Mose IV, 22:22 - BAIBLO ALOO NGMAMI KLƆUKLƆU Ɔ

²² Se Mawu mi mi fu kaa Balaam ho. Benɛ Balaam hi e teji yo ɔ nɔ nɛ e kɛ e tsɔli enyɔ ɔmɛ yaa a, Yawɛ bɔfo ɔ ya po lɛ ngɛ blɔ ɔ nɔ.

Mose IV, 22:22 ပူးပေါင်းရင်းမြစ်များ

Mose IV, 22:32

Yawɛ bɔfo ɔ bi Balaam ke, “Mɛni he je nɛ o fia o teji yo ɔ nɔ́ si etɛ sɔuu kikɛ nɛ ɔ? O nɛ, pe i ba nɛ ma ba tsi mo blɔ; ejakaa blɔ nɛ o hia nɛ ɔ ngɔɛ ye nya.

Mose II, 4:24

Benɛ Mose yaa a, Yawɛ ya je e he si ha lɛ ngɛ nibwɔhi a to he ko, nɛ e piɛ nguɛ nya nɛ e tane e yi.

Kɔmɔ Yemi 2:4

E ngɔ e kɛ̃ɛ̃ mi bi ɔmɛ ngɔ ka wɔ kaa wa he nyɛlɔ. E gbe wa suɔli kpakpa amɛ tsuo. E kɛ e mi mi la nɛ nya wa kaa la a kple Yerusalem nɔ.

Hosea 1:4

Yawɛ de Hosea ke, “Wo bi ɔ biɛ ke ‘Yezreel’; ejakaa e be kɛe kulaa nɛ ma gbla Israel matsɛ ɔ tue ngɛ nihi nɛ e nɛ̃, Yehu kpata a hɛ mi ngɛ Yezreel ɔ a he. Ma ha nɛ Yehu nɔ yemi ɔ se maa po.

Matsɛmɛ II, 10:20

Jehanɛ, Yehu fa ke a fiɛ nɛ a kɛ kpee ma a kɛ ba ye nyami ligbi pɔtɛɛ ko kɛ wo Baal hɛ mi nyami; nɛ a pee ja.

Mose IV, 22:35

Se Yawɛ bɔfo ɔ de Balaam ke, “O kɛ nyumu ɔmɛ nɛ ya kɛkɛ; se mohu, munyu nɛ ma ngɔ kɛ wo o nya ke o tu ɔ, lɔ ɔ pɛ o de.” Kɛkɛ nɛ Balaam kɛ Balak tsɔli ɔmɛ pue nɔ kɛ ho.

Mose II, 23:20

“Hyɛ, i ngɛ bɔfo ko tsɔe kɛ nyɛɛ o hɛ mi, nɛ e bu o he ngɛ blɔ ɔ nɔ hluu kɛ yaa si he nɛ i dla ngɔ to mo ɔ.

Mose IV, 22:23

Benɛ teji yo ɔ na bɔfo ɔ nɛ e hia klaate kɛ daa si ngɛ blɔ ɔ mi ɔ, e gba kɛ je blɔ ɔ nɔ kɛ ho nga a mi ya. Balaam fia teji yo ɔ nɔ́, konɛ e kɛ dɔ e yi kɛ ba blɔ ɔ nɔ ekohu.