Mose IV, 22:6 - BAIBLO ALOO NGMAMI KLƆUKLƆU Ɔ

⁶ Lɔ ɔ he ɔ, i kpa mo pɛɛ, ba nɛ o ba gbiɛ ma nɛ ɔ ha wɔ kaa, alini wa maa ye a nɔ, nɛ wa maa fie mɛ kɛ je zugba a nɔ lo; ejakaa a hiɛ pe wɔ. I le kaa ke o gbaa nɔ ko ɔ, kɛkɛ a gbaa lɛ; nɛ ke o gbiɛ nɔ ko ɔ, kɛkɛ a gbiɛ lɛ.”

Mose IV, 22:6 ပူးပေါင်းရင်းမြစ်များ

Mose I, 12:3

Nihi nɛ gbaa mo ɔ, ma gbaa mɛ. Se ni nɛmɛ nɛ gbiɛɛ mo ɔ, imi hu ma gbiɛ mɛ. O nɔ ma gu kɛ gbaa je ma amɛ tsuo.”

Mose I, 27:29

Je ma amɛ ma sɔmɔ mo, nɛ nimli adesahi ma kpla si ha mo. O maa ye o nyɛmimɛ ɔmɛ a nɔ, nɛ o nyɛbimɛ ɔmɛ ma kpla si ha mo. Nihi nɛ gbiɛɛ mo ɔ, a maa gbiɛ mɛ; ni nɛmɛ nɛ gbaa mo ɔ, a maa gbaa mɛ.”

Matsɛmɛ I, 22:13

Tsɔlɔ ɔ nɛ ho Mikaya tsɛmi ya a de lɛ ke, “O nɛ, gbali ɔmɛ tsuo a nya sɔ nɛ a gba ke matsɛ ɔ maa ye kunimi. Lɔ ɔ he ɔ, mo hu gbaa ja nɔuu.”

Matsɛmɛ I, 22:6

Kɛkɛ nɛ Ahab ya kpee gbali ɔmɛ kɛ ba, maa pee nimli lafa eywiɛ, nɛ e bi mɛ ke, “Ma ya nɛ ma ya tua Ramot Gilead, loo ma ko ya?” A he nɔ ke, “Yaa, Yawɛ maa ngɔ ma a kɛ wo o dɛ mi.”

Matsɛmɛ I, 22:8

Ahab he nɔ ke, “Nɔ kake ngɛ; lɛ ji Imla binyumu Mikaya. Se i sume lɛ, ejakaa e gbɛ manye nɔ́ ko ha we mi hyɛ gblee, ja nɔ́ yayami pɛ.” Yehoshafat de lɛ ke, “Mo ko de ja!”

Nehemia 13:2

A wo mlaa nɛ ɔ, ejakaa benɛ Israel bi ɔmɛ je Egipt kɛ ma a, Amon bi ɔmɛ, kɛ Moab bi ɔmɛ ha we mɛ niye ní nɛ a ye; nyu tete po a ha we mɛ nɛ a nu. Nɔ́ nɛ a pee mohu ji kaa a ya bɔ Balaam apaa ke e ba gbiɛ Israel. Se wa Mawu ɔ plɛ gbiɛmi ɔ kɛ pee gbaami.

La 109:28

Ye he nyɛli ɔmɛ nɛ a gbiɛ mi faa; moo lɛɛ o maa gbaa mi sa. Nihi nɛ te si kɛ wo mi ɔ, zo nɛ gbe mɛ, konɛ imi, o tsɔlɔ ɔ, ma na bua jɔmi.

Abɛ Womi 26:2

Gbiɛmi nɛ a gbiɛɛ nɔ yaka gu ɔ, e tsu we nɔ́ ko; e ngɛ kaa otoklii, aloo ngmlebitɛɛnyɛ nɛ ngɛ tee kɛ ngɛ yae kɛ ngɛ bae kɛkɛ nɛ si mami be mi.

Ezekiel 13:6

Yakayaka ninahi a naa, nɛ lakpa sɔuu a yeɔ. A deɔ ke Yawɛ sɛ gbi a hɛɛ ɔ nɛ, pohu i tsɔ we mɛ. Se kɛ̃ ɔ, a hyɛɛ blɔ kaa níhi nɛ a de ɔ maa ba mi.

Mika 6:5

Ye ma, nyɛ kai nɔ́ nɛ Moab matsɛ, Balak to nɛ e maa pee nyɛ, kɛ heto nɛ Beor binyumu Balaam ha lɛ. Nyɛ kai níhi nɛ ba ngɛ blɔ nɔ kɛ je nyɛ si tomi he ɔ ngɛ Shitim kɛ ya Gilgal ɔ. Nyɛ kai ní nɛ ɔmɛ, konɛ nyɛɛ na bɔ nɛ i pee kɛ he nyɛ yi wami.” Yawɛ lɛ de.

Mose IV, 22:12

Mawu de Balaam ke, “O kɛ mɛ ko ya, nɛ koo gbiɛ Israel ma a hulɔ; ejakaa a gbaa mɛ.”

Mose IV, 22:17

Ma wo o hɛ mi nyami babauu, nɛ nɔ́ tsuaa nɔ́ nɛ o ma de mi ɔ, ma pee. I kpa mo pɛɛ, ba nɛ o ba gbiɛ kikɛmɛ a ma nɛ ɔ ha mi.”

Mose IV, 23:13

Enɛ ɔ se ɔ, Balak de Balaam ke “Ha waa ya he kpa, he nɛ o maa na ma a fa ko kɛkɛ ngɛ, se pi mɛ tsuo, konɛ o gbiɛ mɛ ha mi ngɛ lejɛ ɔ.”

Mose IV, 23:27

Balak ya nɔ nɛ e de Balaam ke, “Ha nɛ wa pa ya he kpa, kaa alini jehanɛ lɛɛ Mawu maa kplɛɛ kaa o gbiɛ mɛ ha mi ngɛ lejɛ ɔ lo.”

Mose IV, 24:9

E bua e he nya, nɛ e buu si kaa jata ku; Ee e buu si kaa jata yo. Mɛnɔ ma nyɛ maa tsɛɛ lɛ? Nɔ tsuaa nɔ nɛ gbaa mo ɔ, a maa gbaa lɛ; Nɔ tsuaa nɔ nɛ gbiɛɛ mo ɔ, a maa gbiɛ lɛ.”

Ni Tsumi 16:16

Ligbi ko benɛ wa yaa he nɛ a sɔlee ngɛ ɔ, waa kɛ nyɔguɛ yiheyo ko nɛ klaami mumi ngɛ e mi kpe. E kɛ mumi nɛ ɔ peeɔ sika kɛ haa e nyɔmtsɛmɛ ɔmɛ.

Mose V, 23:4

Benɛ o je Egipt kɛ ma a, mɛ nɛ a kua mo niye ní kɛ nyu hami ɔ nɛ. Lɔ ɔ se hu, a ya bɔ Beor bi, Balaam nɛ je Petor ma a mi ngɛ Mesopotamia a apaa ke e ba gbiɛ mo.

Yoshua 24:9

Lɔ ɔ se ɔ, Zipor bi Balak, Moab matsɛ ɔ kɛ nyɛ ba hwu ta. E tsɔ ya de Beor binyumu Balaam ke e gbiɛ nyɛ.

Samuel I, 17:43

E bi David ke, “Anɛ gbe ji mi nɛ o ma ye ngɔ kɛ tso ɔ?” E ya nɔ nɛ e tsɛ wɔ pue David nɔ, nɛ e gbiɛ lɛ,