Mose IV, 22:32 - BAIBLO ALOO NGMAMI KLƆUKLƆU Ɔ

³² Yawɛ bɔfo ɔ bi Balaam ke, “Mɛni he je nɛ o fia o teji yo ɔ nɔ́ si etɛ sɔuu kikɛ nɛ ɔ? O nɛ, pe i ba nɛ ma ba tsi mo blɔ; ejakaa blɔ nɛ o hia nɛ ɔ ngɔɛ ye nya.

Mose IV, 22:32 ပူးပေါင်းရင်းမြစ်များ

La 145:9

Yawɛ peeɔ nɔ tsuaa nɔ kpakpa, nɛ e nuɔ nɔ́ he ha níhi tsuo nɛ e bɔ ɔ.

La 147:9

Lɛ nɛ e haa nga mi lohwehi niye ní, nɛ ke kuakualabite bihi ngɛ pɛe hu, lɛ nɛ e haa mɛ ní.

La 36:6

O kpakpa peemi ɔ kle kaa yo nguangua amɛ; o dami sane yemi mi kuɔ kaa wo. Yawɛ, mo lɛ o baa nimli, kɛ lohwehi tsuo a yi.

Abɛ Womi 14:2

Ke o peeɔ nɔ́ nɛ da a, lɔ ɔ tsɔɔ kaa o yeɔ Yawɛ gbeye. Se ke o yi anɔkuale ɔ, lɔ ɔ tsɔɔ kaa o ngɛ e he guɛ gbee.

Abɛ Womi 16:2

Nɔ́ tsuaa nɔ́ nɛ nɔmlɔ adesa ngɛ pee ɔ da ha lɛ; se Yawɛ lɛɛ nɔmlɔ tsui mi lɛ e hyɛɔ.

Abɛ Womi 28:18

Nɔ nɛ yeɔ anɔkuale ɔ, a ma he e yi wami. Se nɔ nɛ ní peemi níhi dɛ ɔ, lɛɛ e maa nɔ muɔ mi tlukaa.

Abɛ Womi 28:6

Ohiatsɛ nɛ yeɔ anɔkuale ɔ, e hi pe niatsɛ nɛ peeɔ níhi nɛ dɛ.

Yona 4:11

Nɛ imi lɛɛ e sɛ kaa Nineve sane dɔɔ mi lo? Nineve ɔ, ma ngua, kɛ e mi nimli babauu, maa pee 120,000 kɛ se, nɛ a li kpakpa kɛ yayami a kpɛti slɔɔto. Lohwehi babauu hu ngɛ ma a mi.”

Mika 6:5

Ye ma, nyɛ kai nɔ́ nɛ Moab matsɛ, Balak to nɛ e maa pee nyɛ, kɛ heto nɛ Beor binyumu Balaam ha lɛ. Nyɛ kai níhi nɛ ba ngɛ blɔ nɔ kɛ je nyɛ si tomi he ɔ ngɛ Shitim kɛ ya Gilgal ɔ. Nyɛ kai ní nɛ ɔmɛ, konɛ nyɛɛ na bɔ nɛ i pee kɛ he nyɛ yi wami.” Yawɛ lɛ de.

Mose IV, 22:20

Jamɛ a nyɔ ɔ mi ɔ, Mawu ba Balaam ngɔ, nɛ e ba de lɛ ke, “Ke nimli nɛ ɔmɛ ba nɛ́ a ba kpee mo kɛ ho ɔ, tee si nɛ o kɛ mɛ nɛ ya. Se mohu, nɔ́ nɛ ma de mo ɔ, lɔ ɔ o pee.”

Mose IV, 22:22

Se Mawu mi mi fu kaa Balaam ho. Benɛ Balaam hi e teji yo ɔ nɔ nɛ e kɛ e tsɔli enyɔ ɔmɛ yaa a, Yawɛ bɔfo ɔ ya po lɛ ngɛ blɔ ɔ nɔ.

Mose IV, 22:28

Kɛkɛ nɛ Yawɛ bli teji yo ɔ nya, nɛ e bi Balaam ke, “Mɛni i pee mo loko o fia mi nɔ́ si etɛ sɔuu kikɛ nɛ ɔ?”

Mose IV, 22:33

Teji yo ɔ na mi nɛ e yu e he kɛ je ye hɛ mi si etɛ sɔuu. Niinɛ, kaa e pee we ja jinɛ i gbe mo, nɛ i he teji yo ɔ yi wami.”

Mose IV, 22:35

Se Yawɛ bɔfo ɔ de Balaam ke, “O kɛ nyumu ɔmɛ nɛ ya kɛkɛ; se mohu, munyu nɛ ma ngɔ kɛ wo o nya ke o tu ɔ, lɔ ɔ pɛ o de.” Kɛkɛ nɛ Balaam kɛ Balak tsɔli ɔmɛ pue nɔ kɛ ho.

Ni Tsumi 13:10

nɛ e de ke, “Abosiami nitsɛnitsɛ ji mo! Nɔ́ kpakpa tsuaa nɔ́ kpakpa he nyɛlɔ! Ní yayamihi pɛ a he o susuu! Be tsuaa be ɔ, o bɔɔ mɔde kaa o ma tsake Nyɔmtsɛ ɔ anɔkuale munyu ɔ hɛ mi kɛ pee lakpa!

Mose V, 23:4

Benɛ o je Egipt kɛ ma a, mɛ nɛ a kua mo niye ní kɛ nyu hami ɔ nɛ. Lɔ ɔ se hu, a ya bɔ Beor bi, Balaam nɛ je Petor ma a mi ngɛ Mesopotamia a apaa ke e ba gbiɛ mo.

Mose V, 25:4

“Na nɛ ngɛ ngma gblɛe ha mo ɔ, koo fi e nya.