Mose IV, 22:38 - BAIBLO ALOO NGMAMI KLƆUKLƆU Ɔ

³⁸ Balaam de lɛ ke, “O nɛ mi; i ba! Imi nitsɛ lɛɛ i be he wami nɛ ma kɛ de nɔ́ ko. Nɔ́ nɛ Mawu ke ma de ɔ, lɔ ɔ ji nɔ́ nɛ ma de ɔ nɛ.”

Mose IV, 22:38 ပူးပေါင်းရင်းမြစ်များ

Abɛ Womi 19:21

Nɔmlɔ adesa peeɔ e juɛmi ngɛ níhi babauu a he, se Yawɛ yi mi tomi ɔ pɛ lɛ baa mi.

Mose IV, 22:18

Se Balaam he nɔ nɛ e de Balak tsɔli ɔmɛ ke, “Ke Balak ha mi sika hiɔ, loo sika tsu tsuo nɛ ngɛ e we ɔ mi po, i be nyɛe nɛ ma pee nɔ́ ko agbo, loo nyafii kɛ si nɔ́ nɛ Yawɛ, ye Mawu ɔ de mi ɔ.

Mose IV, 23:26

Balaam he nɔ ke, “Anɛ i de we mo ke nɔ́ tsuaa nɔ́ nɛ Yawɛ de mi ke ma pee ɔ, lɔ ɔ pɛ ma pee lo?”

Mose IV, 23:16

Kɛkɛ nɛ Yawɛ kɛ Balaam ba kpe. E tsɔɔ lɛ nɔ́ nɛ e de Balak, nɛ e ha nɛ e kpale e se, konɛ e ngɔ sɛ gbi nɛ ɔ ya ha Balak.

Yesaya 47:12

Kunya nɛ o ye, kɛ kablɛ nɛ o fi kɛ je o jokuɛwi a si ɔ, pɛtɛ he. Eko piɔ, a ma ha nɛ nihi a mi maa hi ha mo, nɛ o he nyɛli maa ye mo gbeye.

Yesaya 46:10

Níhi tsuo nɛ maa ba hwɔɔ se ɔ, imi ji nɔ nɛ gba kɛ to kɛ je blema lokoo; níhi nɛ na we nɛ a ba lolo ɔ hu, imi lɛ i gba kɛ to. I de ke ye yi mi tomi maa ba mi, nɛ nɔ́ tsuaa nɔ́ nɛ i suɔ ɔ, lɔ ɔ ma pee.

Yesaya 44:25

Imi ji nɔ nɛ haa lakpa gbali ɔmɛ, kɛ dodoe mi hyɛli a we okadi ɔmɛ peeɔ yaka. Imi ji nɔ nɛ kuɔ ní leli a nya la, nɛ i haa a nile plɛɔ peeɔ kuasia jemi.

La 76:10

Edom bi nɛ a mi mi fu ɔ, niinɛ, a ma je o yi kɛ̃. Nɛ ni nɛmɛ nɛ maa piɛ ngɛ Harmat ɔ maa ye o nyami be ɔmɛ.

La 33:10

Ke je ma amɛ so kikɛ nɛ ɔ, Yawɛ tsakeɔ a yi mi tomi ɔmɛ, nɛ a nyɛ we nɛ a kɛ tsuɔ ní.

Kronika II, 18:13

Se Mikaya he nɔ ke, “I na Yawɛ hɛ kalɔ ɔ, kaa nɔ́ nɛ Mawu ma de mi ke ma de ɔ, lɔ ɔ pɛ ma de ɔ nɛ!”

Matsɛmɛ I, 22:14

Se Mikaya he nɔ ke, “I na Yawɛ hɛ kalɔ ɔ kaa nɔ́ nɛ Yawɛ ma de mi ɔ, lɔ ɔ pɛ ma de ɔ nɛ!”

Mose IV, 24:13

Ke Balak ngɔ sika hiɔ, loo sika tsu tsuo nɛ ngɛ e we ɔ mi kɛ ha mi po ɔ, i be nyɛe nɛ ma to ye yi mi nɛ ma pee nɔ́ ko nɛ kɛ fami nɛ Yawɛ fa mi ɔ yɛ, kpakpa jio, yayami jio, kaa ja nɔ́ nɛ Yawɛ ke ma de ɔ, lɔ ɔ pɛ ma de ɔ lo?”

Mose IV, 22:37

Balak bi Balaam ke, “Anɛ i sɛ́ ke a ba de mo ke o ba nɛ o ba na mi dãã lo? Mɛni he je o bɛ nɛ o ba na mi ɔ? Anɛ o susuɔ kaa i be nyɛe ma wo o hɛ mi nyami lo?”

Mose IV, 22:39

Kɛkɛ nɛ Balak kɛ Balaam pue nɔ kɛ ho Kiriat Huzot ya.

Mose IV, 22:8

Balaam de mɛ ke, “Nyɛɛ hwɔ hiɛ ɔ nyɔ nɛ ɔ mi, konɛ nɔ́ tsuaa nɔ́ nɛ Yawɛ ma de mi ɔ, ma ha nɛ nyɛɛ le.” Nɛ Moab ma nimeli ɔmɛ hwɔ Balaam ngɔ.

Matsɛmɛ I, 22:16

Se Ahab de lɛ ke, “Ke o kɛ mi ngɛ munyu tue ngɛ Yawɛ biɛ mi ɔ, tuu anɔkuale! Si enyɛmɛ ma de mo nɔ́ nɛ ɔ?”