Mose IV, 22:31 - BAIBLO ALOO NGMAMI KLƆUKLƆU Ɔ

³¹ Jehanɛ ɔ, Yawɛ bli Balaam hɛngmɛ, nɛ e na Yawɛ bɔfo ɔ nɛ hɛɛ klaate kɛ daa si ngɛ blɔ ɔ mi. Kɛkɛ nɛ Balaam ma e yi si, nɛ e kɛ e hɛ mi bu si.

Mose IV, 22:31 ပူးပေါင်းရင်းမြစ်များ

Mose I, 21:19

Kɛkɛ nɛ Mawu bli Hagar hɛngmɛ nɛ e na vu ko. E ho nɛ e ya yɛ nyu kɛ wo lohwe he womi tɔ ɔ mi nɛ e hyi, nɛ e ha e bi ɔ nyu ɔ eko nɛ e nu.

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Luka 24:31

A yo lɛ si kake too; kɛkɛ nɛ e laa mɛ, nɛ a nɛ lɛ hu.

Luka 24:16

A na lɛ, se a yo we lɛ.

Yohane 18:6

Benɛ Yesu de mɛ ke, “Imi ji nɛ ɔ nɛ” ɔ, a gbee senyasenya, nɛ a ya nɔ si ngɛ zugba.

La 9:20

Yawɛ, wo je ma amɛ a he gbeye, konɛ a le kaa nimli adesahi kɛkɛ ji mɛ.

Kronika I, 21:16

David na Yawɛ bɔfo ɔ nɛ daa si ngɛ hiɔwe kɛ zugba a kpɛti. E hɛɛ e klaate ɔ ngɛ e dɛ mi, nɛ e miɔ nɛ e ma kpata Yerusalem hɛ mi. Kɛkɛ nɛ David kɛ ma nimeli ɔmɛ tsuo kpla si, nɛ a ngɔ a hɛ mi ngɔ bu si. Mɛ tsuo a bu kpekpe.

Mose IV, 24:16

Lɛ nɛ e nuɔ Mawu gbi; Lɛ nɛ Mawu Ope ɔ jeɔ ninahi kɛ tsɔɔ; Lɛ nɛ ke e hɛli po e hɛngmɛhi fɔɔ si paa.

Mose IV, 24:4

Nɔ nɛ nuɔ Mawu gbi, Nɔ nɛ Mawu Ope ɔ jeɔ ninahi kɛ tsɔɔ lɛ, Nɔ nɛ ke e hɛli po ɔ, e hɛngmɛhi fɔɔ si paa.

Mose II, 34:8

Mose kɛ he sɔmi kpla si nɛ e ja Mawu.

Mose IV, 22:30

Teji yo ɔ ya nɔ nɛ e bi Balaam ke, “Anɛ pi mo nitsɛ o teji yo ji mi, nɛ o hii ye nɔ daa nɛ ɔ kɛ ba si mwɔnɛ ɔ lo? Anɛ i pee mo nɔ́ ko kaa kikɛ nɛ ɔ hyɛ lo?” Balaam ha lɛ heto ke, “Dɛbi.”

Yoshua 5:13

Benɛ Yoshua su Yeriko haa nɛ e wo e yi nɔ ɔ, e na nyumu ko nɛ hɛɛ klaate kɛ daa si ngɛ e hɛ mi. Yoshua ya e ngɔ nɛ e ya bi lɛ ke, “Wa nɔ ji mo, loo wa he nyɛlɔ ji mo?”

Yoshua 5:14

Nyumu ɔ he nɔ ke, “Dɛbi, mohu ɔ, i ba kaa Yawɛ tabo ɔ nyatsɛ.” Kɛkɛ nɛ Yoshua ngɔ e hɛ mi ngɔ bu zugba nɛ e ja lɛ, nɛ e de lɛ ke, “I kpa mo pɛɛ, o tsɔlɔ ji mi. Mɛni o ngɛ hlae nɛ ma pee ha mo?”