Mose IV, 23:11 - BAIBLO ALOO NGMAMI KLƆUKLƆU Ɔ

¹¹ Kɛkɛ nɛ Balak de Balaam ke, “Akuanyɛ! Mɛni o pee mi nɛ ɔ? I ngɔ mo kɛ ba hiɛ ɔ nɛ o ba gbiɛ ye he nyɛli ha mi, se gbaami mohu o ba gbaa mɛ.”

Mose IV, 23:11 ပူးပေါင်းရင်းမြစ်များ

Nehemia 13:2

A wo mlaa nɛ ɔ, ejakaa benɛ Israel bi ɔmɛ je Egipt kɛ ma a, Amon bi ɔmɛ, kɛ Moab bi ɔmɛ ha we mɛ niye ní nɛ a ye; nyu tete po a ha we mɛ nɛ a nu. Nɔ́ nɛ a pee mohu ji kaa a ya bɔ Balaam apaa ke e ba gbiɛ Israel. Se wa Mawu ɔ plɛ gbiɛmi ɔ kɛ pee gbaami.

Mose IV, 24:10

Kɛkɛ nɛ Balak mi mi fu Balaam wawɛɛ, nɛ e gba e dɛ mi ma, nɛ e de Balaam ke, “I kpee mo kɛ ba nɛ o ba gbiɛ ye he nyɛli ha mi; se si etɛ sɔuu ji nɛ ɔ nɛ o ngɛ mɛ gbaae mohu.

Mose IV, 22:17

Ma wo o hɛ mi nyami babauu, nɛ nɔ́ tsuaa nɔ́ nɛ o ma de mi ɔ, ma pee. I kpa mo pɛɛ, ba nɛ o ba gbiɛ kikɛmɛ a ma nɛ ɔ ha mi.”

Mose IV, 22:11

ma a nɛ je Egipt kɛ ba a, ha zugba a tsuo nɔ. Lɔ ɔ he ɔ, e ngɛ hlae nɛ ma ba gbiɛ mɛ ha lɛ, konɛ e nyɛ nɛ e kɛ mɛ nɛ hwu ta, nɛ e fie mɛ kɛ je zugba a nɔ.”

Mose IV, 23:12

E he nɔ ke, “Anɛ ma nyɛ ma de nɔ́ kpa ko pe nɔ́ nɛ Yawɛ ke ma de ɔ lo?”