Mose IV, 21:26 - BAIBLO ALOO NGMAMI KLƆUKLƆU Ɔ

²⁶ Heshbon ji Amor matsɛ, Sihon matsɛ ma. Sihon nɛ ɔ ji nɔ nɛ e kɛ kekle Moab matsɛ ɔ hwu ta nɛ e ngɔ e zugba a tsuo ngɛ e dɛ kɛ ba si Arnon pa a nya a nɛ.

Mose IV, 21:26 ပူးပေါင်းရင်းမြစ်များ

Lahi 7:4

O kuɛ da si kaa mɔ nɛ a ngɔ suɔ wu kɛ ma. O hɛngmɛhi ngɛ kaa takuhi ngɛ Batrabim agbo ɔ nya ngɛ Heshbon ma a mi. O gugwɔ ngɛ kaa Lebanon mɔ gojoo ɔ nɛ e yi je kpo ngɛ Damasko ma a nɔ ɔ.

Lahi 7:5

O yi maa si ngɛ o kuɛ nɔ kaa Karmel yo ɔ. O yi nɛ a gbɔ ɔ ngɛ kpɛe kaa bo nɛ hɛɛ alamua tu su; e peeɔ matsɛ po akɔnɔ.

Yeremia 48:2

Moab hɛ mi nyami ɔ ta. He nyɛli ɔmɛ ngɔ Heshbon, nɛ a to kaa a ma kpata Moab zugba a hɛ mi. Madmen ma a hu, a ma ya tua lɛ, nɛ a ma kpata ma a hɛ mi.

Yeremia 48:20

A ma he nɔ ke, ‘A bɔ Moab ahlua; a kpata Moab hɛ mi. Nyɛɛ wo yana nɛ nyɛ nya awe! Nyɛɛ fiɛ ngɛ Arnon pa a nya ke a kpata Moab hɛ mi!’

Yeremia 48:45

Nihi nɛ a he wami ta maa ka kaa a maa tu fo nɛ a ya laa a he ngɛ Heshbon mɔ ɔ mi, he nɛ Matsɛ Sihon ye tsɛ ngɛ be ko ɔ. Se la sã Moab zugba a tsuo; atuã tsɔli nɛ ɔmɛ a zugba a sã kɛ je zugba a nya he kake kɛ ya si he kake.

Mose IV, 21:25

Israel bi ɔmɛ ngɔ Amor bi ɔmɛ a ma ngua amɛ tsuo, kaa Heshbon kikɛ nɛ ɔ; nɛ a hi Amor bi ɔmɛ a ma ngua amɛ, kɛ kɔpe ɔmɛ tsuo a mi.

Mose IV, 21:27

Enɛ ɔ he je nɛ asilɛte ɔmɛ laa nɛ a deɔ ke, “Nyɛɛ ba Matsɛ Sihon ma Heshbon! Nyɛ ha nɛ a fia ma a, nɛ a dla lɛ ekohu.

Mose V, 1:4

Jamɛ a be ɔ mi ɔ, Yawɛ gbe Amor bi ɔmɛ a matsɛ, Sihon nɛ hi Heshbon ɔ, kɛ Bashan matsɛ, Og nɛ hi Ashtarot ngɛ Edrei ɔ momo.

Yoshua 13:16

Zugba nɛ ɔ huzu je Aroer pa a nya ngɛ Arnon kɔ̃ ɔ nya, kɛ ma nɛ ngɛ kɔ̃ ɔ kpɛti ɔ, kɛ zugba kpataa a tsuo nɛ bɔle Medeba a.

Yoshua 13:17

Mahi nɛ ngɛ zugba a nɔ ji Heshbon, kɛ ma amɛ tsuo nɛ ngɛ zugba kpataa a nɔ, nɛ ji Dibon, Bamot Baal, Bet Baalmeon,

Yoshua 13:25

A zugba ji Yazer kɛ Gilead ma amɛ tsuo, kɛ Amon bi ɔmɛ a zugba a fa, kɛ ya su Aroer ngɛ Raba beleku je.

Yoshua 21:39

Heshbon, Yazer, kɛ a he lohwe lɛmi zugbahi.

Manyadali 11:26

Jeha lafa etɛ sɔuu nɛ Israel bi ɔmɛ hi Heshbon, Aroer, kɛ kɔpe ɔmɛ nɛ bɔle mɛ, kɛ ma amɛ tsuo nɛ ngɛ Arnon pa a tue ɔ a mi ɔ, mɛni he je nyɛ kpɔ we nyɛ ní jamɛ a be ɔ mi?