Mose IV, 23:27 - BAIBLO ALOO NGMAMI KLƆUKLƆU Ɔ

²⁷ Balak ya nɔ nɛ e de Balaam ke, “Ha nɛ wa pa ya he kpa, kaa alini jehanɛ lɛɛ Mawu maa kplɛɛ kaa o gbiɛ mɛ ha mi ngɛ lejɛ ɔ lo.”

Mose IV, 23:27 ပူးပေါင်းရင်းမြစ်များ

Hiob 23:13

Mawu ɔ, bɔ nɛ e ngɛ ɔ, jã kɛ̃ e ngɛ; e tsakee we. Nɔ́ nɛ e suɔ ɔ, lɔ ɔ e peeɔ. Mɛnɔ ma nyɛ ma tsake e yi mi tomi?

Abɛ Womi 19:21

Nɔmlɔ adesa peeɔ e juɛmi ngɛ níhi babauu a he, se Yawɛ yi mi tomi ɔ pɛ lɛ baa mi.

Abɛ Womi 21:30

Adesa nile, loo nɔ́ sisi numi, loo ga be nyɛe maa da Yawɛ hɛ mi.

Yesaya 14:27

Yawɛ Tabohiatsɛ ɔ pee e yi mi kaa e ma tsu nɔ́ nɛ ɔ; e wo e kɔni nɔ momo ke e maa gbla a tue, nɛ nɔ ko nɔ ko be nyɛe maa tsi e nya.

Malaki 3:6

“Imi ji Yawɛ ɔ nɛ; i tsakee we. Enɛ ɔ he je nɛ nyɛ, Yakob nina a, nyɛ hɛ mi kpataa we lolo ɔ nɛ.

Mose IV, 22:6

Lɔ ɔ he ɔ, i kpa mo pɛɛ, ba nɛ o ba gbiɛ ma nɛ ɔ ha wɔ kaa, alini wa maa ye a nɔ, nɛ wa maa fie mɛ kɛ je zugba a nɔ lo; ejakaa a hiɛ pe wɔ. I le kaa ke o gbaa nɔ ko ɔ, kɛkɛ a gbaa lɛ; nɛ ke o gbiɛ nɔ ko ɔ, kɛkɛ a gbiɛ lɛ.”

Mose IV, 23:13

Enɛ ɔ se ɔ, Balak de Balaam ke “Ha waa ya he kpa, he nɛ o maa na ma a fa ko kɛkɛ ngɛ, se pi mɛ tsuo, konɛ o gbiɛ mɛ ha mi ngɛ lejɛ ɔ.”

Mose IV, 23:26

Balaam he nɔ ke, “Anɛ i de we mo ke nɔ́ tsuaa nɔ́ nɛ Yawɛ de mi ke ma pee ɔ, lɔ ɔ pɛ ma pee lo?”

Mose IV, 23:28

Nɛ Balak ngɔ Balaam kɛ ho Peor yo ɔ nɔ ya, he nɛ ke o ngɛ nɛ o hyɛɛ nga a nɔ ɔ.

Romabi 11:29

Ejakaa ke Mawu tsɛ nɔ ko nɛ e gbaa lɛ ɔ, e tsakee we e yi mi hu.