Mose IV, 22:5 - BAIBLO ALOO NGMAMI KLƆUKLƆU Ɔ

⁵ tsɔ nihi kɛ ho Petor ya, ngɛ Yufrate pa a kasa nya, ngɛ Amaw bi ɔmɛ a zugba a nɔ, nɛ́ a ya kpee Beor binyumu Balaam kɛ ba. E sɛ gbi ji, “I ngɛ hae nɛ o le kaa ma ko je Egipt kɛ ba, nɛ a ha zugba a tsuo nɔ. Amlɔ nɛ ɔ po a su ye ngɔ ta.

Mose IV, 22:5 ပူးပေါင်းရင်းမြစ်များ

Mose I, 13:16

Ma ha nɛ o nina maa hiɛ babauu kaa tabo zu, nɛ e be hie kanemi; ke nɔ ko nyɛ kane tabo zu ɔ, lɛɛ e ma nyɛ kane o nina.

La 105:24

Yawɛ ha nɛ e ma a bɔ, nɛ a he hiɛ babauu. E ha a he hu wa kulaa pe a he nyɛli ɔmɛ.

Mose II, 10:15

A ha zugba a nɔ tsuo, nɛ lɔ ɔ ha zugba a nɔ yu tuu. A ye tsohi tsuo ngɛ zugba a nɔ, kɛ tso yibliihi nɛ gbiɛ ngo ngu ɔ si ɔ; nɛ nɔ mumu ko kulaa píɛ ngɛ Egipt zugba a tsuo nɔ.

Mika 6:5

Ye ma, nyɛ kai nɔ́ nɛ Moab matsɛ, Balak to nɛ e maa pee nyɛ, kɛ heto nɛ Beor binyumu Balaam ha lɛ. Nyɛ kai níhi nɛ ba ngɛ blɔ nɔ kɛ je nyɛ si tomi he ɔ ngɛ Shitim kɛ ya Gilgal ɔ. Nyɛ kai ní nɛ ɔmɛ, konɛ nyɛɛ na bɔ nɛ i pee kɛ he nyɛ yi wami.” Yawɛ lɛ de.

Mose IV, 23:7

Kɛkɛ nɛ gba gbi nɛ ɔ je Balaam nya, nɛ e de ke, “Moab matsɛ, Balak ya kpee mi kɛ je Aram tɔɔ. E kpee mi kɛ je beleku yo ɔmɛ a nɔ, nɛ e de mi ke, ‘Ba nɛ o ba gbiɛ Yakob ha mi, nɛ o tu munyu kɛ si Israel!’

Mose IV, 31:8

kɛ Midian matsɛmɛ enuɔ ɔmɛ. Mɛ ji Evi, Rekem, Zur, Hur, kɛ Reba. A gbe Beor binyumu Balaam ɔ hulɔ.

Mose V, 23:4

Benɛ o je Egipt kɛ ma a, mɛ nɛ a kua mo niye ní kɛ nyu hami ɔ nɛ. Lɔ ɔ se hu, a ya bɔ Beor bi, Balaam nɛ je Petor ma a mi ngɛ Mesopotamia a apaa ke e ba gbiɛ mo.

Mose V, 23:5

Se akɛnɛ Yawɛ, o Mawu ɔ suɔ mo he je ɔ, e bui Balaam tue; mohu e plɛ gbiɛmi ɔ kɛ pee gbaami ha mo.

Yoshua 13:22

Nihi nɛ Israel bi ɔmɛ gbe ɔ, a ti nɔ kake ji klamɔ ɔ nɛ a tsɛɛ lɛ Balaam ɔ. Beor binyumu ji lɛ.

Yoshua 24:9

Lɔ ɔ se ɔ, Zipor bi Balak, Moab matsɛ ɔ kɛ nyɛ ba hwu ta. E tsɔ ya de Beor binyumu Balaam ke e gbiɛ nyɛ.

Yuda 1:11

Musu tloo mɛ pɛ! A ya ngɔ Kain blɔ ɔ. Yayami nɛ Balaam pee ɔ, a ngɔ a he ya wo jamɛ a yayami ɔ mi ngɛ se nami he. A tsɔ atuã kaa bɔ nɛ Kora tsɔ atuã a, nɛ a hɛ mi kpata kaa lɛ.

Kpojemi 2:14

Se kɛ̃ ɔ, i kɛ mo ngɛ sane bɔɔ ko. Ni komɛ ngɛ nyɛ kpɛti nɛ ya wo Balaam tsɔɔmi ɔ. Balam lɛ tsɔɔ Balak kaa e tsɔ Israel bi ɔmɛ klama nɛ a ye wɔ nya lo, nɛ a fiɛ yo kɛ nyumu yakayaka fiɛmi.