Mose IV, 21:25 - BAIBLO ALOO NGMAMI KLƆUKLƆU Ɔ

²⁵ Israel bi ɔmɛ ngɔ Amor bi ɔmɛ a ma ngua amɛ tsuo, kaa Heshbon kikɛ nɛ ɔ; nɛ a hi Amor bi ɔmɛ a ma ngua amɛ, kɛ kɔpe ɔmɛ tsuo a mi.

Mose IV, 21:25 ပူးပေါင်းရင်းမြစ်များ

Lahi 7:4

O kuɛ da si kaa mɔ nɛ a ngɔ suɔ wu kɛ ma. O hɛngmɛhi ngɛ kaa takuhi ngɛ Batrabim agbo ɔ nya ngɛ Heshbon ma a mi. O gugwɔ ngɛ kaa Lebanon mɔ gojoo ɔ nɛ e yi je kpo ngɛ Damasko ma a nɔ ɔ.

Yesaya 15:4

Heshbon kɛ Eleale bi ɔmɛ wo yana nɛ a fo boboobo. A nu huhui ɔ ngɛ Yahaz tɔɔ. Sawale nu Moab ta buli ɔmɛ, nɛ a he ngɛ doe blibliibli.

Yeremia 48:2

Moab hɛ mi nyami ɔ ta. He nyɛli ɔmɛ ngɔ Heshbon, nɛ a to kaa a ma kpata Moab zugba a hɛ mi. Madmen ma a hu, a ma ya tua lɛ, nɛ a ma kpata ma a hɛ mi.

Yeremia 48:34

“Heshbon kɛ Eleale bi ngɛ awe nyae, nɛ a ngɛ ngmlaa a he nue ngɛ Yahaz tɔɔ. Ngmlaa a ngɛ pɛe ngɛ Zoar, Horonaim, kɛ Eglat Shelishiya tɔɔ. Nimrim pa a po gbli.

Yeremia 48:45

Nihi nɛ a he wami ta maa ka kaa a maa tu fo nɛ a ya laa a he ngɛ Heshbon mɔ ɔ mi, he nɛ Matsɛ Sihon ye tsɛ ngɛ be ko ɔ. Se la sã Moab zugba a tsuo; atuã tsɔli nɛ ɔmɛ a zugba a sã kɛ je zugba a nya he kake kɛ ya si he kake.

Ezekiel 16:46

“O nyɛmiyo nɔkɔtɔma Samaria, kɛ e mi bi ɔmɛ ngɛ o kasa nya ngɛ omleyi je, nɛ o nyɛmiyo jokuɛyo Sodom, kɛ lɛ hu e mi bi ɔmɛ ngɛ o leneyi je.

Ezekiel 16:49

O nyɛmiyo Sodom, kɛ e mi bi ɔmɛ woɔ a he nɔ; a ngɛ niye ní babauu, a ngɛ he jɔmi mi, nɛ a tue mi jɔ mɛ; se a yi bua ohiatsɛmɛ, kɛ nihi nɛ e fi mɛ ɔ.

Ezekiel 16:53

Yawɛ de Yerusalem ke, “Ma ha Sodom kɛ Samaria ma amɛ, kɛ a mi bi ɔmɛ maa kpale ná ní kpɔtɔɔ ekohu. Mo nitsɛ hu, ma ha o maa kpale ná ní ekohu, kaa mɛ nɔuu.

Amos 2:10

Imi lɛ i je nyɛ kɛ je Egipt bi ɔmɛ a zugba a nɔ ɔ nɛ. I kpaka nyɛ kɛ gu nga a nɔ jeha nyingmi eywiɛ, nɛ i ngɔ Amor bi ɔmɛ a zugba a kɛ ha nyɛ, nɛ e ba pee nyɛ nɔ́.

Mose IV, 21:26

Heshbon ji Amor matsɛ, Sihon matsɛ ma. Sihon nɛ ɔ ji nɔ nɛ e kɛ kekle Moab matsɛ ɔ hwu ta nɛ e ngɔ e zugba a tsuo ngɛ e dɛ kɛ ba si Arnon pa a nya a nɛ.

Mose IV, 21:31

Bɔ nɛ pee nɛ Israel bi ɔmɛ ya to si ngɛ Amor bi ɔmɛ a zugba a nɔ ji nɛ ɔ nɛ.

Mose IV, 32:3

“Atarot, Dibon, Yazer, Nimra, Heshbon, Eleale, Sibma, Nebo, kɛ Beon,

Mose V, 2:12

Hor bi ɔmɛ hu hi Edom sa a; se Esau nina a ba fie mɛ, nɛ a kpata a hɛ mi, nɛ mɛ nitsɛmɛ a hi lejɛ ɔ, kaa bɔ nɛ Israel bi ɔmɛ hu ba fie a he nyɛli ɔmɛ kɛ je zugba nɛ ji weto ní nɛ Yawɛ ngɔ ha mɛ ɔ nɔ ɔ.

Yoshua 24:8

Pee se ɔ, i ngɔ nyɛ kɛ ba Amor bi ɔmɛ a zugba a nɔ, ngɛ Yordan pa a beleku je. A kɛ nyɛ hwu ta; se i ha nyɛ ye a nɔ, nɛ nyɛ ngɔ a zugba a. I kpata a hɛ mi, nɛ i ha nyɛ blɔ mi tɛ̃ ha nyɛ.

Manyadali 11:26

Jeha lafa etɛ sɔuu nɛ Israel bi ɔmɛ hi Heshbon, Aroer, kɛ kɔpe ɔmɛ nɛ bɔle mɛ, kɛ ma amɛ tsuo nɛ ngɛ Arnon pa a tue ɔ a mi ɔ, mɛni he je nyɛ kpɔ we nyɛ ní jamɛ a be ɔ mi?