Mose IV, 22:8 - BAIBLO ALOO NGMAMI KLƆUKLƆU Ɔ

⁸ Balaam de mɛ ke, “Nyɛɛ hwɔ hiɛ ɔ nyɔ nɛ ɔ mi, konɛ nɔ́ tsuaa nɔ́ nɛ Yawɛ ma de mi ɔ, ma ha nɛ nyɛɛ le.” Nɛ Moab ma nimeli ɔmɛ hwɔ Balaam ngɔ.

Mose IV, 22:8 ပူးပေါင်းရင်းမြစ်များ

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

Yeremia 12:2

O toɔ mɛ si kaa bɔ nɛ a duɔ ní; a tsɛ̃ɛ̃ sipoku, a waa, nɛ a woɔ yiblii. A woɔ o biɛ ta ji nɛ, se a tsui be o he.

Mose IV, 23:12

E he nɔ ke, “Anɛ ma nyɛ ma de nɔ́ kpa ko pe nɔ́ nɛ Yawɛ ke ma de ɔ lo?”

Mose IV, 12:6

Yawɛ de mɛ ke, “Jehanɛ, nyɛɛ bu mi tue! Ke gbalɔ ko ngɛ nyɛ kpɛti ɔ, ní nami mi nɛ imi Yawɛ, i jeɔ ye he si kɛ tsɔɔ lɛ ngɛ. Nlami mi nɛ i kɛ lɛ tuɔ munyu ngɛ.

Mose IV, 22:7

Moab ma nimeli ɔmɛ, kɛ Midian ma nimeli ɔmɛ pue nɔ kɛ ho Balaam ngɔ ya. A hɛɛ sika nɛ a kɛ maa wo nɔ gbiɛmi ɔ he hiɔ ngɛ a dɛ, nɛ benɛ a ya su ɔ, a ngɔ Balak sɛ gbi ɔ ngɔ ha Balaam.

Mose IV, 22:9

Mawu ba Balaam ngɔ, nɛ e ba bi lɛ ke, “Nyumu ɔmɛ nɛ ba to mo ɔ, mɛnɔmɛ ji mɛ?”

Mose IV, 22:18

Se Balaam he nɔ nɛ e de Balak tsɔli ɔmɛ ke, “Ke Balak ha mi sika hiɔ, loo sika tsu tsuo nɛ ngɛ e we ɔ mi po, i be nyɛe nɛ ma pee nɔ́ ko agbo, loo nyafii kɛ si nɔ́ nɛ Yawɛ, ye Mawu ɔ de mi ɔ.

Mose IV, 22:38

Balaam de lɛ ke, “O nɛ mi; i ba! Imi nitsɛ lɛɛ i be he wami nɛ ma kɛ de nɔ́ ko. Nɔ́ nɛ Mawu ke ma de ɔ, lɔ ɔ ji nɔ́ nɛ ma de ɔ nɛ.”

Mose IV, 23:3

Balaam de Balak ke, “Da si ngɛ o sami bɔ ɔ he, nɛ imi nɔ kake ma ya, kaa alini Yawɛ kɛ mi ma ba kpe lo. Nɔ́ tsuaa nɔ́ nɛ e ma je tsɔɔ mi ɔ, ma ba de mo.” Kɛkɛ nɛ e pue nɔ kɛ ho yoku kpataa ko nɔ ya,

Mose IV, 24:13

Ke Balak ngɔ sika hiɔ, loo sika tsu tsuo nɛ ngɛ e we ɔ mi kɛ ha mi po ɔ, i be nyɛe nɛ ma to ye yi mi nɛ ma pee nɔ́ ko nɛ kɛ fami nɛ Yawɛ fa mi ɔ yɛ, kpakpa jio, yayami jio, kaa ja nɔ́ nɛ Yawɛ ke ma de ɔ, lɔ ɔ pɛ ma de ɔ lo?”

Matsɛmɛ I, 13:8

Gbalɔ ɔ de matsɛ ɔ ke, “Ke o ha mi o we ɔ fa tete po, i kɛ mo be yae; i be nɔ́ ko yee, nɛ nyu tete po i be nue ngɛ hiɛ ɔ.

Matsɛmɛ I, 22:14

Se Mikaya he nɔ ke, “I na Yawɛ hɛ kalɔ ɔ kaa nɔ́ nɛ Yawɛ ma de mi ɔ, lɔ ɔ pɛ ma de ɔ nɛ!”