Mose IV, 21:2 - BAIBLO ALOO NGMAMI KLƆUKLƆU Ɔ

² Kɛkɛ nɛ Israel bi ɔmɛ wo Yawɛ si, nɛ a de ke, “Ke o maa ngɔ nimli nɛ ɔmɛ kɛ wo wa dɛ mi ɔ, wa maa pee a ma amɛ butuu.”

Mose IV, 21:2 ပူးပေါင်းရင်းမြစ်များ

Mose I, 28:20

Yakob ka Yawɛ kita ke, “Ke o kɛ mi maa hi si, nɛ o maa bu ye he ngɛ blɔ nɛ i ngɛ hiae nɛ ɔ nɔ, ke o ma ha mi ngma nɛ ma ye, kɛ tade nɛ ma wo;

La 116:18

Ma ye ye siwo ɔ nɔ ha mo ngɛ mo Yawɛ, o we klɔuklɔu ɔ ngɛ Yerusalem, ngɛ ma kpekpemi ɔ tsuo a hɛ mi. A je Yawɛ yi!

La 132:2

E ka mo Yawɛ kita, nɛ e wo mo Yakob Mawu Ope ɔ si ke,

1 Korintobi 16:22

Nɔ tsuaa nɔ nɛ sume Nyɔmtsɛ ɔ, a gbiɛ lɛ! Wa Nyɔmtsɛ, ba!

Mose V, 13:15

lɛɛ nyɛɛ gbe jamɛ a ma a mi bi ɔmɛ tsuo, kɛ a lohwe ɔmɛ tsuo. Nyɛɛ ngɔ klaate kɛ kpata ma a hɛ mi pɛsɛpɛsɛ.

Mose V, 13:16

Nyɛ bua ma a mi bi ɔmɛ a níhi nɛ a ngɛ ɔ tsuo a nya glekugleku ngɛ ma nɔ. Jehanɛ, nyɛɛ sã ma a, kɛ nɔ́ tsuaa nɔ́ nɛ ngɛ mi ɔ kaa sami bɔ kɛ ha Yawɛ, nyɛ Mawu ɔ. Ma a nɛ pee ma doku, nɛ e ko bɔ hu gblegbleegble.

Mose V, 20:16

“Se ke o ngɔ ma amɛ nɛ Yawɛ, o Mawu ɔ ngɔ kɛ ngɛ mo hae ngɛ zugba a nɔ ɔ, gbee a mi nimli ɔmɛ tsuo.

Mose V, 7:2

Ke be ɔ su nɛ Yawɛ, nyɛ Mawu ɔ je mɛ ngɔ wo nyɛ dɛ, nɛ nyɛ ye a nɔ ɔ, nyɛ kpata mɛ tsuo a hɛ mi pɛsɛpɛsɛ. Nyɛɛ kɛ ma ko ma ko kó so nɛ nyɛɛ pee kake; nyɛ ko na mɛ mɔbɔ.

Yoshua 6:17

Nyɛ kpata ma a kɛ e mi nɔ́ tsuaa nɔ́ hɛ mi ha Yawɛ; Rahab, yo ajuama a, kɛ nɔ tsuaa nɔ nɛ kɛ lɛ ngɛ e we ɔ mi ɔ, mɛ pɛ a yi nɛ na wami; ejakaa e ngɔ slaali ɔmɛ nɛ wa tsɔ ɔ kɛ laa.

Yoshua 6:26

Jamɛ a be ɔ mi ɔ, Yoshua ka kita ke, “Nɔ tsuaa nɔ nɛ maa ka kaa e maa ma Yeriko ekohu ɔ, Yawɛ nɛ gbiɛ lɛ. Nɔ nɛ maa to sisi ɔ, e bitɛte nɛ gbo, nɔ nɛ maa gbe nya nɛ a maa ma nya agbo ɔ, e binakutso nɛ gbo.”

Manyadali 11:30

Yefta wo Yawɛ si ke, “Ke o ngɔ Amon bi ɔmɛ ngɔ wo ye dɛ mi,

Samuel I, 1:11

Hana wo si nɛ e de ke, “Yawɛ Ope, ke o maa hyɛ o mawayo haomi, nɛ o ma kai mi, nɛ o hɛ be ye nɔ jee, nɛ o ma ha o mawayo binyumu ɔ, i kɛ lɛ ma ha mo e wami ligbi tsuo, nɛ asoyi nya be e yi he sae.”