Mose IV, 24:13 - BAIBLO ALOO NGMAMI KLƆUKLƆU Ɔ

¹³ Ke Balak ngɔ sika hiɔ, loo sika tsu tsuo nɛ ngɛ e we ɔ mi kɛ ha mi po ɔ, i be nyɛe nɛ ma to ye yi mi nɛ ma pee nɔ́ ko nɛ kɛ fami nɛ Yawɛ fa mi ɔ yɛ, kpakpa jio, yayami jio, kaa ja nɔ́ nɛ Yawɛ ke ma de ɔ, lɔ ɔ pɛ ma de ɔ lo?”

Mose IV, 24:13 ပူးပေါင်းရင်းမြစ်များ

Mose IV, 22:20

Jamɛ a nyɔ ɔ mi ɔ, Mawu ba Balaam ngɔ, nɛ e ba de lɛ ke, “Ke nimli nɛ ɔmɛ ba nɛ́ a ba kpee mo kɛ ho ɔ, tee si nɛ o kɛ mɛ nɛ ya. Se mohu, nɔ́ nɛ ma de mo ɔ, lɔ ɔ o pee.”

Mose IV, 22:18

Se Balaam he nɔ nɛ e de Balak tsɔli ɔmɛ ke, “Ke Balak ha mi sika hiɔ, loo sika tsu tsuo nɛ ngɛ e we ɔ mi po, i be nyɛe nɛ ma pee nɔ́ ko agbo, loo nyafii kɛ si nɔ́ nɛ Yawɛ, ye Mawu ɔ de mi ɔ.

Mose IV, 16:28

Mose de ke, “Nɔ́ nɛ nyɛɛ kɛ maa le kaa Yawɛ nitsɛ lɛ tsɔ mi ke ma ba tsu ní nɛ ɔmɛ, se pi imi nitsɛ ye yi mi tomi nya ji

Matsɛmɛ I, 13:8

Gbalɔ ɔ de matsɛ ɔ ke, “Ke o ha mi o we ɔ fa tete po, i kɛ mo be yae; i be nɔ́ ko yee, nɛ nyu tete po i be nue ngɛ hiɛ ɔ.

Matsɛmɛ I, 22:14

Se Mikaya he nɔ ke, “I na Yawɛ hɛ kalɔ ɔ kaa nɔ́ nɛ Yawɛ ma de mi ɔ, lɔ ɔ pɛ ma de ɔ nɛ!”

Mose IV, 22:8

Balaam de mɛ ke, “Nyɛɛ hwɔ hiɛ ɔ nyɔ nɛ ɔ mi, konɛ nɔ́ tsuaa nɔ́ nɛ Yawɛ ma de mi ɔ, ma ha nɛ nyɛɛ le.” Nɛ Moab ma nimeli ɔmɛ hwɔ Balaam ngɔ.