Mose IV, 24:4 - BAIBLO ALOO NGMAMI KLƆUKLƆU Ɔ

⁴ Nɔ nɛ nuɔ Mawu gbi, Nɔ nɛ Mawu Ope ɔ jeɔ ninahi kɛ tsɔɔ lɛ, Nɔ nɛ ke e hɛli po ɔ, e hɛngmɛhi fɔɔ si paa.

Mose IV, 24:4 ပူးပေါင်းရင်းမြစ်များ

Mose I, 15:1

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

Mose I, 15:12

Benɛ pu maa ho si nɔmi ya a, mahe vii ko ba nɔ Abram nɔ, nɛ gbeye kɛ sawale nu lɛ.

Matsɛmɛ I, 22:17

Mikaya he nɔ ke, “I na Israel tabo ɔ tsuo nɛ a gbɛ fĩa ngɛ yoku ɔmɛ a nɔ kaa tohi nɛ be hyɛlɔ. Nɛ Yawɛ de ke, ‘Nimli nɛ ɔmɛ be tsɛ; ha nɛ a kpale kɛ ho a wehi a mi ya ngɛ tue mi jɔmi mi.’ ”

La 89:19

Be ko ɔ, o kɛ o tsɔli klɔuklɔu ɔmɛ tu munyu ngɛ nina mi, nɛ o de mɛ ke, “I fi katsɛ ko jlasi. I ngɔ matsɛ sɛ ɔ kɛ ha nɔ ko nɛ i hla kɛ je ma mi bi ɔmɛ a kpɛti.

Ezekiel 1:28

Alale su slɔɔtohi nɛ je kpo ngɛ mi ɔ ngɛ fɛu kaa nɔ́ ko. Bɔ nɛ Yawɛ hɛ mi nyami ɔ kpɛmi nɛ a be nyɛe maa kale ɔ je e he kpo ji nɛ ɔ nɛ. Benɛ i na nɔ́ nɛ ɔ, i tsɔ fia si, nɛ i ngɔ ye hɛ mi ngɔ bu zugba. Kɛkɛ nɛ i nu gbi ko nɛ ngɛ mi dee ke,

Mose IV, 12:6

Yawɛ de mɛ ke, “Jehanɛ, nyɛɛ bu mi tue! Ke gbalɔ ko ngɛ nyɛ kpɛti ɔ, ní nami mi nɛ imi Yawɛ, i jeɔ ye he si kɛ tsɔɔ lɛ ngɛ. Nlami mi nɛ i kɛ lɛ tuɔ munyu ngɛ.

Mose IV, 22:20

Jamɛ a nyɔ ɔ mi ɔ, Mawu ba Balaam ngɔ, nɛ e ba de lɛ ke, “Ke nimli nɛ ɔmɛ ba nɛ́ a ba kpee mo kɛ ho ɔ, tee si nɛ o kɛ mɛ nɛ ya. Se mohu, nɔ́ nɛ ma de mo ɔ, lɔ ɔ o pee.”

Mose IV, 22:31

Jehanɛ ɔ, Yawɛ bli Balaam hɛngmɛ, nɛ e na Yawɛ bɔfo ɔ nɛ hɛɛ klaate kɛ daa si ngɛ blɔ ɔ mi. Kɛkɛ nɛ Balaam ma e yi si, nɛ e kɛ e hɛ mi bu si.

Mose IV, 24:15

Kɛkɛ nɛ gba gbi nɛ ɔ ba e nya, nɛ e de ke, “Beor binyumu Balaam sɛ gbi ji nɛ ɔ nɛ. Nyumu ɔ nɛ hyɛɛ nɔ́ saminya a sɛ gbi ji nɛ ɔ nɛ.

Mose IV, 24:5

Yakob lee, o bo tsu ɔmɛ ngɛ fɛu; Israel lee, o sito he ɔmɛ ngɛ fɛu.

Ni Tsumi 10:10

Hwɔ bɔni lɛ yemi, nɛ e hla kaa e na nɔ́ ko nɛ e ye. Se benɛ a ngɛ niye ní ɔ pee ɔ, nɔ́ nɔ e nɔ.

Ni Tsumi 10:19

Se benɛ Petro ngɛ nɔ́ nɛ a je tsɔɔ lɛ ɔ he susue kɛ mwɔɔ ɔ, Mumi ɔ de lɛ ke, “Hyɛ, nyumuhi ni etɛ ngɛ mo hlae.

Ni Tsumi 22:17

“I kpale ye se kɛ ba Yerusalem ekohu; nɛ benɛ i ya ngɛ sɔlee ngɛ sɔlemi we, nɔ́ nɔ ye nɔ.

Kpojemi 1:10

Nyɔmtsɛ ɔ ligbi ɔ, mumi ɔ ba ye nɔ, nɛ i nu gbi ko nɛ ngɛ pɛe wawɛɛ kaa titimati ngɛ ye se.

Kpojemi 1:17

Benɛ i na lɛ ɔ, i nɔ si ngɛ e nane nya kaa nɔ gbogboe. Se e ngɔ e hiɔ nine ngɔ fɔ ye nɔ, nɛ e de mi ke, “Koo ye gbeye! Imi ji kekleekle no kɛ nyagbe no.

Samuel I, 19:24

E jé e he tade ɔmɛ, nɛ e do nɛ e kpa huhui ngɛ Samuel hɛ mi, nɛ e hɛɛ e he gu jamɛ a ligbi ɔ piani kɛ nyɔ mi tsuo. Nɛ nɔ́ nɛ ɔ ba pee nɔ́ ko nɛ a kɛ tuɔ munyu “Anɛ Saul hu ba plɛ pee gbalɔ lo?”