Mose IV, 21:24 - BAIBLO ALOO NGMAMI KLƆUKLƆU Ɔ

²⁴ Se Israel bi ɔmɛ kɛ klaate tane a yi, nɛ a ngɔ a zugba a kɛ je Arnon pa a nya kɛ ya pue Yabok pa a nɛ ji Amon bi ɔmɛ a huzu ɔ nya, ejakaa Amon bi ɔmɛ a huzu ɔ, a fia gbogbo ngɛ nɔ.

Mose IV, 21:24 ပူးပေါင်းရင်းမြစ်များ

Mose I, 32:22

Jamɛ a nyɔ ɔ mi nɔuu ɔ, Yakob te si, nɛ e kɛ e yihi enyɔ ɔmɛ, kɛ e mawayi enyɔ ɔmɛ, kɛ a bimɛ nyɔngma kɛ kake ɔmɛ po Yabok pa a.

Nehemia 9:22

“O ha a ye je mahi, matsɛ yemihi, kɛ zugbahi nɛ bɔle mɛ ɔ a nɔ. A ye Heshbon zugba a, kɛ Bashan zugba a tsuo nɔ. Heshbon ji he nɛ Sihon ye matsɛ ngɛ, nɛ Bashan ji he nɛ Og ye matsɛ ngɛ.

La 136:19

Amor matsɛ, Sihon; ejakaa e suɔmi ɔ ngɛ kɛ yaa neneene!

Amos 2:9

Yawɛ ya nɔ nɛ e de ke, “Nɛ, nyɛ ye ma! Nyɛ he ɔ, i kpata nyɛ he nyɛli nɛ ji Amor bi ɔmɛ a hɛ mi pɛsɛpɛsɛ. Nimli nɛ ɔmɛ ka gagaaga kaa seda tsohi, nɛ a he wa kaa tso nguahi.

Mose IV, 21:13

Nɛ́ a je lejɛ ɔ, a ya to si ngɛ Arnon pa a omleyi je ngɛ nga a nɔ kɛ yaa Amor bi ɔmɛ a huzu ɔ nya. (Arnon pa a ji huzu nɛ ngɛ Moab bi ɔmɛ, kɛ Amor bi ɔmɛ a kpɛti).

Mose V, 1:4

Jamɛ a be ɔ mi ɔ, Yawɛ gbe Amor bi ɔmɛ a matsɛ, Sihon nɛ hi Heshbon ɔ, kɛ Bashan matsɛ, Og nɛ hi Ashtarot ngɛ Edrei ɔ momo.

Mose V, 29:7

Jehanɛ, benɛ wa ba su hiɛmɛ nɛ ɔ, Heshbon matsɛ, Sihon, kɛ Bashan matsɛ, Og hia ta kɛ kpee wɔ. Se wa ye a nɔ,

Mose V, 3:16

I ngɔ zugba a nɛ ngɛ kɛ je Gilead kɛ ya na Arnon pa a ngɔ ha Ruben kɛ Gad wɛtso ɔmɛ. Pa a kpɛti pee a huzu ngɛ leneyi je; nɛ a huzu nɛ ngɛ omleyi je ji Yabok pa a nɛ e fa peeɔ Amon bi ɔmɛ a huzu ɔ.

Mose V, 31:4

Yawɛ maa pee je ma amɛ kaa bɔ nɛ e pee Amor matsɛmɛ, Sihon kɛ Og, kɛ a zugba a; e ma kpata a hɛ mi pɛsɛpɛsɛ.

Yoshua 13:12

Bashan matsɛ, Og nɔ yemi he ɔ hu piɛ zugba nɛ ɔ he. Og ye matsɛ ngɛ Ashtarot kɛ Edrei; nɛ lɛ nɔ kake pɛ ji nɔ nɛ piɛ ngɛ oblaihi a nina nɛ a tsɛɛ mɛ Refaim ɔ a kpɛti; ejakaa Mose ya tua mɛ, nɛ e fie mɛ kɛ je lejɛ ɔ.

Yoshua 24:8

Pee se ɔ, i ngɔ nyɛ kɛ ba Amor bi ɔmɛ a zugba a nɔ, ngɛ Yordan pa a beleku je. A kɛ nyɛ hwu ta; se i ha nyɛ ye a nɔ, nɛ nyɛ ngɔ a zugba a. I kpata a hɛ mi, nɛ i ha nyɛ blɔ mi tɛ̃ ha nyɛ.

Yoshua 9:10

kɛ bɔ nɛ e pee Amor bi ɔmɛ a matsɛmɛ enyɔ ɔmɛ nɛ a ngɛ Yordan beleku je ɔ: Heshbon matsɛ, Sihon, kɛ Bashan matsɛ, Og nɛ hi Ashtarot ɔ.

Manyadali 10:11

Yawɛ de Israel ma a ke, “Egipt, Amor, Amon, Filisti,

Manyadali 11:13

Amon matsɛ ɔ ha Yefta tsɔli ɔmɛ heto ke, “Benɛ Israel ma a je Egipt kɛ ma a, a ngɔ ye zugba a, kɛ je Arnon pa a he kɛ ya si Yabok kɛ Yordan pa amɛ a he. Lɔ ɔ he ɔ, moo kpale ye zugba a kɛ ha mi kpoo!”

Manyadali 21:8

Benɛ a bi si ke Israel wɛtso ɔmɛ a ti mɛnɔ yɛ Yawɛ hɛ mi ngɛ Mizpa a, a na kaa nɔ ko nɔ ko ji Yabesh Gilead kɛ yɛ kpe ɔ,