Mose IV, 23:19 - BAIBLO ALOO NGMAMI KLƆUKLƆU Ɔ

¹⁹ Mawu ɔ, pi nɔmlɔ ji lɛ nɛ e ngɔɔ nya, pi nɔmlɔ ji lɛ nɛ e tsakeɔ e yi mi tomi. Anɛ ke e de nɔ́ ko ɔ, e pee we lo? Aloo e woɔ si nɛ e yi nɔ lo?

Mose IV, 23:19 ပူးပေါင်းရင်းမြစ်များ

Samuel I, 15:29

Mawu nɛ ji Israel hɛ mi nyami ɔ, e yi lakpa, nɛ e tsakee we e yi mi tomi hulɔ; ejakaa tsa pi nɔmlɔ ji lɛ nɛ e ma tsake e yi mi tomi.”

Yakobo 1:17

Nike ní kpakpa, kɛ níhi nɛ hi kɛ pi si nɛ wa naa yaka a, lɛ tsuo Mawu lɛ haa wɔ. Mawu lɛ bɔ pu, nyɔhiɔ, kɛ dodoehi nɛ ngɛ hiɔwe ɔ. E haa nɛ a haa wɔ la daa, nɛ lɛ nitsɛ hu e tsakee we gblegbleegble.

Malaki 3:6

“Imi ji Yawɛ ɔ nɛ; i tsakee we. Enɛ ɔ he je nɛ nyɛ, Yakob nina a, nyɛ hɛ mi kpataa we lolo ɔ nɛ.

Hebribi 6:18

E tsɔɔ kaa nɔ́ enyɔ nɛ ɔmɛ be tsakee gblegbleegble, nɛ Mawu hu be a he lakpa yee. Kɛkɛ ɔ, kɛ gu a nɔ ɔ, wɔ nihi nɛ wa ba sa we ngɛ Mawu ngɔ ɔ, e maa wo wɔ he wami, konɛ waa pɛtɛ nɔ́ nɛ wa ngɔ wa hɛ ngɔ fɔ nɔ ɔ he nɛ wa.

Tito 1:2

Wa ngɛ hɛ kɛ nɔ fɔmi kaa enɛ ɔ ma ha wɔ neneene wami. Mawu nɛ yi lakpa a wo si kaa e ma ha wɔ kikɛmɛ a neneene wami nɛ ɔ be nɛ a na we nɛ a bɔ nɔ́ ko nɔ́ ko.

Romabi 11:29

Ejakaa ke Mawu tsɛ nɔ ko nɛ e gbaa lɛ ɔ, e tsakee we e yi mi hu.

Luka 21:33

Hiɔwe kɛ zugba maa be kɛ ho, se ye munyu ɔmɛ lɛɛ a maa hi si daa.

Habakuk 2:3

Ngmaa kɛ to; ejakaa be nɛ a ma tsu nɔ́ nɛ ɔ sui lolo. Se kɛ̃ ɔ, be ɔ ma, nɛ e be kɛe, nɛ nɔ́ nɛ ma je ngɔ tsɔɔ mo ɔ maa ba mi kokooko. E maa pee kaa nɔ́ nɛ e ma blɛuu tsɔ, se kɛ̃ ɔ, hyɛ́ blɔ. Ejakaa e maa ba mi kokooko, nɛ e be kɛe.

La 89:35

“I kɛ ye biɛ klɔuklɔu ɔ wo si kaa i be David lakpa yee gblegbleegble.

Hosea 11:9

I be nyɛ tue gblae ngɛ ye mi mi fumi ɔ nya. I be Israel hɛ mi kpatae hu. Ejakaa Mawu ji mi, pi nɔmlɔ adesa ji mi. Imi Nɔ Klɔuklɔu ɔ, i kɛ nyɛ ngɛ. I be nyɛ ngɔ bae kɛ abofu.”

Mika 7:20

Wɔ o ma, Abraham kɛ Yakob a nina a, o maa gbaa wɔ, nɛ o maa na wɔ mɔbɔ daa kaa bɔ nɛ o wo wa nɛmɛ ɔmɛ si blema lokoo ɔ.

Kronika I, 17:17

Se Mawu lee, enɛ ɔ lɛɛ e ji nɔ́ ko bɔbɔyoo kɛkɛ ngɛ o hɛ mi. O wo si kaa o tsɔlɔ ɔ nina maa hiɛ babauu hwɔɔ se, nɛ mo Yawɛ Mawu, o je sisi bɔni mi hɛɛmi momo kaa nɔmlɔ ngua.

Romabi 9:6

I tsɔɔ we kaa Mawu siwo ɔ peeɔ yaka. Ejakaa pi Israel ma a tsuo ji Israel bi anɔkuale mi.

2 Timoteo 2:13

Ke wa yi anɔkuale ɔ, lɛɛ anɔkuale pɛ e yeɔ daa, ejakaa e be nyɛe maa ye lakpa kɛ si lɛ nitsɛ e he.”

Hebribi 7:21

Se Yesu lɛɛ, Mawu ka kita nɛ e kɛ wo lɛ osɔfo. Mawu de lɛ ke, “I ngɛ mo kita kae, nɛ i be ye nya se kpalee. ‘Osɔfo ji mo kɛ yaa neneene.’ ”

Yakobo 4:5

Anɛ nyɛ susuu kaa yaka gu nɛ a ngma ke, “Mumi nɛ Mawu ngɔ wo wa mi ɔ, e jeɔ he hunga wawɛɛ” ɔ?

