Mose IV, 23:24 - BAIBLO ALOO NGMAMI KLƆUKLƆU Ɔ

²⁴ Israel ma a ngɛ kaa jata katsɛ; e bu we si, nɛ e jɔɔ we e he, ja e ye de lo ɔ tsuatsuaatsua, nɛ e nu lohwe nɛ e gbe ɔ muɔ lolo.”

Mose IV, 23:24 ပူးပေါင်းရင်းမြစ်များ

Mose I, 49:9

Yuda ngɛ kaa jata nɛ ya ye de lo nɛ e kpale ba ba buu si, ngɛ e he jɔɔe; mɛnɔ ma nyɛ maa tsɛ̃ɛ̃ lɛ?

Mose I, 49:27

“Benyamin ngɛ kaa ogbetee nɛ tsɔtslɔɔ e he nyɛli a mi. Mɔtu ɔ, e gbeɔ mɛ nɛ e yeɔ. Gbɔkuɛ ɔ, e dlaa ta yibu ní.”

Kpojemi 5:5

Kɛkɛ nɛ nikɔtɔma amɛ a ti nɔ kake de mi ke, “Ko fo ya. Hyɛ! Jata a nɛ je Yuda wɛtso ɔ mi, nɛ ji David nina a ye kunimi. Nɛ lɛ nɛ e ma nyɛ tsɔ womi nya sɔumi nɔ́ kpaago ɔmɛ, nɛ e ma nyɛ bli womi kpo ɔ nya.”

Zakaria 12:6

“Jamɛ a be ɔ, ma ha Yuda we puɔ nya amɛ maa pee kaa buɛ kɛ e he la gegeege nɛ a to lɛ́ ngɔ wo sisi, loo kaa blɛfo nɛ a kpɔ, nɛ a bua nya pue jatɛ kɛ e nya la nɔ. Je ma amɛ nɛ bɔle mɛ ɔ tsuo a hɛ mi ma kpata, se Yerusalem lɛɛ e maa ma e ma he ɔ nɔuu.

Mose IV, 24:17

I na lɛ, se e he kɛ; I ngɛ lɛ hyɛe, se e sui hiɛ ɔ lolo. Dodoe ko maa je Yakob mi kɛ ba; Matsɛ tso ko maa je Israel; E maa fia Moab ma nimeli ɔmɛ ní, nɛ e ma kpata Set bi ɔmɛ a hɛ mi.

Nahum 2:11

Jehanɛ, ma nɛ ngɛ kaa jatahi a hi he ɔ, jije e ngɛ? Ma nɛ a haa jata bihi ní ngɛ mi ɔ, jije e ngɛ? He nɛ jata ku, kɛ jata yo ngɔɔ a bihi kɛ yaa, konɛ nɔ́ ko kó sa a he ɔ, jije e ngɛ?

Amos 3:8

Ke jata ngɛ huãe ɔ, mɛnɔ lɛ e tsui pui? Ke Yawɛ ngɛ munyu tue ɔ, mɛnɔ ma kua ke e be e sɛ gbi ɔ fiɛe? Nɔ ko nɔ ko be!

Daniel 2:44

Matsɛmɛ nɛ ɔmɛ a yi nɔ ɔ, Mawu nɛ ngɛ hiɔwe ɔ maa to matsɛ yemi ko sisi, nɛ e se be poe gblegbleegble. Matsɛ yemi nɛ ɔ, nɔ ko nɔ ko be nyɛe maa ye e nɔ; e ma kpata matsɛ yemi kpa amɛ tsuo a hɛ mi, nɛ e maa hi si kɛ maa ya neneene.

Yesaya 31:4

Yawɛ de mi ke, “Bɔ nɛ to hyɛli kɛ a ngmlaa babauu nyɛ we nɛ a fieɔ jata kɛ jee e de lo he ɔ, ja pɛpɛɛpɛ nɛ nɔ́ ko nɔ́ ko be nyɛe maa tsi imi, Yawɛ Tabohiatsɛ ɔ ye nya kaa ma bu Zion yo ɔ he.

Abɛ Womi 30:30

Jata: e he wa pe lohwehi tsuo, nɛ e yi lohwe ko lohwe ko gbeye.

La 17:12

A ngɛ kaa jatahi nɛ ya wo mi ká; a ngɛ mlɛe nɛ a tsɔtslɔɔ mi.

Mose V, 33:20

Bɔ nɛ Mose gbaa Gad wɛtso ɔ ji nɛ ɔ nɛ: “Á je Mawu yi; lɛ nɛ bli Gad zugba a huzu mi. Gad woɔ ká kaa jata nɛ kplɔ lohwe ko kɔni, loo e tsɔ e yi ngɛ nya.

Mose IV, 23:25

Kɛkɛ nɛ Balak de Balaam ke, “Ke o be mɛ gbiɛe ɔ, lɛɛ koo gbaa mɛ mɔ.”

Nahum 2:12

Jata ku ɔ ya gbe de lo, nɛ e tsɔtslɔɔ mi kɛ ha jata yo ɔ, kɛ e bi ɔmɛ; lo ɔ hyi e hi he ɔ tɔ.

Kronika II, 9:18

Matsɛ sɛ ɔ ngɛ kpoku ekpa nɛ a kuɔɔ kɛ yaa he. A kpɛ nɔ́ nɛ a kɛ nane maa nɔ kɛ wo kpoku ɔmɛ a he, nɛ a kɛ sika tsu ha he. A pee kɔni enyɔ ngɔ wo matsɛ sɛ ɔ he hiɛ kɛ hiɛ, nɛ jata enyɔ daa si ngɛ a he; jata kake ngɛ hiɛ, nɛ jata kake hu ngɛ hiɛ.