Mose IV, 21:5 - BAIBLO ALOO NGMAMI KLƆUKLƆU Ɔ

⁵ nɛ a tu munyu kɛ si Mawu kɛ Mose ke, “Mɛni he je nɛ nyɛ kpaka wɔ kɛ je Egipt nɛ wa ba gbo ngɛ nga nɛ ɔ nɔ, he nɛ niye ní, loo nyu ko be ɔ? Kikɛmɛ a niye ní gbogboe nɛ ɔ lɛɛ wa sume oo, wa sume!”

Mose IV, 21:5 ပူးပေါင်းရင်းမြစ်များ

La 68:6

Nihi nɛ nɔ ko be mɛ ɔ, Mawu haa mɛ we nɛ a hii mi. E jeɔ pamitsɛmɛ kɛ jeɔ tsu mi, nɛ e haa a bɔɔ. Se atuã tsɔli lɛɛ e haa a hii zugba gbogboe nɛ bɛ ní nɔ.

La 78:19

A tu munyu kɛ si Mawu, nɛ a bi ke, “Anɛ Mawu ma nyɛ ma ha wɔ niye ní ngɛ nga a nɔ lo?

Mose II, 14:11

A bi Mose ke, “Anɛ yɔkɔhi nɛ be Egipt he je nɛ o kpaka wɔ kɛ ba nɛ wa ba gbo tlɔ nga pa lo? Mɛni he je o kɛ wɔ ye kikɛmɛ a sane, nɛ o ngɔ wɔ kɛ je Egipt ɔ?

Mose II, 15:24

Kɛkɛ nɛ ma a tu munyu huitihuiti kɛ si Mose ke, “Mɛni wa maa nu?”

Mose II, 16:15

Benɛ Israel bi ɔmɛ na a, a li nɔ́ nɛ ji. Enɛ ɔ he je ɔ, a de ngɛ a je gbi mi ke, “Mana.” E sisi ji, “Mɛni ji nɛ ɔ?” Mose de mɛ ke, “Abolo nɛ Yawɛ ha nyɛ nɛ nyɛɛ ye ɔ ji nɛ ɔ nɛ.

Mose II, 16:31

Israel bi ɔmɛ tsɛ niye ní ɔ ke mana. E ngɛ kaa tso yiblii mi wu nyafii; e hiɛ futafuta, nɛ e ngɔɔmi ngɛ kaa akpɔɔnɔɔ nɛ hwo ngɛ mi.

Abɛ Womi 27:7

Nɔ nɛ tɔ ɔ, ke a ha lɛ hwo po e sume; se nɔ nɛ hwɔ ngɛ lɛ yee ɔ, lɛɛ níhi nɛ dooɔ tete po ngɔɔ e nya.

Ezekiel 20:21

“Se jamɛ a yi nɔ bi ɔmɛ hu tsɔ ye hɛ mi atuã; a nyɛɛ we ye blɔ nya tomi ɔmɛ a nɔ, nɛ a yi ye mlaa amɛ a nɔ. A ble ye Hejɔɔmi ligbi ɔmɛ hulɔ. Níhi nɛ ke nɔmlɔ pee nɛ e yi ma na wami ɔ, a pee we. Lɔ ɔ he ɔ, i to ye yi mi kaa ma ha nɛ a nu ye we abofu gbeyegbeye ɔ he ngɛ nga a nɔ.

Mose IV, 11:20

Se mohu, nyɛ maa ye de lo nyɔhiɔ mluku kɛ yaa si be nɛ e maa je kpo ngɛ nyɛ gugwɔ puɔ mi, nɛ e maa gbe nyɛ nya. Ejakaa nyɛ kua Yawɛ nɛ ngɛ nyɛ kpɛti ngɛ hiɛmɛ nɛ ɔ, nɛ nyɛ wo yana nɛ nyɛ bi ke mɛni he je nɛ a ha nyɛ je Egipt mɔ?’ ”

Mose IV, 16:41

E nɔ jena a, Israel ma a tsuo hɔɔ nya si kɛ wo Mose kɛ Aaron, nɛ a de ke, “Nyɛ lɛ nyɛ gbe Yawɛ ni ɔmɛ ɔ nɛ.”

Mose IV, 17:12

Kɛkɛ nɛ Israel bi ɔmɛ de Mose ke, “Wa yi ta! Wa gbe nya! Wɔ tsuo pɛpɛɛpɛ wa yi ta!

1 Korintobi 10:9

Wa ko ka Nyɔmtsɛ ɔ kaa bɔ nɛ a ti ni komɛ pee, nɛ sinɔ kpata a hɛ mi ɔ.