Mose IV, 23:10 - BAIBLO ALOO NGMAMI KLƆUKLƆU Ɔ

¹⁰ Yakob nina ngɛ kaa bunyuku; a he hiɛ babauu, nɛ nɔ ko be nyɛe maa kane mɛ. Ha nɛ ye nyagbe nɛ pee kaa Mawu bi ɔmɛ a ti nɔ kake. Ha nɛ ma gbo ngɛ tue mi jɔmi mi kaa dalɔ.”

Mose IV, 23:10 ပူးပေါင်းရင်းမြစ်များ

Mose I, 13:16

Ma ha nɛ o nina maa hiɛ babauu kaa tabo zu, nɛ e be hie kanemi; ke nɔ ko nyɛ kane tabo zu ɔ, lɛɛ e ma nyɛ kane o nina.

Mose I, 22:17

imi hu ma gbaa mo, nɛ ma ha o nina maa hiɛ babauu kaa dodoehi ngɛ hiɔwe, loo wo nya zia. O nina maa ye a he nyɛli a nɔ.

Mose I, 28:14

O nina maa hiɛ babauu kaa tabo zu. A maa ha zugba a nɔ tsuo kɛ je beleku je kɛ yaa si bonyoku je, jehanɛ kɛ je omleyi je kɛ yaa si leneyi je. Mo, kɛ o nina a nɔ a maa gu kɛ gbaa je ma amɛ tsuo.

La 116:15

Yawɛ ni klɔuklɔu ɔmɛ a gbenɔ dɔɔ lɛ wawɛɛ.

La 37:37

Moo to nɔmlɔ kpakpa he hɛ; hyɛ dalɔ saminya, nɔmlɔ nɛ he jɔ ɔ, hwɔɔ se ɔ, e maa hi si ngɛ tue mi jɔmi mi.

Abɛ Womi 14:32

Yayami peelɔ ɔ, lɛ nitsɛ e ní yayamihi nɛ ngɔɔ lɛ kɛ woɔ haomi mi. Se nɔmlɔ kpakpa lɛɛ gbenɔ mi tete po e ngɛ hɛ nɔ kami.

Mose IV, 2:16

Nihi tsuo pɛpɛɛpɛ nɛ ma pue si tabo nya tabo nya ngɛ Ruben ta a mi ɔ, a hiɛmi ji nimli akpe lafa kɛ nyingmi enuɔ kɛ kake kɛ e nya lafa eywiɛ kɛ nyingmi enuɔ. Mɛ ji tabo enyɔne nɛ maa hia ta.

Mose IV, 2:24

Nihi tsuo pɛpɛɛpɛ nɛ ma pue si tabo nya tabo nya, ngɛ Efraim ta a mi ɔ, a hiɛmi ji nimli akpe lafa kɛ kpaanyɔ kɛ e nya lafa kake. Mɛ ji tabo etɛne nɛ maa hia ta.

Mose IV, 2:31

Nihi tsuo pɛpɛɛpɛ nɛ ma pue si tabo nya tabo nya ngɛ Dan ta a mi ɔ, a hiɛmi ji nimli akpe lafa kɛ nyingmi enuɔ kɛ kpaago kɛ e nya lafa ekpa. Mɛ ji ni nɛmɛ nɛ maa hia ta nyagbe ngɛ a we aflaangaa amɛ a sisi.”

Mose IV, 2:9

Nihi tsuo pɛpɛɛpɛ nɛ ma pue si tabo nya tabo nya, ngɛ Yuda ta a mi ɔ a hiɛmi ji nimli akpe lafa kɛ nyingmi kpaanyɔ kɛ ekpa kɛ e nya lafa eywiɛ. Mɛ lɛ a maa hia ta kɛ nyɛɛ hɛ mi.

Mose IV, 31:8

kɛ Midian matsɛmɛ enuɔ ɔmɛ. Mɛ ji Evi, Rekem, Zur, Hur, kɛ Reba. A gbe Beor binyumu Balaam ɔ hulɔ.

2 Korintobi 5:1

Ejakaa wa le kaa ke a puɛ zugba nɛ ɔ nɔ bo tsu nɛ wa ngɛ mi nɛ ɔ, Mawu ma ha wɔ we ngɛ hiɔwe. We nɛ ɔ, pi nine nɛ a kɛ ma, nɛ e maa hi si kɛ maa ya neneene.

Kpojemi 14:13

Nɛ i nu gbi ko kɛ je hiɔwe nɛ ngɛ dee ke, “Ngmaa: A gbaa gbogboehi nɛ gboɔ ngɛ Nyɔmtsɛ ɔ mi kɛ je mwɔnɛ ɔ kɛ yaa nɛ ɔ.” “Ee!” Mumi ɔ ngɛ dee ke, “A maa jɔɔ a he kɛ je a dengme gbomi ɔ mi; se a ní tsumi ɔmɛ nyɛɛɔ a se.”