Mose IV, 21:4 - BAIBLO ALOO NGMAMI KLƆUKLƆU Ɔ

⁴ Benɛ Israel bi ɔmɛ si Hor yo ɔ, a ya gu Wo Tsu ɔ nya blɔ, konɛ a kɛ tsɔ Edom zugba a he. Se a tsui si tomi ya ta ngɛ blɔ ɔ nɔ,

Mose IV, 21:4 ပူးပေါင်းရင်းမြစ်များ

Matsɛmɛ II, 3:8

E ya nɔ nɛ e bi lɛ ke, “Jije wa maa gu kɛ ya?” Yehoram he nɔ ke, “Wa maa gu Edom nga a nɔ.”

Mose II, 6:9

Mose ngɔ sɛ gbi nɛ ɔ ya ha Israel bi ɔmɛ, se a nyɔguɛ si himi ɔ, a nɔ yemi gbegbelii ɔ, kɛ a kɔmɔ yemi ɔ ha we nɛ a bu lɛ tue.

Mose IV, 14:25

Se amlɔ nɛ ɔ, akɛnɛ Amalek bi ɔmɛ, kɛ Kanaan bi ɔmɛ ngɛ kɔ̃ ɔmɛ a mi he je ɔ, hwɔɔ ɔ, nyɛɛ kpale nyɛ se kɛ ya gu blɔ nɛ ngɛ Wo Tsu ɔ he ɔ kɛ ya nga a nɔ.”

Mose IV, 20:27

Mose pee kaa bɔ nɛ Yawɛ fa lɛ ɔ. A kuɔ Hor yo ɔ ngɛ ma kpekpemi ɔ tsuo a hɛ mi,

Mose IV, 32:7

Mɛni he je nɛ nyɛ ngɛ hlae nɛ nyɛɛ wo Israel bi ɔmɛ a kɔni mi nyu, nɛ a ko po pa a kɛ ya zugba a nɛ Yawɛ ngɔ ha mɛ ɔ nɔ ɔ?

Mose IV, 32:9

A nyɛɛ hluu kɛ ya su Eskol kɔ̃ ɔ mi, nɛ a ya na zugba a. Se mohu a se kpalemi mi ɔ, a ba wo Israel bi ɔmɛ a kɔni mi nyu nɛ a ko ya zugba a nɛ Yawɛ ngɔ ha mɛ ɔ nɔ.

Mose IV, 33:41

Jehanɛ, Israel bi ɔmɛ hia kɛ je Hor yo ɔ he, nɛ a ya to si ngɛ Zalmona.

Ni Tsumi 14:22

A wo nihi nɛ he ye ɔ he wami, konɛ a hemi kɛ yemi mi nɛ wa. A tsɔɔ mɛ hulɔ kaa, “E sa kaa waa gblee amanehlu babauu mi kɛ sɛ Mawu matsɛ yemi ɔ mi.”

Mose V, 1:40

Se nyɛɛ lɛɛ nyɛɛ kpale nyɛ se kɛ gu nga kplanaa a nɔ kɛ ho Wo Tsu ɔ he ya.’

Mose V, 2:1

“Nyagbe ɔ, wa kpale hia kɛ gu Wo Tsu ɔ nya blɔ kɛ ho nga a nɔ ya kaa bɔ nɛ Yawɛ fa wɔ ɔ. Wa wo lalaalo be babauu ngɛ Edom yo zugba a nɔ.

Manyadali 11:18

Pee se ɔ, Israel bi ɔmɛ nyɛɛ kɛ gu nga a nɔ, nɛ a ya lɔgɔ Edom zugba a, kɛ Moab zugba a, hluu kɛ ya pa si ngɛ Moab zugba a beleku je. A to si ngɛ Arnon pa a se, se a pui mi kɛ yɛ Moab zugba a nɔ; ejakaa Arnon pa a ji Moab huzu ɔ nɛ.