Mose IV, 22:36 - BAIBLO ALOO NGMAMI KLƆUKLƆU Ɔ

³⁶ Benɛ Balak nu kaa Balaam ma a, e ho nɛ e ya kpee lɛ ngɛ Ar tɔɔ. Ma nɛ ɔ ji ma ko nɛ ngɛ Arnon pa a nya, ngɛ Moab huzu ɔ nyagbe.

Mose IV, 22:36 ပူးပေါင်းရင်းမြစ်များ

Ni Tsumi 28:15

Benɛ nyɛmimɛ ɔmɛ nɛ ngɛ Roma a nu wa he ɔ, a ba kpee wɔ ngɛ he ko nɛ a tsɛɛ “Apio Jua nɔ” kɛ “Nibwɔhi a to he Etɛ” ɔ tɔɔ. Benɛ Paulo na mɛ ɔ, e na Mawu si, nɛ e tsui nɔ e mi fuaa.

Yeremia 48:20

A ma he nɔ ke, ‘A bɔ Moab ahlua; a kpata Moab hɛ mi. Nyɛɛ wo yana nɛ nyɛ nya awe! Nyɛɛ fiɛ ngɛ Arnon pa a nya ke a kpata Moab hɛ mi!’

Yesaya 16:2

Moab bi yi ɔmɛ ya pue si ngɛ Arnon pa a pomi he ɔmɛ kaa lohwe pɛlitsɛmɛ nɛ a fie mɛ kɛ je a tsuhi a mi.

Manyadali 11:18

Pee se ɔ, Israel bi ɔmɛ nyɛɛ kɛ gu nga a nɔ, nɛ a ya lɔgɔ Edom zugba a, kɛ Moab zugba a, hluu kɛ ya pa si ngɛ Moab zugba a beleku je. A to si ngɛ Arnon pa a se, se a pui mi kɛ yɛ Moab zugba a nɔ; ejakaa Arnon pa a ji Moab huzu ɔ nɛ.

Mose V, 3:8

“Jamɛ a be ɔ mi kɛ̃ ɔ, wa kpɔ zugba a nɛ ngɛ Yordan pa a beleku je ɔ kɛ je matsɛmɛ enyɔ nɛ ɔmɛ a dɛ, kɛ je Arnon pa a nya kɛ ya si Hermon yo ɔ he.

Mose V, 2:24

“Benɛ wa nyɛɛ Moab zugba a nɔ kɛ be se ɔ, Yawɛ de mi ke, ‘Nyɛ pue blɔ nɛ nyɛ ya po Arnon pa a. I ngɔ Amor matsɛ, Sihon nɛ je Heshbon kɛ e zugba a ngɔ wo nyɛ dɛ. Nyɛ ya tua lɛ, nɛ nyɛɛ ngɔ e zugba a.

Mose II, 18:7

Mose je kpo nɛ e kɛ e ngatsɛ ɔ ya kpe; e ba e he si nɛ e fua lɛ atuu. Nɛ benɛ a nga a he ta a, a sɛ bo tsu ɔ mi.

Mose I, 46:29

Yosef hi e zugba ta lɛ ɔ mi, nɛ e ho konɛ e ya kpee e tsɛ ngɛ Goshen. Benɛ a kpe hɛ mi kɛ hɛ mi ɔ, Yosef kɛ e nine kpla e tsɛ kuɛ mi, nɛ e fo ya ngɔ pue e nɔ hluu.

Mose I, 18:2

nɛ e wo e yi nɔ ɔ, e na nyumu ni etɛ komɛ nɛ ma e ngɔ. Benɛ e na mɛ ɔ, e tu fo kɛ je bo tsu sinya a nya nɛ e ya kpee mɛ. E kpla si nɛ e kɛ e hɛ mi bu si,

Mose I, 14:17

Benɛ Abram ya ye Kedorlaomer kɛ matsɛmɛ nɛ piɛ e he ɔ a nɔ kunimi nɛ e kpale e se kɛ ma a, Sodom matsɛ ba kpee lɛ ngɛ Shave Kɔ̃ ɔ nɛ e biɛ kpa ji Matsɛ Kɔ̃ ɔ mi.

Samuel I, 13:10

Benɛ e sã sami bɔ ɔ ta pɛ kɛkɛ nɛ Samuel ba hia si. Saul je kpo ya kpee lɛ, nɛ e fɔ lɛ.

Mose IV, 22:35

Se Yawɛ bɔfo ɔ de Balaam ke, “O kɛ nyumu ɔmɛ nɛ ya kɛkɛ; se mohu, munyu nɛ ma ngɔ kɛ wo o nya ke o tu ɔ, lɔ ɔ pɛ o de.” Kɛkɛ nɛ Balaam kɛ Balak tsɔli ɔmɛ pue nɔ kɛ ho.

Mose IV, 22:37

Balak bi Balaam ke, “Anɛ i sɛ́ ke a ba de mo ke o ba nɛ o ba na mi dãã lo? Mɛni he je o bɛ nɛ o ba na mi ɔ? Anɛ o susuɔ kaa i be nyɛe ma wo o hɛ mi nyami lo?”