, kɛ e huɛmɛ ɔmɛ tsuo níhi nɛ ba e nɔ ɔ. Kɛkɛ nɛ e yo ɔ, kɛ e huɛmɛ ní leli ɔmɛ de Haman ke, “Mordekai bɔni o he wami kpɔmi. Yuda no ji lɛ, lɔ ɔ he ɔ, o be lɛ nyɛe. Bɔ tsuaa bɔ nɛ pee ɔ, e maa ye o nɔ.”

Hiob 41:10

Katsɛ ko katsɛ ko be nɛ ma nyɛ maa wo e hɛ mi la. Ke ja a, lɛɛ mɛnɔ lɛ ma nyɛ maa da imi ye hɛ mi?

La 122:6

Nyɛɛ fa kue nɛ tue mi jɔmi nɛ ba Yerusalem. Nyɛ de ke, “Nihi nɛ suɔ mo Yerusalem ɔ, níhi a mi nɛ hi ha mɛ oo!

La 2:12

Nyɛ he nɛ do blibliibli, nɛ nyɛ kpla si ngɛ e hɛ mi. Ke pi jã a, e mi mi ma fu nyɛ si kake too, nɛ nyɛ hɛ mi ma kpata. Nihi tsuo nɛ ba saa we ngɛ Yawɛ ngɔ ɔ ma na bua jɔmi.

Mose II, 23:22

Se ke o bu lɛ tue kɛ pi si, nɛ o pee nɔ́ tsuaa nɔ́ nɛ i fa mo ke o pee ɔ, lɛɛ i kɛ o he nyɛli ɔmɛ, kɛ o futsɛmɛ ɔmɛ tsuo maa to ní.

Yesaya 31:4

Yawɛ de mi ke, “Bɔ nɛ to hyɛli kɛ a ngmlaa babauu nyɛ we nɛ a fieɔ jata kɛ jee e de lo he ɔ, ja pɛpɛɛpɛ nɛ nɔ́ ko nɔ́ ko be nyɛe maa tsi imi, Yawɛ Tabohiatsɛ ɔ ye nya kaa ma bu Zion yo ɔ he.

Mika 5:8

Israel bi nɛ maa piɛ ngɛ je ma amɛ a kpɛti ɔ, a he ma ba wa kaa jata ngɛ pu mi lohwehi, loo we mi lohwehi a kpɛti. Ke e sɛ a kpɛti kikɛ nɛ ɔ, e maa naa a nɔ, nɛ e ma tsɔtslɔɔ a mi nɛ nɔ ko be nyɛe ma kpɔ mɛ.

Mose IV, 22:12

Mawu de Balaam ke, “O kɛ mɛ ko ya, nɛ koo gbiɛ Israel ma a hulɔ; ejakaa a gbaa mɛ.”

Mose IV, 22:6

Lɔ ɔ he ɔ, i kpa mo pɛɛ, ba nɛ o ba gbiɛ ma nɛ ɔ ha wɔ kaa, alini wa maa ye a nɔ, nɛ wa maa fie mɛ kɛ je zugba a nɔ lo; ejakaa a hiɛ pe wɔ. I le kaa ke o gbaa nɔ ko ɔ, kɛkɛ a gbaa lɛ; nɛ ke o gbiɛ nɔ ko ɔ, kɛkɛ a gbiɛ lɛ.”

Mose IV, 23:24

Israel ma a ngɛ kaa jata katsɛ; e bu we si, nɛ e jɔɔ we e he, ja e ye de lo ɔ tsuatsuaatsua, nɛ e nu lohwe nɛ e gbe ɔ muɔ lolo.”

Mose IV, 24:10

Kɛkɛ nɛ Balak mi mi fu Balaam wawɛɛ, nɛ e gba e dɛ mi ma, nɛ e de Balaam ke, “I kpee mo kɛ ba nɛ o ba gbiɛ ye he nyɛli ha mi; se si etɛ sɔuu ji nɛ ɔ nɛ o ngɛ mɛ gbaae mohu.

Mateo 25:40

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee ngɔ ha ye nyɛmimɛ nɛ ɔmɛ a ti nɔ nyafii pe kulaa a, imi nyɛ pee ngɔ ha a nɛ!’

Mateo 25:45

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee we ngɔ ha ye nyɛmimɛ nɛ ɔmɛ a ti nɔ nyafii pee kulaa a, nyɛ pee we ngɔ ha we imi hulɔ.’

Ni Tsumi 9:5

Saulo bi ke, “Nyɔmtsɛ, mo mɛnɔ?” Gbi ɔ de lɛ ke “Imi ji Yesu, nɔ nɛ o ngɛ lɛ yi mi wae ɔ nɛ!

Mose V, 30:7

Yawɛ, nyɛ Mawu ɔ ma ha gbiɛmi nɛ ɔmɛ tsuo maa ba nyɛ he nyɛli nɛ sume nyɛ, nɛ a waa nyɛ yi mi ɔ a nɔ.