Mose I, 28:15

I kɛ mo maa hi si. He tsuaa he nɛ o yaa a, ma bu o he, nɛ ma kpale mo kɛ ba zugba nɛ ɔ nɔ ekohu. I be o he jee; ma pee níhi nɛ i wo mo a he si ɔ ha mo kokooko.”

Mose IV, 14:35

I ngɛ kita kae kaa nyɛ nimli kpekpemi yiwutsotsɛmɛ nɛ nyɛ tsɔ atuã wo mi ɔ, nɔ́ nɛ ma pee nyɛ ji nɛ ɔ nɛ. Nyɛ tsuo nyɛ ma gbo tlɔ nga a nɔ ngɛ hiɛmɛ nɛ ɔ. Imi, Yawɛ lɛ i de.’ ”

Mose IV, 23:18

Kɛkɛ nɛ gba gbi nɛ ɔ je Balaam nya ke, “Zipor bi Balak, moo bu nɔ́ nɛ ma de mo ɔ tue!

La 89:34

Somi ɔ nɛ i kɛ lɛ so ɔ, i be se jee; si nɛ i wo lɛ ɔ, i be tsakee.

La 110:4

Yawɛ ka kita nɛ ɔ, nɛ e be e nya se kpalee, “Osɔfo ji mo kɛ yaa neneene kaa Melkizedek pɛ.”

Yesaya 21:17

Kedar kɛ̃ɛ̃ tsɛ̃li ji kã peeli pe kulaa nɛ a le, se a ti nihi bɔɔ pɛ nɛ maa piɛ. Imi Yawɛ, Israel Mawu ɔ lɛ i de.”

Yesaya 31:2

Yawɛ ɔ, ní lelɔ ji lɛ, nɛ e gblaa nɔ tue. Ke e de nɔ ko ɔ, e kpale we e nya se. E gblaa yayami peeli kɛ a he piɛli tsuo a tue.

Yesaya 40:8

Nga gbliɔ, nɛ mɔmɔ hu nglaa; se wa Mawu ɔ munyu ɔ lɛɛ e ngɛ kɛ yaa neneene.”

Yesaya 46:11

I ngɛ nɔ ko tsɛe kɛ je beleku je; e he maa sɔ kaa kayo kɛ ba kple si, nɛ e ma ba tsu níhi nɛ i to nɛ ma pee ɔ. Bɔ nɛ i de ɔ, ja pɛpɛɛpɛ e maa ba mi.

Yesaya 55:11

Munyuhi nɛ i tuɔ ɔ, ja a maa pee. Munyu tsuaa munyu nɛ jeɔ ye nya a, nɔ́ nɛ i ke e pee ɔ, ja e pee loko e maa kpale kɛ ba. Nɔ́ tsuaa nɔ́ nɛ i to ke e ba mi ɔ maa ba mi kokooko.

Yeremia 4:28

Zugba a maa ye kɔmɔ, nɛ hiɔwe ma yu tuu. Yawɛ lɛ de, nɛ e be e nya se kpalee. E to e yi mi momo, nɛ e be tsakee hu.

Daniel 4:28

Ní nɛ ɔmɛ tsuo ba Matsɛ Nebukadnezar nɔ.

Mose I, 26:3

Hii si ngɛ hiɛ ɔ; i kɛ mo maa hi si, nɛ ma gbaa mo. Ma ngɔ zugba nɛ ɔ tsuo kɛ ha mo, kɛ o nina; nɛ si nɛ i wo o tsɛ Abraham ɔ, ma ye nɔ.

Yoshua 21:45

Ní kpakpahi tsuo nɛ Yawɛ wo Israel ma a si ke e ma ha mɛ ɔ, ekoeko tlɔɛ si; a ná lɛ tsuo pɛpɛɛpɛ.

Samuel I, 3:12

Jamɛ a ligbi ɔ, ma ha nɔ́ tsuaa nɔ́ nɛ i de kɛ si Eli we ɔ maa ba mi kɛ maa je sisije kɛ yaa si nyagbe.

Matsɛmɛ I, 14:11

Ke o he nɔ ko gbo ngɛ ma a mi ɔ, gbehi maa ye lɛ; nɛ ke o he nɔ ko gbo ngɛ nga a nɔ ɔ, lohwe pɛlitsɛmɛ maa ye lɛ. Imi Yawɛ lɛ i de.’ ”

Matsɛmɛ II, 7:2

Matsɛ ɔ we asafoatsɛngua a de Mawu nɔmlɔ ɔ ke, “Ke Yawɛ nitsɛ ma ha hiɔmi maa nɛ tlukaa po, nɔ́ nɛ ɔ be mi bae.” Elisha he nɔ ke, “Mo nitsɛ o maa na nɔ́ nɛ ɔ kɛ o hɛngmɛ, se o be ní ɔ eko yee!”

Matsɛmɛ II, 15:12

Lɔ ɔ he ɔ, si nɛ Yawɛ wo Matsɛ Yehu ɔ ba mi. Yawɛ de lɛ ke, “O bimɛ maa ye matsɛ ngɛ Israel kɛ yaa si yi nɔ nɛ ji eywiɛ ɔ.”

La 77:9

Anɛ Mawu hɛ je nɔ kaa e maa na mɔbɔ lo? Anɛ jehanɛ lɛɛ abofu ba da mɔbɔ nami nane mi lo?”

La 132:11

Yawɛ, kita nɛ o ka David nɛ o be o nya se kpalee ji, “Ma wo o bimɛ ɔmɛ a ti nɔ kake matsɛ, nɛ e maa ye tsɛ ngɛ o se.