Mose IV, 23:9 - BAIBLO ALOO NGMAMI KLƆUKLƆU Ɔ

⁹ I da tɛ sa amɛ a nɔ kɛ hyɛ mɛ; i na mɛ kɛ je yoku ɔmɛ a yi mi. O nɛ, ma kake mi bi ji mɛ; a kɛ a he bɔɛ ma je li ɔmɛ a he!

Mose IV, 23:9 ပူးပေါင်းရင်းမြစ်များ

Ezra 9:2

Yuda nyumuhi kɛ a binyumuhi tsuo ya ngɔ zugba a nɔ yihi; nɛ Mawu ma klɔuklɔu ɔ kɛ nɔ́ nɛ ɔ ble a he. Ma tsɔli kɛ ma ní tsuli titli ji nihi nɛ yeɔ fɔ ngɛ kikɛmɛ a nɔ́ nɛ ɔ mi.”

Ester 3:8

Lɔ ɔ se ɔ, Haman ya de Matsɛ Ahasuerus ke, “Nɛnɛ, ma ko ngɛ nɛ e mi bi gbɛ fĩa ma amɛ tsuo a mi ngɛ o nɔ yemi he ɔmɛ tsuo. Mɛɛ lɛɛ e slo a kusumihi ngɛ je ma kpa amɛ tsuo a ní ɔmɛ a he. Jehanɛ hu, nɛnɛ, a yi o mlaa amɛ a nɔ, lɔ ɔ he ɔ, e he be se nami ko ha mo kaa o maa pee kɔ maa hi mɛ hyɛe kikɛ nɛ ɔ.

Mose II, 33:16

Ke o kɛ wɔ yɛ ɔ nɛɛ, kɛ a maa pee kɛ na kaa o ngɛ i kɛ o ma a wa he suɔmi kɛɛ? Ke o kɛ wɔ nyɛɛ ɔ, lɔ ɔ loko i kɛ o ma a maa je muno ngɛ zugba a nɔ je ma amɛ tsuo a he.”

Yeremia 46:28

Ye ma, nyɛ tsui ko po, ejakaa i kɛ nyɛ ngɛ. Je ma amɛ, hehi nɛ i fie nyɛ kɛ ho ɔ, ma kpata mɛ tsuo a hɛ mi; se nyɛɛ lɛɛ i be nyɛ hɛ mi kpatae. Se kɛ̃ ɔ, i be hae nɛ nyɛɛ ye nyɛ he kulaa; ma gbla nyɛ tue bɔ nɛ sa kɛkɛ. Imi, Yawɛ lɛ i de.”

Yeremia 49:31

‘Jamɛ a ma a nɛ e mi bi ngɛ he jɔmi, kɛ tue mi jɔmi mi ɔ, nyɛ ha nɛ wa ya tua mɛ! Ma a fɔɔ si gu, agbo be he ɔ, dade se lami nɔ́ hu be he.’

Amos 9:9

“Ma fa he nyɛli ɔmɛ, nɛ ma ha nɛ a ma hoso Israel bi ɔmɛ, nɛ a maa sa a mi ngɛ je ma amɛ a kpɛti kaa bɔ nɛ a kɛ sɔnguɛ saa blɛfo mi nɛ kake po nɔɛ si ngɛ zugba a.

Mika 7:14

Yawɛ, moo hyɛ o ma a nɛ o hla a nɔ kaa bɔ nɛ to hyɛlɔ tsɔɔ e tohi. E ngɛ mi kaa a gbɛ ngɔ fia nga a nɔ mohu, se zugba kpakpa nɛ baa ní bɔle mɛ. Ha nɛ a ya ye Bashan kɛ Gilead zugba kpakpa amɛ a nɔ ní kaa bɔ nɛ a pee blema a.

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

Mose V, 32:8

Nɔ nɛ ngɛ hiɔwe lokoo ɔ, nɔ nɛ dla zugba a ha je ma amɛ, nɛ e to ma tsuaa ma hi he ɔ, lɛ nɛ e ha je ma tsuaa je ma e mawu.

Mose V, 33:28

Lɔ ɔ he ɔ, Yakob nina maa hi si ngɛ tue mi jɔmi mi; a nine maa su zugba kpakpa nɔ, he nɛ bɔ́ nɛɔ ngɛ, nɛ́ blɛfo kɛ wai baa saminya ngɛ.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.