Mose IV, 22:20 - BAIBLO ALOO NGMAMI KLƆUKLƆU Ɔ

²⁰ Jamɛ a nyɔ ɔ mi ɔ, Mawu ba Balaam ngɔ, nɛ e ba de lɛ ke, “Ke nimli nɛ ɔmɛ ba nɛ́ a ba kpee mo kɛ ho ɔ, tee si nɛ o kɛ mɛ nɛ ya. Se mohu, nɔ́ nɛ ma de mo ɔ, lɔ ɔ o pee.”

Mose IV, 22:20 ပူးပေါင်းရင်းမြစ်များ

Mose IV, 24:13

Ke Balak ngɔ sika hiɔ, loo sika tsu tsuo nɛ ngɛ e we ɔ mi kɛ ha mi po ɔ, i be nyɛe nɛ ma to ye yi mi nɛ ma pee nɔ́ ko nɛ kɛ fami nɛ Yawɛ fa mi ɔ yɛ, kpakpa jio, yayami jio, kaa ja nɔ́ nɛ Yawɛ ke ma de ɔ, lɔ ɔ pɛ ma de ɔ lo?”

Mose IV, 23:26

Balaam he nɔ ke, “Anɛ i de we mo ke nɔ́ tsuaa nɔ́ nɛ Yawɛ de mi ke ma pee ɔ, lɔ ɔ pɛ ma pee lo?”

Mose IV, 23:12

E he nɔ ke, “Anɛ ma nyɛ ma de nɔ́ kpa ko pe nɔ́ nɛ Yawɛ ke ma de ɔ lo?”

Mose IV, 22:35

Se Yawɛ bɔfo ɔ de Balaam ke, “O kɛ nyumu ɔmɛ nɛ ya kɛkɛ; se mohu, munyu nɛ ma ngɔ kɛ wo o nya ke o tu ɔ, lɔ ɔ pɛ o de.” Kɛkɛ nɛ Balaam kɛ Balak tsɔli ɔmɛ pue nɔ kɛ ho.

Hosea 13:11

I kɛ abofu to matsɛmɛ ha nyɛ, nɛ i kɛ mi mi la kpa mɛ.

Yesaya 37:29

Akɛnɛ o kɛ mi tuɔ munyu basabasa, nɛ i nu o he nɔ womi hu he he je ɔ, ma ngɔ gbowe kɛ wo o gugwɔ mi; ma wo o nya mi dade, nɛ ma kpale mo kɛ gu blɔ nɛ o gu kɛ ba a nɔ.”

La 81:12

Enɛ ɔ he je ɔ, i ngmɛɛ a je mi he ngɔ ha mɛ, konɛ a pee nɔ́ nɛ mɛ nitsɛmɛ a tsui suɔ.

Mose IV, 23:16

Kɛkɛ nɛ Yawɛ kɛ Balaam ba kpe. E tsɔɔ lɛ nɔ́ nɛ e de Balak, nɛ e ha nɛ e kpale e se, konɛ e ngɔ sɛ gbi nɛ ɔ ya ha Balak.

Mose IV, 23:5

Yawɛ tsɔɔ Balaam nɔ́ nɛ e de Balak, ne e ha nɛ e kpale e se, konɛ e ngɔ sɛ gbi nɛ ɔ ya ha Balak.

Mose IV, 22:19

Se kɛ̃, nyɛ hu nyɛɛ hwɔ hiɛ ɔ nyɔ nɛ ɔ mi, konɛ ma hyɛ kaa Yawɛ ngɛ nɔ́ kpa ko nɛ e ma de mi lo.”

Mose IV, 24:4

Nɔ nɛ nuɔ Mawu gbi, Nɔ nɛ Mawu Ope ɔ jeɔ ninahi kɛ tsɔɔ lɛ, Nɔ nɛ ke e hɛli po ɔ, e hɛngmɛhi fɔɔ si paa.

Yeremia 1:7

Se Yawɛ de mi ke, “Ko de ke niheyo kɛkɛ ji mo. Nihi tsuo a ngɔ nɛ ma tsɔ mo ɔ, yaa; nɛ nɔ́ tsuaa nɔ́ nɛ ma fa mo ke o de ɔ, de.