Mose IV, 24:8 - BAIBLO ALOO NGMAMI KLƆUKLƆU Ɔ

⁸ Benɛ Mawu je lɛ kɛ je Egipt kɛ ma a, e he wami ngɛ kaa pu mi na ku he wami. Ma je li ɔmɛ nɛ ji e he nyɛli ɔmɛ ɔ, e maa ye mɛ tsuatsuaatsua; e maa ywia a wu ɔmɛ mɔnyɔmɔnyɔ, nɛ e kɛ e kɛ̃ɛ̃ mi bi ɔmɛ maa gbɔ a mi mi kɛ ya pa si.

Mose IV, 24:8 ပူးပေါင်းရင်းမြစ်များ

La 45:5

O kɛ̃ɛ̃ mi bi ɔmɛ a nya ba; a guu o he nyɛli ɔmɛ a tsui mi kɛ yeɔ je ma amɛ a nɔ kunimi.

Yeremia 50:17

Bɔ nɛ Yawɛ de ji nɛ ɔ nɛ: “Israel bi ngɛ kaa tohi nɛ jatahi fie mɛ, nɛ a gbɛ mɛ ngɔ fĩa. Kekleekle ɔ, Asiria matsɛ ba tua mɛ, nɛ e ye mɛ; lɔ ɔ se ɔ, Babilonia matsɛ, Nebukadnezar ba kpe a wuhi.

La 2:9

O kɛ dade tso maa gbla a tue. O maa ywia mɛ wɔtsɔwɔtsɔ kaa a ywiaa buɛ?’ ”

Mose IV, 23:24

Israel ma a ngɛ kaa jata katsɛ; e bu we si, nɛ e jɔɔ we e he, ja e ye de lo ɔ tsuatsuaatsua, nɛ e nu lohwe nɛ e gbe ɔ muɔ lolo.”

Mose IV, 23:22

Mawu ji nɔ nɛ je mɛ kɛ je Egipt. Israel he wami ngɛ kaa na ku he wami.

Mose IV, 14:9

Se, nyɛ ko tsɔ Yawɛ hɛ mi atuã. Nimli nɛ ngɛ zugba a nɔ hu, nyɛ ko ye mɛ gbeye; wa maa ye a nɔ kunimi hɛngmɛfia. A he wami nya ba si, se wɔɔ lɛɛ Yawɛ kɛ wɔ ngɛ. Lɔ ɔ he ɔ, nyɛ ko ye mɛ gbeye.”

Yeremia 50:9

Ma ya sú je mahi babauu nɛ a he wa kɛ je omleyi je kɛ wo Babilonia he. A ma gba ta kɛ wo zugba a, nɛ a maa ngɔ lɛ. Ta buli kpanakpanaahi ji mɛ. A dɛ nya da, nɛ ke a tsɛ̃ kɛ̃ɛ̃ ɔ, e bi nɔ́ he kɔkɔɔkɔ.

Yesaya 38:13

Nyɔ mi tsuo i ngɛ kɛmɛe kaa nɔ́ nɛ jata lɛ ngɛ ye mi wuhi kue. I susu kaa Mawu ha ye wami nyagbe ma amlɔ nɔuu.

Daniel 6:24

Jehanɛ lɛɛ matsɛ ɔ ha a ya nuu ni ɔmɛ nɛ ba po Daniel nya a kɛ ba. A sake mɛ kɛ wo jatahi a muɔ ɔ mi; mɛ kɛ a yihi, kɛ a bimɛ tsuo. Be nɛ a na we nɛ a su muɔ ɔ sisi tete ɔ, jata amɛ yu a nɔ, nɛ a ku a wuhi tsuo dukuduku.

La 21:12

E ma ka mɛ kɛ̃ɛ̃ ɔ kaa nɔ́ nɛ e ma tsɛ̃ mɛ, nɛ a maa kpale a se kɛ fo.

Mose V, 32:42

Muɔ ma tsle ngɛ ye kɛ̃ɛ̃ mi bi ɔmɛ a he kɛ pue si; nɛ ye klaate ɔ maa gbe nihi nɛ teɔ si woɔ mi ɔ. Nihi nɛ kɛ mi na ta a, a ti nɔ ko nɔ ko be e he yee; nihi nɛ plaa, kɛ nihi nɛ a nuu ngɛ ta mi po, ma gbe mɛ!’

Mose V, 32:23

“ ‘Ma ha haomihi maa ba a nɔ nɔtonɔto; ma tsɛ̃ mɛ ye kɛ̃ɛ̃ ɔmɛ tsuo.

Mose V, 7:1

“Yawɛ, nyɛ Mawu ɔ maa ngɔ nyɛ kɛ ya su zugba a nɛ nyɛ yaa ngɔ ɔ nɔ, nɛ e maa fie je mahi babauu kɛ je zugba a nɔ ha nyɛ. Je ma kpaago nɛ a he hiɛ, nɛ a he wa kulaa pe nyɛ Yawɛ maa fie ngɛ nyɛ blɔ ɔ nɔ: Hit bi, Girgash bi, Amor bi, Kanaan bi, Periz bi, Hiv bi, kɛ Yebus bi.

Mose IV, 21:5

nɛ a tu munyu kɛ si Mawu kɛ Mose ke, “Mɛni he je nɛ nyɛ kpaka wɔ kɛ je Egipt nɛ wa ba gbo ngɛ nga nɛ ɔ nɔ, he nɛ niye ní, loo nyu ko be ɔ? Kikɛmɛ a niye ní gbogboe nɛ ɔ lɛɛ wa sume oo, wa sume!”

Mateo 2:15

ya hi lejɛ ɔ kɛ ya su be nɛ Herode gbo. A pee nɔ́ nɛ ɔ, konɛ nɔ́ nɛ Nyɔmtsɛ ɔ de kɛ gu gbalɔ ɔ nɔ ɔ nɛ ba mi ke, “Egipt nɛ i tsɛ ye bi ɔ kɛ je.”

Yoshua 2:10

Wa nu bɔ nɛ Yawɛ ha Wo Tsu ɔ mii ngɛ nyɛ hɛ mi be nɛ nyɛ je Egipt ɔ. Jehanɛ hu wa nu nɔ́ nɛ nyɛ pee Amor bi ɔmɛ a matsɛmɛ ɔmɛ ngɛ Yordan ɔ se ɔ. Wa nu bɔ nɛ nyɛ kpata Sihon kɛ Og a hɛ mi pɛsɛpɛsɛ ha.

Mose II, 23:22

Se ke o bu lɛ tue kɛ pi si, nɛ o pee nɔ́ tsuaa nɔ́ nɛ i fa mo ke o pee ɔ, lɛɛ i kɛ o he nyɛli ɔmɛ, kɛ o futsɛmɛ ɔmɛ tsuo maa to ní.

La 45:6

Matsɛ sɛ klɔuklɔu ɔ maa hi si kɛ maa ya neneene. O matsɛ tso ɔ ji dami sane yemi he okadi.