Mose IV, 23:23 - BAIBLO ALOO NGMAMI KLƆUKLƆU Ɔ

²³ Kunya ko kunya ko be Yakob nyɛe, Israel ɔ, klaami he wami ko be lɛ nyɛe. Lɛɛ a ma de ngɛ Yakob, loo Israel he ke, ‘Nyɛɛ hyɛ nyakpɛ níhi nɛ Mawu tsu ha mɛ!’

Mose IV, 23:23 ပူးပေါင်းရင်းမြစ်များ

Yoshua 13:22

Nihi nɛ Israel bi ɔmɛ gbe ɔ, a ti nɔ kake ji klamɔ ɔ nɛ a tsɛɛ lɛ Balaam ɔ. Beor binyumu ji lɛ.

Mateo 12:27

Yoo, ke Beelzebul he wami lɛ i kɛ ngɛ mumi yayami ɔmɛ hiae ɔ, nyɛ se nyɛɛli ɔmɛ lɛɛ mɛnɔ he wami nya nɛ mɛɛ a ngɛ mɛ hiae ngɛ mɔ? Nɔ́ nɛ nyɛ nitsɛmɛ nyɛ se nyɛɛli ɔmɛ ngɛ pee ɔ tsɔɔ kaa nyɛ yeɔ fɔ!

La 64:9

Nɔ tsuaa nɔ maa ye gbeye. A maa sɛɛ nyakpɛ níhi nɛ Mawu tsu, nɛ a ma susu a he saminya.

Romabi 16:20

E be kɛe kulaa nɛ he jɔmi Mawu ɔ ma kpata Abosiami hɛ mi, nɛ wa maa ye e nɔ. Wa Nyɔmtsɛ Yesu Kristo dloomi ɔ kɛ nyɛ nɛ hi si.

Mose IV, 24:1

Benɛ Balaam na kaa Yawɛ suɔ kaa e gbaa Israel ma a, e yɛ nɛ e ya bi Yawɛ ní kaa bɔ nɛ e pee sa a. Mohu, e plɛ e hɛ mi kɛ kpee nga a nɔ blɔ,

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Mateo 16:18

Lɔ ɔ he ɔ, Petro, i ngɛ mo dee ke tɛ sa ji mo, nɛ kikɛmɛ a tɛ sa nɛ ɔ nɔ ma ma ye asafo ɔ ngɛ. Nɛ gbenɔ tete po be nyɛe maa ye e nɔ.

Mika 7:15

Yawɛ, moo pee nyakpɛ níhi ha wɔ, kaa bɔ nɛ o pee be ko benɛ o je wɔ kɛ je Egipt ɔ.

Ni Tsumi 4:16

Nyakpɛ nɔ́ nguaa nɛ Mawu tsu kɛ gu nimli nɛ ɔmɛ a nɔ ɔ, nihi tsuo ngɛ Yerusalem nu he; nɛ wa be nyɛe ma de ke e be mi.

Mateo 12:25

Yesu le nɔ́ nɛ a ngɛ susue ɔ, lɔ ɔ he ɔ, e de mɛ ke, “Matsɛ yemi tsuaa matsɛ yemi nɛ mi ma gba, nɛ a kɛ a he maa hi ta hwue ɔ, e se kɛ we. Jã kɛ̃, ma tsuaa ma, aloo we tsuaa we nɛ e mi ma gba, nɛ a kɛ a he maa hi ta hwue ɔ, e dɛ si.

Yesaya 41:4

Mɛnɔ ji nɔ nɛ pee enɛ ɔ? Mɛnɔ lɛ tsɛ yi nɔ ɔmɛ tsuo kɛ je sisije? Sisije ɔ, imi Yawɛ, i ngɛ lejɛ ɔ; nɛ nyagbe ɔ hu, imi Yawɛ nɔuu ma hi lejɛ ɔ.

Ni Tsumi 5:12

Mawu pee okadihi, kɛ nyakpɛ níhi babauu kɛ gu bɔfo ɔmɛ a nɔ ngɛ ni ɔmɛ a kpɛti. He nɛ a pɔɔ kpemi ngɛ ji Salomo Ablanaa a nɔ.

La 31:19

Nihi nɛ yeɔ mo gbeye ɔ, hyɛ ní kpakpahi babauu nɛ o dla kɛ to ha mɛ! Ni nɛmɛ nɛ ba saa we ngɛ o ngɔ ɔ, hyɛ ni nguanguahi babauu nɛ o pee ha mɛ. O peeɔ ní nɛ ɔmɛ tsuo ngɛ ma hɛ mi paa.

Ni Tsumi 15:12

Jehanɛ kpe ɔ tsuo pee dii, konɛ a bu Barnaba kɛ Paulo tue. A bɔ kpe ɔ bɔ nɛ Mawu gu a nɔ kɛ tsu nyakpɛ níhi babauu ngɛ ma je li ɔmɛ a kpɛti.

Ni Tsumi 5:14

Se kɛ̃ ɔ, nyumuhi, kɛ yihi babauu nɛ heɔ Nyɔmtsɛ ɔ yeɔ ɔ ba piɛ asafo ɔ he.

Yohane 11:47

Lɔ ɔ he ɔ, osɔfo nikɔtɔma amɛ, kɛ Farisi bi ɔmɛ tsɛ kpe ngua a mi bi ɔmɛ kɛ kpe, nɛ a de ke, “Kɛ wa maa pee kɛɛ? Nyɛɛ hyɛ níhi tsuo nɛ nyumu nɛ ɔ ngɛ pee kɛ ngɛ okadi toe.

Daniel 9:15

“Nyɔmtsɛ, wa Mawu, mo lɛ o kɛ kɔni si wami je o ma a kɛ je Egipt nɛ o he biɛ nɛ ngɛ kɛ ba su mwɔnɛ ɔ. Wa pee yayami; wa tɔ.

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Ezekiel 21:21

Babilonia matsɛ ɔ ma ba da si ngɛ blɔ gbla a nya, konɛ e kla kɛ hla blɔ nɛ e maa gu. E ma huanya e kɛ̃ɛ̃ mi bi ɔmɛ; e ma bi ní ngɛ amaga amɛ a ngɔ, nɛ e maa hyɛ lohwe nɛ a gbe ɔ fafali mi.

Mose V, 3:24

‘Nyɔmtsɛ Yawɛ lee, i le kaa ní nguanguahi, kɛ nyakpɛ níhi nɛ o maa pee ɔ a sisije kɛkɛ ji nɛ ɔ nɛ; ejakaa mawu ko mawu ko be hiɔwe, loo zugba a nɔ nɛ ma nyɛ ní nguanguahi nɛ o tsu nɛ ɔ ma tsu!

Yesaya 44:25

Imi ji nɔ nɛ haa lakpa gbali ɔmɛ, kɛ dodoe mi hyɛli a we okadi ɔmɛ peeɔ yaka. Imi ji nɔ nɛ kuɔ ní leli a nya la, nɛ i haa a nile plɛɔ peeɔ kuasia jemi.