Mose IV, 22:7 - BAIBLO ALOO NGMAMI KLƆUKLƆU Ɔ

⁷ Moab ma nimeli ɔmɛ, kɛ Midian ma nimeli ɔmɛ pue nɔ kɛ ho Balaam ngɔ ya. A hɛɛ sika nɛ a kɛ maa wo nɔ gbiɛmi ɔ he hiɔ ngɛ a dɛ, nɛ benɛ a ya su ɔ, a ngɔ Balak sɛ gbi ɔ ngɔ ha Balaam.

Mose IV, 22:7 ပူးပေါင်းရင်းမြစ်များ

Yesaya 1:23

Atuã tsɔli ji o ganɔ ɔmɛ, nɛ juli ji o huɛmɛ; be tsuaa be ɔ, nike ní, kɛ nyɔ mi ní a ngɛ hee. A yi awusahi a sane ha we mɛ ngɛ sane yemi he, nɛ a bui yalɔyihi hu a sane tue.

Yesaya 56:11

A ngɛ kaa gbehi nɛ li tɔ biɛ! Ma nɔ yeli nɛ ɔmɛ be juɛmi kokooko! Nɔ tsuaa nɔ peeɔ nɔ́ nɛ e suɔ; mɛ nitsɛmɛ a se nami pɛ a hlaa.

Ezekiel 13:19

Akoko dɛ kɔkɔ fuu, kɛ abolo nya bɔbɔɛ bɔɔ ko he ɔ, nyɛ gbee nihi yaka gu, nɛ nyɛ heɔ nihi nɛ a sa gbenɔ ɔ mohu a yi wami. Nyɛ yeɔ lakpa kɛ haa ye ma a, nɛ mɛ hu a buɔ nyɛ tue; lɔ ɔ he ɔ, ye he guɛ gbo ngɛ ye ma a hɛ mi.”

Ezekiel 21:21

Babilonia matsɛ ɔ ma ba da si ngɛ blɔ gbla a nya, konɛ e kla kɛ hla blɔ nɛ e maa gu. E ma huanya e kɛ̃ɛ̃ mi bi ɔmɛ; e ma bi ní ngɛ amaga amɛ a ngɔ, nɛ e maa hyɛ lohwe nɛ a gbe ɔ fafali mi.

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Mose IV, 22:8

Balaam de mɛ ke, “Nyɛɛ hwɔ hiɛ ɔ nyɔ nɛ ɔ mi, konɛ nɔ́ tsuaa nɔ́ nɛ Yawɛ ma de mi ɔ, ma ha nɛ nyɛɛ le.” Nɛ Moab ma nimeli ɔmɛ hwɔ Balaam ngɔ.

Mose IV, 23:23

Kunya ko kunya ko be Yakob nyɛe, Israel ɔ, klaami he wami ko be lɛ nyɛe. Lɛɛ a ma de ngɛ Yakob, loo Israel he ke, ‘Nyɛɛ hyɛ nyakpɛ níhi nɛ Mawu tsu ha mɛ!’

Mose IV, 24:1

Benɛ Balaam na kaa Yawɛ suɔ kaa e gbaa Israel ma a, e yɛ nɛ e ya bi Yawɛ ní kaa bɔ nɛ e pee sa a. Mohu, e plɛ e hɛ mi kɛ kpee nga a nɔ blɔ,

Romabi 16:18

Ejakaa nimli kaa kikɛ nɛ ɔ, pi Kristo, wa Nyɔmtsɛ ɔ nɛ a ngɛ sɔmɔe. Se mɛ nitsɛmɛ a muklii mohu he mɔde nɛ a ngɛ bɔe. A kɛ munyu dɔkɔɔ gbeɔ nihi nɛ a juɛmi se ti we ɔ a yi mi, nɛ a sisiɔ mɛ.

Tito 1:11

E hia kaa a ku nɔ́ nɛ ɔ nya la, ejakaa nimli nɛ ɔmɛ kɛ a tsɔɔmi ɔ ngɛ wehi fuu a nane kpatae. A ngɛ níhi nɛ dɛ blɔ tsɔɔe. Blɔɔ zo blɔ nɔ nɛ a gu kɛ ngɛ sika pee ji nɛ ɔ nɛ.

Yoshua 13:22

Nihi nɛ Israel bi ɔmɛ gbe ɔ, a ti nɔ kake ji klamɔ ɔ nɛ a tsɛɛ lɛ Balaam ɔ. Beor binyumu ji lɛ.

2 Petro 2:15

A je blɔ tlɔmɔɔ ɔ nɔ, nɛ a laa blɔ kaa bɔ nɛ Beor bi Balaam pee ɔ pɛpɛɛpɛ. Balaam ya di se nami se, nɛ e kɛ pee nɔ́ nɛ dɛ;

Yuda 1:11

Musu tloo mɛ pɛ! A ya ngɔ Kain blɔ ɔ. Yayami nɛ Balaam pee ɔ, a ngɔ a he ya wo jamɛ a yayami ɔ mi ngɛ se nami he. A tsɔ atuã kaa bɔ nɛ Kora tsɔ atuã a, nɛ a hɛ mi kpata kaa lɛ.